لي چياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

تۇتىنۋدى سەرپىلتۋگە قاتىستى قىزمەتتەردى زەرتتەپ، «2025 - جىلعى شەتەل قارجىسىن ورنىقتىرۋ ارەكەت جوباسىن» قاراپ ماقۇلدادى، ءتۇيىندى كاسىپ سالالارىنىڭ قۇرىلىمدىق قايشىلىقتارىن شەشۋدىڭ ساياساتتىق شارالارىن اقىلداستى، «جۇڭحۋا حالىق رەسپۋبليكاسىنىڭ مەملەكەتتى دامىتۋ جوباسى زاڭىن (جوبا)» تالقىلادى

شينحۋا اگەنتتىگى، 2 - ايدىڭ 10 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 2 - ايدىڭ 10 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، تۇتىنۋدى سەرپىلتۋگە قاتىستى قىزمەتتەردى زەرتتەپ، «2025 - جىلعى شەتەل قارجىسىن ورنىقتىرۋ ارەكەت جوباسىن» قاراپ ماقۇلدادى، ءتۇيىندى كاسىپ سالالارىنىڭ قۇرىلىمدىق قايشىلىقتارىن شەشۋدىڭ ساياساتتىق شارالارىن اقىلداستى، «جۇڭحۋا حالىق رەسپۋبليكاسىنىڭ مەملەكەتتى دامىتۋ جوباسى زاڭىن (جوبا)» تالقىلادى.

ءماجىلىس بىلاي دەپ اتاپ كورسەتتى: تۇتىنۋدى سەرپىلتۋ − ىشكى سۇرانىمدى كەڭەيتىپ، ەل ىشىندەگى ۇلكەن اينالىمدى ۇلعايتۋدىڭ، كۇشەيتۋدىڭ ەڭ ماڭىزدى ءتۇيىنى. كوزقاراستا شىنايى بۇرىلىس جاساپ، تۇتىنۋدى ارتتىرۋدى اناعۇرلىم كورنەكتى ورىنعا قويۋ كەرەك. تۇرعىنداردىڭ كىرىسىن ارتتىرۋدى بارىنشا قولداپ، ەڭبەكاقى سيپاتىندىق كىرىستىڭ ۇيلەسىمدى ارتۋىن جەبەپ، مال - مۇلىك سيپاتىندىق كىرىس ارناسىن كەڭەيتىپ، تۇتىنۋ قۋاتىن جوعارىلاتۋ كەرەك. جەتەكشىلىك سيپاتى كۇشتى، ارتۋ كەڭىستىگى كەڭ تۇتىنۋ سالاسىنا نازار اۋدارىپ، تۇتىنۋدىڭ كومەسكى كۇشىن اشۋ كەرەك. قىزمەت وتەۋ تۇتىنۋىنىڭ ساپاسىن جوعارىلاتىپ، حالىققا تيىمدىلىك جەتكىزۋدى جەبەپ، قارتتار مەن بالالاردى قىزمەت وتەۋمەن قامداۋدى ساپالىلاندىرىپ، حالىققا قولايلى قىزمەت وتەۋ تۇتىنۋىنا قولداۋ كورسەتىپ، مادەنيەت، دەنە تاربيە، ساياحات تۇتىنۋىن كەڭەيتىپ، قار - مۇز تۇتىنۋىن ىلگەرىلەتىپ، شەكارادان كىرۋ تۇتىنۋىن دامىتۋ كەرەك. كوپ قولدى تۇتىنۋدىڭ جاڭالانۋىن، دارەجەسىنىڭ جوعارىلاۋىن ىلگەرىلەتىپ، تۇتىنۋ بۇيىمدارىنىڭ كونەسىن جاڭاسىن اۋىستىرۋعا قولداۋ كورسەتۋ تەبىنىن ارتتىرىپ، تۇرعىن ءۇي تۇتىنۋ قاجەتىن اناعۇرلىم ويداعىداي قاناعاتتاندىرىپ، اۆتوموبيل تۇتىنۋ تىزبەگىن ۇزارتۋ كەرەك. تۇتىنۋ بۇيىمدارى ماركاسى ارقىلى جەتەكشىلىك ەتۋدى كۇشەيتىپ، جاڭاشا تۇتىنۋدىڭ جەدەل دامۋىنا قولداۋ كورسەتىپ، ”جاساندى زەردە + تۇتىنۋ“، اقاۋسىز تۇتىنۋ سياقتىلاردى جەبەپ، تۇتىنۋدىڭ جاڭا ونىمدەرىن، جاڭا قولدانىسىن، جاڭا قولامتالى ءتۇيىنىن ۇزدىكسىز قالىپتاستىرۋ كەرەك. تۇتىنۋ ورتاسىن ساپالىلاندىرۋدىڭ 3 جىلدىق ارەكەتىن اتقارىپ، ساپا ولشەمى، سەنىمدىلىك تەجەمى، جان - جاقتى جونگە سالۋ، تۇتىنۋ ۇقىعىن قورعاۋ سياقتى تۇزىمدەردى ونان ارى كەمەلدەندىرىپ، بۇقارانىڭ اڭىسى كۇشتى بولعان كورنەكتى ماسەلەلەردى كۇش سالا شەشىپ، الاڭسىز تۇتىنۋ ورتاسىن قالىپتاستىرۋ كەرەك.

ءماجىلىس بىلاي دەپ اتاپ كورسەتتى: شەتەل كاپيتالىمەن قۇرىلعان كاسىپورىندار جۇمىستاندىرۋ، ەكسپورتتى ورنىقتىرۋ، كاسىپ سالاسىنىڭ دارەجەسىن جوعارىلاتۋدى جەبەۋ سياقتى جاقتاردا ماڭىزدى رول اتقارادى، ءتىپتى دە كوپ ناقتى، جارامدى شارالار قولدانىپ، قوردى ورنىقتىرۋ، ارتۋ مولشەرىن كەڭەيتۋ كەرەك. دەربەس ەسىك اشۋدى ءتارتىپتى كەڭەيتىپ، قاتىستى سالالارداعى ەسىك اشۋدى تۇيىندە سىناق ەتۋدى تەرەڭدەتىپ، جاساۋ كاسىبى سالاسىنداعى شەتەل قارجىسىنىڭ بازارعا كىرۋىنە رۇقسات ەتۋ شەكتەمەسىن جاپپاي كۇشىنەن قالدىرۋ تالابىن تياناقتاندىرىپ، مەملەكەتتىڭ قىزمەت وتەۋ كاسىبىنىڭ ەسىك اشۋدى كەڭەيتۋ جالپىلىق سىناق تۇيىندەرىنەن ۇلگى كورسەتۋدى ساپالىلاندىرىپ، شەتەل ساۋداگەرلەرىنىڭ قارجى قوسۋىنا دەم بەرىلەتىن كاسىپ سالاسى كولەمىن كەڭەيتۋ كەرەك. ”جۇڭگوعا قارجى قوسۋ“ ايگىلى ماركاسىن ۇزدىكسىز جاراتىپ، شەتەل قارجىلاندىرعان كاسىپورىنداردىڭ ەل ىشىندە قايتالاي قارجى قوسۋىن قولداۋ تەبىنىن ارتتىرىپ، شەتەل قارجىسىن جۇڭگودا جارنا ۇقىعى ارقىلى قارجى قوسۋعا شابىتتاندىرىپ، شەتەل قارجىسىن بىرىكتىرىپ ساتىپ الۋ ەرەجەسى مەن بىرىكتىرىپ ساتىپ الۋ ساۋدا ءتارتىبىن ساپالىلاندىرۋ كەرەك. ۇكىمەتتىك ساتىپ الۋ سياقتى قىزمەتتەردە ىشكى - سىرتقى قارجىلى كاسىپورىنداردىڭ بارىنە بىردەي مامىلە جاساپ، شەتەل قارجىلاندىرعان كاسىپورىنداردىڭ قارجى قۇراۋ ارناسىن كەڭەيتىپ، ءبىلىم مەنشىك ۇقىعىن قورعاۋ تەبىنىن ارتتىرۋ كەرەك. شەتەل قارجىلاندىرعان نىساندارعا قىزمەت وتەۋدى، قامتاماسىزداندىرۋدى ويداعىداي ىستەپ، شەكارادان كىرىپ - شىعۋ، ايالداۋ، تۇرىپ قالۋ جاقتاردا شەتەل كاسىپورىندارى ادامدارىنىڭ بارىس - كەلىسىنە اناعۇرلىم كوپ قولايلىلىق جاراتۋ كەرەك.

ءماجىلىس بىلاي دەپ اتاپ كورسەتتى: قامداۋ مەن قاجەتسىنۋ جاعىندا كۇش سالۋعا تاباندى بولىپ، ءتۇيىندى كاسىپ سالالارىنىڭ قۇرىلىمدىق قايشىلىعى سياقتى ماسەلەلەردى ۇستىنەن وڭاۋ مەن تۇبىرىنەن وڭاۋدى ۇشتاستىرىپ شەشىپ، كاسىپ سالالارىنىڭ اقاۋسىز دامۋىن جانە ساپاسىن، دارەجەسىن جوعارىلاتۋدى جەبەۋ كەرەك. كاسىپ سالاسىنىڭ جايعاسۋىن ساپالىلاندىرىپ، ولشەم ارقىلى جەتەكتەۋدى كۇشەيتىپ، بىرىكتىرۋدى، قايتا قۇرۋدى ىلگەرىلەتىپ، ارتتا قالعان، ونىمدىلىگى تومەن ءوندىرىس قۋاتىن قاتاردان قالدىرۋدى ىلگەرىلەتىپ، جوعارى دەڭگەيلى ءوندىرىس قۋاتىمەن قامداۋدى ارتتىرۋ كەرەك. بازاردى باقىلاۋ - باسقارۋدى ساپالىلاندىرىپ، كاسىپ سالاسىنىڭ ءوزىن تەجەۋىن كۇشەيتىپ، ءادىل باسەكەلەسەتىن، جارامدىسى وزىپ شىعىپ، جارامسىزى قاتاردان قالاتىن بازار ءتارتىبىن بىرگە قورعاۋ كەرەك.

ءماجىلىس «جۇڭحۋا حالىق رەسپۋبليكاسىنىڭ مەملەكەتتى دامىتۋ جوباسى زاڭىن (جوبا)» تالقىلادى ءارى پرينسيپتىك جاقتان قابىلدادى، جوبانى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋدى ۇيعاردى. ءماجىلىس بىلاي دەپ اتاپ كورسەتتى: مەملەكەتتى دامىتۋ جوباسىن جاساۋدىڭ عىلميلانۋ، دەموكراتيالانۋ، زاڭمەن باسقارۋ، ارناعا ءتۇسۋ دەڭگەيىن ۇزدىكسىز جوعارىلاتىپ، مەملەكەتتى دامىتۋ جوباسىنىڭ ستراتەگيالىق جەتەكشىلىك رولىن اناعۇرلىم ويداعىداي ساۋلەلەندىرۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى