ەلىمىز ءالى دە جۇقپالى تۇماۋدىڭ ماۋسىمدىق تارالۋ مەزگىلىندە تۇر 

حالىق گازەتىنىڭ ءتىلشىسى باي جيانفىڭ 2 – ايدىڭ 17 – كۇنى بەيجيڭنەن حابارلايدى. مەملەكەتتىك دەنساۋلىق ساقتاۋ – سالاماتتىق كوميتەتى 2 – ايدىڭ 17 – كۇنى اقپار جاريالاۋ ءماجىلىسىن اشتى. جۇڭگو اۋرۋدان ساقتانۋ جانە ونى تىزگىندەۋ ورتالىعىنىڭ زەرتتەۋشىسى پىڭ جىبين بىلاي دەپ تانىستىردى: ەلىمىزدە شۇعىل حارەكترلى جۇقپالى اۋرۋلاردىڭ تارالۋى ۇزدىكسىز تومەندەدى. مۇنىڭ ىشىندە، جۇقپالى تۇماۋ ۆيرۋسى — جۋىردان بەرى شۇعىل حارەكترلى جۇقپالى اۋرۋلاردى تۋدىراتىن باستى اۋرۋ قوزدىرعىش. قازىر ەلىمىز ءالى دە جۇقپالى تۇماۋدىڭ ماۋسىمدىق تارالۋ مەزگىلىندە تۇر، ءبىراق تارالۋ كۇشەمەلىلىگى جالپى تۇلعالىق جاقتان تومەندەدى.

پىڭ جىبين بىلاي دەدى: وڭتۇستىكتەگى ولكەلەر مەن سولتۇستىكتەگى ولكەلەردە جۇقپالى تۇماۋدىڭ تارالۋ جاعدايىندا پارىق بار. باقىلاۋ ناتيجەسىنە قاراعاندا، وڭتۇستىكتەگى ولكەلەردە تارالۋى سولتۇستىكتەگى ولكەلەرمەن سالىستىرعاندا جوعارى. جۇقپالى تۇماۋ ۆاكسيناسى ەگىلگەننەن كەيىن، بۇكىل جۇقپالى تۇماۋ تارالاتىن مەزگىلدە ءمالىم دارەجەدە قورعاۋ رولىن اتقارادى. جۇقپالى تۇماۋ ۆاكسيناسىن ەكتىرۋ جۇقپالى تۇماۋ ۆيرۋسىمەن جۇعىمدالۋ حاۋپىن تومەندەتىپ، جۇقپالى تۇماۋ ۆيرۋسىمەن جۇعىمدالعان جاعدايدا اۋرۋدىڭ سالماقتىلىق دارەجەسىن جەڭىلدەتىپ، قوسالقى اۋرۋلاردىڭ تۋىلۋىن ازايتادى. بيىل جۇقپالى تۇماۋ ۆاكسيناسىن ءالى ەكتىرمەگەندەردىڭ قازىر دە ەكتىرۋىنە بولادى.

كەلۋ قاينارى: حالىق تورابى