جاڭا وقۋ ماۋسىمىنداعى جاڭا يگىلىك! مەملەكەتتىڭ وقۋشىلارعا بەرەتىن كومەك قاراجاتىنىڭ مولشەرى جوعارىلادى، قامتۋ كولەمى ءتىپتى دە كەڭەيدى 

وسى جاڭا وقۋ ماۋسىمىندا مەملەكەتتىڭ وقۋشىلارعا بەرەتىن سيلىق قاراجاتى مەن كومەك قاراجاتىنا قاتىستى ساياساتتاردا دا تىڭ وزگەرىستەر بولدى. بىلتىر سوڭعى جارىم جىلدا جاريالانعان «مەملەكەتتىڭ جوعارى دارەجەلى وقۋ - اعارتۋ ساتىسى مەن ورتا مەكتەپ ساتىسىنداعى وقۋشىلارعا بەرەتىن سيلىق قاراجاتى مەن كومەك قاراجاتىنا قاتىستى ساياساتتاردى رەتتەۋ جونىندەگى ۇقتىرۋعا» ساي، بيىل كوكتەمگى وقۋ ماۋسىمىنان باستاپ، مەملەكەتتىڭ ورتا مەكتەپ ساتىسىنداعى وقۋشىلارعا بەرەتىن كومەك قاراجاتىنىڭ قارجىلاي كومەك بەرۋ ولشەمى جوعارىلاتىلىپ، مەملەكەتتىڭ ورتا دارەجەلى كاسىپتىك مەكتەپتەردەگى وقۋشىلارعا بەرەتىن كومەك قاراجاتىنىڭ قامتۋ كولەمى كەڭەيتىلەدى.

مەملەكەتتىڭ وقۋشىلارعا بەرەتىن سيلىق قاراجاتى مەن كومەك قاراجاتىنا قاتىستى ەڭ جاڭا ساياساتتارعا نەگىزدەلگەندە، بيىل كوكتەمگى وقۋ ماۋسىمىنان باستاپ، مەملەكەتتىڭ جاي ورتا مەكتەپتەردەگى وقۋشىلارعا بەرەتىن كومەك قاراجاتىنىڭ ورتاشا كومەك قاراجات ولشەمى ءار وقۋشىعا جىلىنا 2000 يۋاننان 2300 يۋانعا جوعارىلايدى، ناقتى ولشەمىن جەر - جەر ءىس جۇزىندىك جاعدايىمەن ۇشتاستىرىپ، 1200 - 3500 يۋان كولەمىندە بەلگىلەپ، 2 - 3 دارەجەگە بولۋىنە بولادى.

مەملەكەتتىڭ ورتا دارەجەلى كاسىپتىك مەكتەپتەردەگى (تەحنيك جۇمىسشىلاردى تاربيەلەيتىن مەكتەپتەردى قامتيدى) وقۋشىلارعا بەرەتىن كومەك قاراجاتى جاي ورتا مەكتەپتەرمەن ۇقساس بولىپ، ورتا ەسەپپەن ءار وقۋشىعا جىلىنا 2000 يۋاننان 2300 يۋانعا جوعارىلاتىلۋدان سىرت، قامتۋ كولەمى دە كەڭەيىپ، بۇرىنعى تولىق كۇندىك وقۋ ستاجىمەن ەسەپتەلەتىن رەسمي وقۋشىلىق تولىمدىلىققا يە وقۋ - اعارتۋ بويىنشا 1 -، 2 - جىلدىقتاعى اۋىل شارۋاشىلىعىنا ساياتىن كاسىپتەردە وقيتىن وقۋشىلار مەن اۋىل شارۋاشىلىعىنا جاتپايتىن كاسىپتەردە وقيتىن، وتباسىندا ەكونوميكالىق قيىنشىلىعى بار وقۋشىلار نەگىزىندە، 3 – جىلدىقتاعى وقۋشىلار دا قارجىلاي كومەك بەرۋ كولەمىنە ەنگىزىلەدى.

كەلۋ قاينارى: حالىق تورابى