مەملەكەتتىك كينو مەڭگەرمەسى حابارلاندىرۋ شىعاردى! 

كينونىڭ اۆتورلىق ۇقىعىن اناعۇرلىم ويداعىداي قورعاۋ ءۇشىن، مەملەكەتتىك اۆتورلىق ۇقىق مەڭگەرمەسى، مەملەكەتتىك كينو مەڭگەرمەسى، قوعام حاۋىپسىزدىگى مينيسترلىگى، مادەنيەت جانە ساياحات مينيسترلىگى قاتارلى قاتىستى تاراۋلار كوكتەم مەرەكەسى مەزگىلىندە كينوحانالار مەن ينتەرنەتتە قويىلعان كينولاردىڭ اۆتورلىق ۇقىعىن قورعاۋ ارناۋلى ارەكەتىن ورىستەتۋ جونىندە ورنالاستىرۋ جاساعان.

ارناۋلى ارەكەت مەزگىلىندە، زاڭ اتقارۋ تاراۋلارى كوكتەم مەرەكەسى مەزگىلىندە شىعارىلعان كينولاردىڭ اۆتورلىق ۇقىعىنا قول سۇعۋعا قاتىستى دەلولاردان 21 دەلونى تەكسەرىپ ءبىر جاقتى ەتىپ، اۆتورلىق ۇقىققا قول سۇعىپ، كينولاردى كوشىرىپ تاراتاتىن توراپتاردان (App) 320 سىن تەكسەرىپ انىقتاپ، كوكتەم مەرەكەسى مەزگىلىندە شىعارىلعان كينولارعا قاتىستى اۆتورلىق ۇقىققا قول سۇققان جالعانىمداردان 438 مىڭ 700 جالعانىمدى ءبىر جاقتى ەتكەن، ۇقىققا قول سۇققان 1492 تىركەلگىنى ءبىر جاقتى ەتىپ، كوكتەم مەرەكەسى مەزگىلىندەگى كينولاردىڭ تارالىم تارتىبىنە ءونىمدى كەپىلدىك ەتكەن.

مەملەكەتتىك كينو مەڭگەرمەسىنىڭ ساناعىنا قاراعاندا، 2 – ايدىڭ 5 – كۇنى ساعات 9 عا دەيىن، 2025 – جىلعى كوكتەم مەرەكەسى مەزگىلىندە شىعارىلعان كينولاردىڭ بەلەتىنىڭ ساتىلىمى 9 ميلليارد 510 ميلليون يۋان بولىپ، كورگەن ادام سانى 187 ميلليون (رەت) بولىپ، تاريحتاعى ەڭ جوعارى رەكوردتى جاڭالاپ، ”تاريحتاعى كوكتەم مەرەكەسى مەزگىلىندەگى كينولاردىڭ كورىلىمىنىڭ رەكوردىن“ جاراتقان.

كەلۋ قاينارى: حالىق تورابى