حالىقتىق شارۋاشىلىقتىڭ دامۋ بولاشاعى كەڭ، زور ىستەر تىندىرۋعا بولادى، حالىقتىق كاسىپورىندار مەن حالىقتىق كاسىپورىنشىلاردىڭ ءوز رولدارىن بارىنشا ساۋلەلەندىرەتىن كەزى كەلدى

2 - ايدىڭ 17 – كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە حالىقتىق كاسىپورىندار اڭگىمە ماجىلىسىنە قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 2 – ايدىڭ 17 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 17 - كۇنى تۇستەن بۇرىن بەيجيڭدە حالىقتىق كاسىپورىندار اڭگىمە ماجىلىسىنە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت - ساياساتتارى جۇڭگوشا سوتسياليستىك ءتۇزىم جۇيەسىنە ەنگىزىلدى، باستان - اياق تاباندى بولۋ جانە تياناقتاندىرۋ كەرەك، وزگەرتۋگە بولمايدى، وزگەرە دە قويمايدى. جاڭا ءداۋىردىڭ جاڭا جورىعىندا حالىقتىق شارۋاشىلىقتىڭ دامۋ بولاشاعى كەڭ، زور ىستەر تىندىرۋعا بولادى، حالىقتىق كاسىپورىندار مەن حالىقتىق كاسىپورىنشىلاردىڭ ءوز رولدارىن بارىنشا ساۋلەلەندىرەتىن كەزى كەلدى. يدەيانى بىرلىككە كەلتىرىپ، سەنىمدى بەكەمدەپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەۋ كەرەك. قالىڭ حالىقتىق كاسىپورىندار مەن حالىقتىق كاسىپورىنشىلاردىڭ وتان ءۇمىتىن اقتاۋدى كوكەيدە ساقتاپ، ءبىر نيەت، ءبىر تىلەكپەن دامۋدى كوزدەپ، زاڭعا بويسۇنىپ شارۋاشىلىق جۇرگىزۋگە شەبەر بولىپ، الدىمەن اۋقاتتانعاندار بىرگە اۋقاتتانۋدى جەبەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ دا اناعۇرلىم زور ۇلەس قوسۋىن ءۇمىت ەتەمىن.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ اڭگىمە ماجىلىسىنە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اڭگىمە ءماجىلىسىن باسقاردى.

اڭگىمە ماجىلىسىندە حۋاۋەي تەحنيكا شەكتى سەرىكتەستىگىنىڭ باس اتقارۋشى ءمانساپتىسى رىن جىڭفەي، بييادي شەكتى جارنا سەرىكتەستىگىنىڭ باس القاسى ۋاڭ چۋانفۋ، شينشيۋاڭ جارناسى مەڭگەرىلمەلى توبى شەكتى سەرىكتەستىگىنىڭ باس القاسى ليۋ يۇڭحاۋ، شاڭحاي ۋيل جارتىلاي وتكىزگىش شەكتى جارنا سەرىكتەستىگىنىڭ باس القاسى يۇي رىنرۇڭ، حاڭجوۋ يۇيشۋ عىلىم - تەحنيكا شەكتى سەرىكتەستىگىنىڭ باس اتقارۋشى ءمانساپتىسى ۋاڭ شيڭشيڭ، شياۋمي عىلىم - تەحنيكا شەكتى جاۋاپكەرشىلىك سەرىكتەستىگىنىڭ باس القاسى لي جۇن قاتارلى حالىقتىق كاسىپورىن جاۋاپتىلارىنىڭ 6 ۋاكىلى ىلگەرىندى - كەيىندى ءسوز سويلەپ، جاڭا جاعدايدا حالىقتىق شارۋاشىلىقتىڭ دامۋىن جەبەۋ جونىندە پىكىر جانە ۇسىنىس بەردى.

كوپشىلىكتىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى ءبىلدىردى: حالىقتىق كاسىپورىندار رەفورما جاساپ، ەسىك اشۋ ۇلى بارىسىنا ىلەسە قارىشتاپ دامىدى. ونداعان جىلدان بەرى حالىقتىق شارۋاشىلىقتىڭ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىس ىستەرىندەگى ورنى مەن رولى جونىندەگى تانىمدا، پارتيا مەن مەملەكەتتىڭ حالىقتىق شارۋاشىلىقتى دامىتۋ باعىت – ساياساتىندا، پارتيامىزدىڭ نازارياسى مەن امالياتى تامىرلاس بولىپ، داۋىرمەن جارىسا العا ىلگەرىلەدى. پارتيا مەن مەملەكەت سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تيتتەي اۋىتقىماي بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماستان دەم بەردى، قولداۋ كورسەتتى، جەتەكشىلىك ەتتى؛ پارتيا مەن مەملەكەت ءتۇرلى مەنشىكتەگى شارۋاشىلىقتىڭ ءوندىرىس فاكتورلارىنان زاڭ بويىنشا ورتاق پايدالانۋىنا، بازار باسەكەسىنە ءادىل قاتىناسۋىنا، تەڭ دارەجەدە زاڭنىڭ قورعاۋىندا بولۋىنا كەپىلدىك ەتىپ، ءتۇرلى مەنشىكتەگى شارۋاشىلىقتىڭ ابزالدىقتارىمەن ءبىرىن - ءبىرى تولىقتاۋىن، بىرگە دامۋىن، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەدى.

شي جينپيڭ بىلاي دەپ اتاپ كورسەتتى: قازىر ەلىمىزدىڭ حالىقتىق شارۋاشىلىعى نەداۋىر كولەم قالىپتاستىرىپ، اسا زور سالماققا يە بولىپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋگە بەرىك نەگىز قالاندى. جاڭا ءداۋىردىڭ جاڭا جورىعىندا ەلىمىزدىڭ قوعامدىق وندىرگىش كۇشتەرى ۇزدىكسىز ساپالىلانىپ، حالىقتىڭ تۇرمىس ورەسى ورنىقتى جوعارىلاپ، رەفورما جاساپ، ەسىك اشۋ ونان ارى جاپپاي تەرەڭدەيدى، اسىرەسە، وقۋ - اعارتۋ، عىلىم - تەحنيكا ىستەرى جەدەل داميدى، دارىندىلار قوسىنى مەن ەڭبەككۇش بايلىعىنىڭ مولشەرى وراسان زور، ساپاسى جاقسى، كاسىپ سالاسى جۇيەسى مەن نەگىزدىك قۇرىلعىلار جۇيەسى سايكەستى كەمەلدەنە تۇسەدى، ءبىر ميلليارد 400 ميلليوننان استام حالىقتىڭ ەرەكشە كەڭ كولەمدى بازار كومەسكى كۇشى زور، حالىقتىق شارۋاشىلىقتىڭ دامۋىنا كوپتەگەن جاڭا وراي الا كەلىپ، اناعۇرلىم زور دامۋ اياسىن جاراتادى. جۇڭگوشا سوتسياليستىك ءتۇزىم كوپ جاقتى ابزالدىققا يە، سوتسياليستىك بازار شارۋاشىلىعى ءتۇزىلىسى، جۇڭگوشا سوتسياليستىك زاڭمەن باسقارۋ جۇيەسى ۇزدىكسىز اقاۋسىزدانىپ جانە كەمەلدەنىپ، حالىقتىق شارۋاشىلىقتىڭ دامۋىن اناعۇرلىم پارمەندى كەپىلمەن قامدايدى.

شي جينپيڭ بىلاي دەپ باسا دارىپتەدى: قازىر حالىقتىق شارۋاشىلىقتىڭ دامۋى ءدوپ كەلگەن كەيبىر قيىنشىلىقتار مەن سىن - سايىس، جالپى تۇلعالىق جاقتان العاندا، رەفورما جاساۋ، دامۋ، كاسىپ سالاسىندا تيپكە بۇرىلىس جاساپ، دارەجەسىن جوعارىلاتۋ بارىسىندا جارىققا شىققان، بۇل جالپىلىق ەمەس، ءىشىنارالىق، ۇزاق ۋاقىتتىق ەمەس، مەزەتتىك، شەشىلمەيتىن ماسەلە ەمەس، جەڭۋگە بولاتىن ماسەلە. يدەيا مەن ارەكەتتى پارتيا ورتالىق كوميتەتىنىڭ ەل ءىشى - سىرتى جاعدايى جونىندەگى تۇجىرىمىمەن بىرلىككە كەلتىرىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، قيىنشىلىق پەن سىن - سايىستان كەلەشەكتى، نۇرلى بولاشاقتى كورە ءبىلىپ، دامۋ تۇراقتىلىعىن ساقتاپ، دامۋ سەنىمىن كۇشەيتىپ، كۇرەسكەرلىكپەن جەڭىسكە جەتۋ رۋحىن ساقتاۋ كەرەك.

شي جينپيڭ بىلاي دەپ اتاپ كورسەتتى: حالىقتىق شارۋاشىلىقتىڭ دامۋىن جەبەيتىن ساياسات - شارالاردى تىڭعىلىقتى تياناقتاندىرۋ قازىرگى حالىقتىق شارۋاشىلىقتىڭ دامۋىن جەبەۋدەگى ماڭىزدى قىزمەت ءتۇيىنى بولىپ تابىلادى. پارتيا ورتالىق كوميتەتى بەلگىلەگەن ىستەر بولادى ەكەن باتىل اتقارۋ كەرەك، شالا - شارپى اتقارۋعا بولمايدى. ءوندىرىس فاكتورلارىنان زاڭ بويىنشا بىرگە پايدالانۋداعى، بازار باسەكەسىنە ءادىل قاتىناسۋداعى ءتۇرلى كەدەرگىلەردى باتىل الاستاپ، نەگىزدىك قۇرىلعىلاردىڭ باسەكەلىك سالالارىندا ءتۇرلى شارۋاشىلىق تۇلعالارىنا ءادىل ەسىك اشۋدى ۇزدىكسىز ىلگەرىلەتىپ، حالىقتىق كاسىپورىنداردىڭ قارجى قۇراۋى قيىن بولۋ، قارجى قۇراۋ بوداۋى كوپ بولۋ ماسەلەسىن ۇزدىكسىز كۇش سالا شەشۋ كەرەك. حالىقتىق كاسىپورىنداردىڭ قارىز اقشاسىن كەشەۋىلدەتۋ ماسەلەسىن كۇش سالا شەشۋ كەرەك. زاڭنىڭ اتقارىلۋىن باقىلاۋدى كۇشەيتىپ، بەتالدى اقى الۋ، بەتالدى ايىپ سالۋ، بەتالدى تەكسەرۋ، بەتالدى پەشەتتەۋدى شوعىرلى جونگە سالىپ، حالىقتىق كاسىپورىندار مەن حالىقتىق كاسىپورىنشىلاردىڭ زاڭدى ۇقىق - مۇددەسىن شىن مانىندە زاڭ بويىنشا قورعاۋ كەرەك. سونىمەن بىرگە، ەلىمىز زاڭمەن باسقارىلاتىن سوتسياليستىك مەملەكەت ەكەندىگىن، ءتۇرلى مەنشىكتەگى كاسىپورىنداردىڭ زاڭعا قايشى ارەكەتتەردى تەكسەرىپ ءبىر جاقتى ەتۋدەن بۇلتارا المايتىندىعىن تانىپ جەتۋىمىز كەرەك. قيىنشىلىق قىسپاعىنان شىعارۋ ساياساتتارىن مۇقيات تياناقتاندىرىپ، ساياساتتىڭ دالدىگىن جوعارىلاتىپ، كەشەندى شارا قولدانۋعا ءمان بەرىپ، كاسىپورىندارعا بىردەي مامىلە جاساۋ كەرەك. ۇكىمەت پەن ساۋدا سالاسىنىڭ ەتەنە، پاك قاتىناسىن ورناتۋدى ونان ارى ىلگەرىلەتۋ كەرەك. ءار دارەجەلى پارتكومدار مەن ۇكىمەتتەر ءىس جۇزىندىكتى تياناق ەتىپ، حالىقتىق شارۋاشىلىقتىڭ دامۋىن جەبەيتىن ساياساتتىق شارالاردىڭ تياناقتانۋىن ءبىر تۇتاس ويداعىداي يگەرۋى كەرەك.

شي جينپيڭ بىلاي دەپ باسا دارىپتەدى: كاسىپورىن − شارۋاشىلىق تۇلعاسى، كاسىپورىن دامۋىنىڭ ىشكى قوزعاۋشى كۇشى ءبىرىنشى ورىندا تۇرادى. قالىڭ حالىقتىق كاسىپورىندار مەن حالىقتىق كاسىپورىنشىلار شارۋاشىلىق قۇرۋ جانە وتان ءۇمىتىن اقتاۋدى كوكەيدە ساقتاۋ ىنتاسىن تاسقىنداتىپ، ۇزدىكسىز مۇرات ورناتىپ، تەرەڭ وتباسى، وتان سۇيىسپەنشىلىگىندە بولىپ، بايىعاندا بايۋ قاينارىن ويلاپ، بايىعاندا العا باسۋدى ويلاپ، كاسىپورىنشىلار رۋحىن ساۋلەلەندىرىپ، بار ىنتا - پەيىلىمەن كاسىپورىندى الۋەتتەندىرىپ، ساپالىلاندىرىپ، زورايتىپ، جۇڭگوشا سوتسياليزمنىڭ قۇرۋشىلارى، جۇڭگو ۇلگىسىندەگى وسىزامانداندىرۋدىڭ جەبەۋشىلەرى بولۋعا تاباندى بولۋى كەرەك. جوعارى ساپالى دامۋ جولىمەن بۇلجىماي ءجۇرىپ، نەگىزگى كاسىپتەن مىزعىماي، كاسىپتى كۇشەيتىپ، دەربەس جاڭالىق جاراتۋدى كۇشەيتىپ، دامۋ تاسىلىندە بۇرىلىس جاساپ، كاسىپورىنداردىڭ ساپاسىن، ونىمدىلىگىن جانە وزەكتى باسەكەلىك قۋاتىن ۇزدىكسىز جوعارىلاتىپ، عىلىم - تەحنيكادا جاڭالىق جاراتۋدى ىلگەرىلەتۋ، جاڭاشا وندىرگىش كۇشتەردى جەتىلدىرۋ، وسىزاماندانعان كاسىپ سالاسى جۇيەسىن قۇرۋ، اۋىل - قىستاقتى كوركەيتۋدى جاپپاي ىلگەرىلەتۋ، وڭىرلەردىڭ سايكەستى دامۋىن جەبەۋ، حالىق تۇرمىسىن قامتاماسىز ەتۋ جانە جاقسارتۋ سياقتى جاقتاردا كوبىرەك ۇلەس قوسۋعا قۇلشىنۋ كەرەك. جۇڭگوشا وسىزامانعى كاسىپورىن ءتۇزىمىنىڭ تالابى بويىنشا كاسىپورىنداردى باسقارۋ قۇرىلىمىن كەمەلدەندىرىپ، جارناگەرلەردىڭ ارەكەتىن ارناعا ءتۇسىرىپ، ىشكى باقىلاۋدى كۇشەيتىپ، حاۋىپ - قاتەردەن ساقتانۋ مەحانيزمىن اقاۋسىزداندىرىپ، ەڭبەك، دارىندى، ءبىلىم، تەحنيكا، كاپيتال، ساندى مالىمەت سياقتى ءوندىرىس فاكتورلارىن پايدالانۋ، باسقارۋ، قورعاۋ مەحانيزمىن ۇزدىكسىز كەمەلدەندىرىپ، كاسىپورىن ءىزباسارلارىن جەتىلدىرۋگە ءمان بەرۋ كەرەك. ادالددىققا، زاڭعا بويسۇنىپ شارۋاشىلىق جۇرگىزۋگە تاباندى بولىپ، دۇرىس قۇن كوزقاراسىن جانە ءمورال كوزقاراسىن ورناتىپ، ءىس جۇزىندىك ارەكەت ارقىلى حالىقتىق شارۋاشىلىقتىڭ اقاۋسىز دامۋىن جەبەۋ كەرەك. قوعامدىق جاۋاپكەرشىلىكتى بەلسەنە اتقارىپ، جاراسىمدى ەڭبەك قاتىناسىن بەلسەنە ورناتىپ، ەكولوگيالىق ورتانى قورعاۋدى مىقتى يگەرىپ، الەۋمەتتىك يگىلىك، قايىر - ساحابات ىستەرىنە بارىنشا ات سالىسىپ، قوعامعا كوبىرەك مەيىر باعىشتاۋ كەرەك.

ۋاڭ حۋنيڭ ءماجىلىستى باسقارعاندا مىنالاردى ءبىلدىردى: باس شۋجي شي جينپيڭنىڭ ماڭىزدى سوزىندە حالىقتىق شارۋاشىلىقتىڭ دامۋىندا قول جەتكەن كەلەلى جەتىستىكتەر جانە مەملەكەتتىڭ ەكونوميكالىق، قوعامدىق دامۋىنا قوسقان ماڭىزدى ۇلەسى تولىق تۇراقتاندىرىلىپ، حالىقتىق شارۋاشىلىقتىڭ دامۋى ءدوپ كەلگەن وراي مەن سىن - سايىستى دۇرىس تانۋ باسا دارىپتەلىپ، قازىرگى جانە بۇدان بىلايعى ءبىر مەزگىلدەگى حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەۋ جونىندە جان - جاقتى ورنالاستىرۋ جاسالدى. ءسوزدىڭ ماقساتى اسقاق، يدەياسى تەرەڭ، بايىمداۋى ەگجەي - تەگجەيلى، مازمۇنى باي، ءبىز مۇقيات ۇيرەنىپ، ءتۇسىنىپ، باتىل دايەكتىلەندىرۋىمىز، تياناقتاندىرۋىمىز كەرەك. دامۋ سەنىمىن بەكەمدەپ، جالپى جاعداي تانىمىن، جۇيە كوزقاراسىن، زاڭمەن باسقارۋ رۋحىن كۇشەيتىپ، ءتۇرلى ساياساتتاردى ناقتى تياناقتاندىرىپ، حالىقتىق شارۋاشىلىقتىڭ دامۋىندا جاڭا جاعداي جاراتۋعا قۇلشىنۋ كەرەك.

شى تايفىڭ، لي شۋلەي، حى ليفىڭ، ۋ جىڭلۇڭ، مۋ حۇڭ اڭگىمە ماجىلىسىنە قاتىناستى.

ورتالىق پەن مەملەكەت ورگاندارىنىڭ قاتىستى تاراۋلارىنداعى، مەملەكەتتىك ساۋدا - ونەركاسىپشىلەر بىرلەستىگىندەگى جاۋاپتى جولداستار، حالىقتىق كاسىپورىندار جاۋاپتىلارىنىڭ ۋاكىلدەرى اڭگىمە ماجىلىسىنە قاتىناستى.

كەلۋ قاينارى: حالىق تورابى