پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت - ساياساتتارى وزگەرمەيدى

”پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت - ساياساتتارى جۇڭگوشا سوتسياليستىك ءتۇزىم جۇيەسىنە ەنگىزىلدى، وعان باستان - اياق تاباندى بولادى جانە تياناقتاندىرادى، ونى وزگەرتۋگە بولمايدى ءارى وزگەرتپەيدى“.

2 - ايدىڭ 17 - كۇنى اشىلعان حالىقتىق كاسىپورىندار اڭگىمە ماجىلىسىندە باس شۋجي شي جينپيڭ ماڭىزدى ءسوز سويلەپ، حالىقتىق شارۋاشىلىقتىڭ دامۋدا قول جەتكىزگەن ەلەۋلى تابىستارىن جانە مەملەكەتتىڭ ەكونوميكالىق، قوعامدىق دامۋىنا قوسقان ماڭىزدى ۇلەسىن تولىق تۇراقتاندىرىپ، پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت - ساياساتتارىنا بۇلجىماستان تاباندى بولۋدى جانە ونى تياناقتاندىرۋدى باسا دارىپتەپ، قالىڭ حالىقتىق كاسىپورىندار مەن حالىقتىق كاسىپورىنشىلاردىڭ دامۋدى الاڭسىز كوزدەۋىنە ”كوڭىلىن ورنىقتىرعىشىن“ سيلاپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەۋگە قۋات ۇستەدى.

1980 - جىلى جىجياڭ ولكەسىنىڭ ۋىنجوۋ قالاسىنداعى جاڭ حۋامەي تۇڭعىش رەت جەكە ونەركاسىپشى - ساۋداگەرلەردىڭ تيجارات كۋالىگىن الدى. 40 نەشە جىلدان بەرى رەفورما جاساپ، ەسىك اشۋ كوكتەم سۋىمەن قامداپ، وزگەرىس تولقىنىن تۋىنداتىپ، حالىقتىق شارۋاشىلىقتىڭ جەدەل دامۋىنا بۇرىن بولماعان تاريحي وراي جاراتتى؛ حالىقتىق شارۋاشىلىق كىشكەنەدەن ۇلكەيىپ، السىزدەن كۇشەيىپ، رەفورما جاساپ، ەسىك اشۋدىڭ ۇلى بارىسىنا ىلەسە قارىشتاپ دامىپ، ارتۋدى ورنىقتىرۋ، جاڭالىق اشۋدى جەبەۋ، جۇمىستانۋدى ارتتىرۋ، حالىق تۇرمىسىن جاقسارتۋ سياقتى جاقتاردا ورنىن وگەيسىتۋگە بولمايتىن رول اتقارىپ، ەلىمىزدىڭ دامۋىن ىلگەرىلەتۋدە كەم بولسا بولمايتىن ماڭىزدى كۇشكە اينالدى. مەيلى دامۋدى كوزدەۋ، جاڭالىق اشۋدى جەبەۋ، حالىق تۇرمىسىنا تيىمدىلىك جاساۋ بولسىن، الدە جالپى جاعدايدى ورنىقتىرۋ، جاعدايعا توتەپ بەرۋ، جاڭا جاعداي اشۋ بولسىن، حالىقتىق شارۋاشىلىقتىڭ ۇلەسى وشپەيدى.

پارتيا 18 - قۇرىلتايىنان بەرى باس شۋجي شي جينپيڭ حالىقتىق شارۋاشىلىقتىڭ دامۋىنا ايرىقشا ءمان بەرىپ، ”حالىقتىق شارۋاشىلىق − ەلىمىزدىڭ ەكونوميكالىق ءتۇزىمىنىڭ ىشكى فاكتورى“، ”حالىقتىق كاسىپورىندار مەن حالىقتىق كاسىپورىنشىلار − ءوز ادامدارىمىز“ دەگەن سياقتى كەلەلى تۇجىرىمداردى ايقىن العا قويىپ، پارتيامىزدىڭ حالىقتىق شارۋاشىلىقتى دامىتۋ جونىندەگى زاڭدىلىق تانىمىن تەرەڭدەتتى. پارتيا 19 - قۇرىلتايى ”ەكىدەن استە اۋىتقىماۋدى“ جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىنا ەنگىزدى، پارتيانىڭ 20 - قۇرىلتايىندا ”حالىقتىق كاسىپورىنداردىڭ دامۋ ورتاسىن ساپالىلاندىرىپ، حالىقتىق كاسىپورىنداردىڭ مال - مۇلىك ۇقىعى مەن كاسىپورىنشىلاردىڭ ۇقىق - مۇددەسىن زاڭ بويىنشا قورعاۋ“ العا قويىلدى، پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ”جالپىلىق مەنشىككە جاتپايتىن شارۋاشىلىقتىڭ دامۋىنا تاماشا ورتا جانە اناعۇرلىم كوپ وراي جاراتۋ ءۇشىن كۇش سالۋعا تاباندى بولۋ“ توڭىرەگىندە ءبىرقىدىرۋ رەفورما شاراسىن ورنالاستىردى. پارتيامىزدىڭ تانىم جاعىندا ۇزدىكسىز تەرەڭدەپ، ستراتەگيا جاعىندا ۇزدىكسىز كەمەلدەنىپ، اماليات جاعىندا ۇزدىكسىز بايۋى ”ەكىدەن استە اۋىتقىماۋ“، ”ءۇشتى وزگەرتپەۋ“، ”ەكى اقاۋسىزدىق“ سياقتى كەلەلى باعىت – ساياساتتار جاعىندا باستان - اياق ايگىلەنىپ وتىردى، حالىقتىق شارۋاشىلىقتىڭ دامۋىن، زورايۋىن جەبەۋدە تالىقپاي تالپىنۋىن باستان - اياق بەينەلەپ وتىردى.

جاڭا داۋىردەگى پارتيا مەن مەملەكەت ىستەرى ۇلى تابىستارعا قول جەتكىزىپ، جۇڭگو ۇلگىسىندەگى وسىزامانداندىرۋدا نىق قادام تاستالدى، حالىقتىق شارۋاشىلىقتىڭ دامۋ ومىرشەڭدىك كۇشى بارىنشا تاسقىنداپ، دامۋ ناتيجەسى اناعۇرلىم ايقىندالىپ، دامۋ رولى اناعۇرلىم كورنەكتىلەندى. جاڭاشا وندىرگىش كۇشتەردى جەدەل جەتىلدىرۋدى جانە دامىتۋدى مىسالعا الساق، مەملەكەتتىڭ جوعارى، جاڭا تەحنيكالى كاسىپورىندارىنىڭ ىشىندەگى حالىقتىق كاسىپورىندار 2012 - جىلعى 28 مىڭنان ارتىپ، قازىرگى 420 مىڭنان استامعا جەتىپ، سالىستىرماسى %62.4 تەن %92 تەن استامعا جەتتى. 2024 - جىلى جاڭا ەنەرگيالى اۆتوموبيل ءونىم مولشەرى 13 ميلليوننان اسىپ، جاساندى زەردە، سيفرلى ەكونوميكا سياقتى سالالاردا جاڭالىق اشۋ جەتىستىكتەرى ۇزدىكسىز جارىققا شىعىپ، بارلىق جەردە حالىقتىق كاسىپورىندار ءوز ونەرىن ايگىلەدى. اماليات حالىقتىق شارۋاشىلىقتىڭ جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالىندى قوسىنى، جوعارى ساپالى دامۋدىڭ ماڭىزدى نەگىزى، ەلىمىزدىڭ جاپپاي سوتسياليستىك وسىزاماندانعان قۇدىرەتتى ەل قۇرۋىن ىلگەرىلەتۋدىڭ، ەكىنشى 100 جىلدىق كۇرەس نىساناسىن جۇزەگە اسىرۋدىڭ ماڭىزدى كۇشى ەكەندىگىن دالەلدەدى.

رەفورما جاساپ، ەسىك اشۋ، اسىرەسە، جاڭا داۋىردەن بەرگى دامۋ بارىسى ”ونداعان جىلدان بەرى حالىقتىق شارۋاشىلىقتىڭ رەفورما جاساپ، ەسىك اشۋداعى جانە سوتسياليستىك وسىزامانداندىرۋ قۇرىلىسى ىستەرىندەگى ورنى مەن رولى جونىندەگى تانىم، پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى باعىت - ساياساتتارى پارتيامىزدىڭ نازارياسىمەن جانە امالياتىمەن تامىرلاس بولىپ، داۋىرمەن بىرگە العا باسىپ كەلگەندىگىن“ تولىق بەينەلەپ، پارتيامىزدىڭ حالىقتىق شارۋاشىلىقتىڭ دامۋىن، زورايۋىن جەبەۋدەگى بەرىك بەكىمىن، ايقىن مايدانىن، بەرىك جىگەرىن جانە ستراتەگيالىق تاباندىلىعىن تەرەڭ ايگىلەدى.

اڭگىمە ماجىلىسىندە باس شۋجي شي جينپيڭ پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت - ساياساتتارىن ەگجەي - تەگجەيلى جيناقتاپ، بىلاي دەپ باسا دارىپتەدى: ”پارتيا مەن مەملەكەت سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرىپ، قولداۋ كورسەتىپ، جەتەكشىلىك ەتتى؛ پارتيا مەن مەملەكەت ءتۇرلى مەنشىكتەگى شارۋاشىلىقتىڭ ءوندىرىس فاكتورلارىنان زاڭ بويىنشا تەڭ پايدالانۋىنا، بازار باسەكەسىنە ءادىل قاتىناسۋىنا، زاڭنىڭ قورعاۋىنا تەڭ دارەجەدە يە بولۋىنا شىنايى كەپىلدىك ەتىپ، ءتۇرلى مەنشىكتەگى شارۋاشىلىقتىڭ ابزالدىقتار ارقىلى ءبىرىن - ءبىرى تولىقتاۋىن، بىرگە دامۋىن جەبەدى، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەدى “. وسى نەگىزگى باعىت - ساياساتتار جۇڭگوشا سوتسياليستىك ءتۇزىم جۇيەسىنە ەنگىزىلدى، پارتيا ۋستاۆى مەن نەگىزگى زاڭدا بەينەلەنۋى ءبىر مەزەتتىك ءىس ەمەس، قايتا ۇزاق ۋاقىتتىق ساياسات، بۇرىن وزگەرمەگەن، كەيىن ءتىپتى دە وزگەرمەيدى. جاڭا جورىقتا پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت - ساياساتتارىنا دايەكتى تاباندى بولعاندا جانە ونى تياناقتاندىرعاندا، حالىقتىق شارۋاشىلىقتىڭ تىڭ شۇعىلا شاشۋىن، تىڭ ۇلەس قوسۋىن ىلگەرىلەتۋگە بولادى.

قازىر جۇڭگو ۇلگىسىندەگى وسىزامانداندىرۋ قۇرىلىسىنىڭ شەشۋشى كەزەڭىندە تۇرمىز، حالىقتىق شارۋاشىلىق اناعۇرلىم كەڭ دامۋ بولاشاعىن قارسى الدى. جاڭا ءداۋىردىڭ جاڭا جورىعىندا قالىڭ حالىقتىق كاسىپورىندار مەن حالىقتىق كاسىپورىنشىلار يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى باعىت - ساياساتتارىن دۇرىس ءتۇسىنىپ، ءتۇرلى ءتيىمدى شارالاردان ويداعىداي، تولىق پايدالانىپ، سەنىمدى بەكەمدەپ، رۋحتى سەرپىلتىپ، قايراتتى تاسقىنداتىپ، ناقتى جاڭالىق اشىپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جۇزەگە اسىرۋى كەرەك.

كەلۋ قاينارى: حالىق تورابى