قازىنا مينيسترلىگى: وقۋعا ءتۇسۋ الدىنداعى تاربيەنى اقىسىز ەتۋدى بىرتىندەپ جالپىلاستىرىپ، وتباسى تاربيەسىنىڭ شىعىس قىسىمى جەڭىلدەتىلەدى

3 – ايدىڭ 17 – كۇنى تۇستەن كەيىن وتكىزىلگەن مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە، قازىنا مينيسترلىگىنىڭ قاتىستى جاۋاپتىسى بىلاي دەپ تانىستىردى: بەلسەندى قازىنا ساياساتى ”ۇزدىكسىز كۇش سالىپ، اناعۇرلىم دەم بەرىپ“، وقۋ – اعارتۋ قاتارلى سالالارداعى قامتاماسىزداندىرۋ تەبىنىن كۇشەيتىپ، شىعىس اۋىرتپالىعىن جەڭىلدەتۋ ارقىلى تۇرعىنداردىڭ تۇتىنۋ قۋاتىن جوعارىلاتادى.

قازىنا مينيسترلىگى ەكونوميكالىق قۇرىلىس مەڭگەرمەسىنىڭ باستىعى فۋ جينليڭ بىلاي دەدى: ءبىر ءبولىم وقۋشىلارعا كومەك بەرۋ ولشەمىن جوعارىلاتۋ، ساياساتتىڭ كولەمىن كەڭەيتۋ ارقىلى مەملەكەتتىڭ قارىز اقشانىڭ ءوسىمىن كەشىرىم ەتۋ جانە نەگىزگى اقشانى كەشىكتىرىپ قايتارۋ ساياساتىن ۇزدىكسىز اتقارىپ، وقۋعا ءتۇسۋ الدىنداعى تاربيەنى اقىسىز ەتۋ قاتارلىلاردى بىرتىندەپ جالپىلاستىرىپ، وقۋشىسى بار وتباسىلارىنىڭ وقۋ - اعارتۋ شىعىس قىسىمى جەڭىلدەتىلەدى.

قازىنا مينيسترلىگىنىڭ قاتىستى جاۋاپتىسى بىلاي دەدى: ورتالىق قازىنا ورتالىقتىڭ ءوز دارەجەسىندەگى وقۋ – اعارتۋ شىعىسى مەن جەرگىلىكتى ورىندارعا وقۋ – اعارتۋعا اۋدارىپ تولەۋ تەبىنىن ارتتىرىپ، وقۋ – اعارتۋ شىعىسى قۇرىلىمىن ساپالىلاندىرىپ، ساپالى تولىق كۋرس كولەمىن كەڭەيتۋگە قولداۋ كورسەتەدى جانە وقۋ جاسىنداعى حالىق سانى ناق كىرەتىن رايونداردىڭ وقۋ – اعارتۋ بايلىعىمەن قامداۋدى كەڭەيتەدى. بۇدان سىرت، قازىنا مينيسترلىگى بالا باعۋعا قوسىمشا قاراجات بەرۋ ءتۇزىمىن زەرتتەۋ قىزمەتىن بەلسەنە ورىستەتەدى.

كەلۋ قاينارى: حالىق تورابى