ەمدەۋ قامسىزداندىرۋ قورى الدامشىلىعى بايقالسا، قالاي اشكەرەلەۋ كەرەك؟ اشكەرەلەگەندەرگە سيلىق بار ما؟

ەمدەۋ قامسىزداندىرۋ قورى حالىق بۇقاراسىنىڭ ”ەمدەلۋ قاراجاتى“، ”قۇتقارۋ قاراجاتى“، ەمدەۋ قامسىزداندىرۋ قورىن زاڭعا، بەلگىلەمەگە قايشى جۇمساۋ حالىق بۇقاراسىنىڭ ورتاق مۇددەسىنە زيان جەتكىزەدى. ەمدەۋ قامسىزداندىرۋ قورىن الداپ - ارباۋ ارەكەتىنە سوققى بەرۋدە قاتاڭ سوققى بەرۋمەن بىرگە، قوعامداعى ءار سالانىڭ بىرگە ات سالىسۋىن دا قاجەت ەتەدى.

مەملەكەتتىك ەمدەۋ قامسىزداندىرۋ مەكەمەسى، قازىنا مينيسترلىگى جاريالاعان «ەمدەۋ قامتاماسىزداندىرۋ قورىن زاڭعا، بەلگىلەمەگە قايشى پايدالانۋدى اشكەرەلەگەندەردى سيلاۋ ادىسىنە» ساي، ەمدەۋ قامتاماسىزداندىرۋ اكىمشىلىك تاراۋلارى سيلاۋ شارتىنا ۇيلەسەتىن اشكەرەلەۋشىلەرگە دەلو قۇنىنىڭ بەلگىلى سالىستىرماسى بويىنشا ءبىر جولدا قارجىلاي سيلىق بەرەدى، ەڭ جوعارى بولعاندا 200 مىڭ يۋاننان اسپايدى، ەڭ تومەن بولعاندا 200 يۋاننان كەم بولمايدى، جەر - جەردىڭ «اشكەرەلەۋ، سيلاۋ ءادىسىن اتقارۋ ەرەجەسىن» ناقتى پايدالانىپ، بۇقارانى قوعامدىق باقىلاۋعا قاتىناسۋعا بەلسەنە شابىتتاندىرۋ جانە جەتەكتەۋ كەرەك. 2024 – جىلى 11 - ايدا مەملەكەتتىك ەمدەۋ قامسىزداندىرۋ مەكەمەسى ەمدەۋ قامسىزداندىرۋ قورىن قوعامدىق باقىلاۋ جانە اشكەرەلەۋ، سيلاۋ جينالىسىن اشىپ، ەمدەۋ قامسىزداندىرۋ قورىنىڭ حاۋىپسىزدىگىن قورعاۋ جاعىندا ۇلەس قوسقان اشكەرەلەۋشىگە ناق مايداندا سيلىق تاراتتى.

مەملەكەتتىك ەمدەۋ قامسىزداندىرۋ مەكەمەسى ۋيچات الەۋمەتتىك تەكشەسى (国家医保局微信公众号) توراپتا ارناۋلى اشكەرەلەۋ جولىن اشتى، قالىڭ قوعامدىق قۇرىلىمدار مەن بۇقارا ەمدەۋ قامتاماسىزداندىرۋ قورىنا قاتىستى الدامشىلىق ارەكەتىنىڭ بار ەكەنىن بايقاسا، مەملەكەتتىك ەمدەۋ قامسىزداندىرۋ مەكەمەسىنىڭ ۋيچات الەۋمەتتىك تەكشەسىنىڭ باس بەتىنىڭ تومەنگى جاعىنداعى ”ۇكىمەت پەن حالىقتىڭ ىقپالداستىعى“ دەگەندى تاڭداپ ”ەمدەۋ قامسىزداندىرۋىنا الدامشىلىعىن اشكەرەلەۋ“ دەگەن جەردى باسىپ كىرىپ، ”توراپتاعى ارىز – ارمان“ نەمەسە ”مەكەمە باستىعىنىڭ حات ساندىعىن“ تاڭداپ قاتىستى جاعدايلاردى اڭىس ەتۋىنە بولادى.

كەلۋ قاينارى: حالىق تورابى