ءۇش تاراۋ ازىق – تۇلىك قۇرامىنداعى تۇزدى، مايدى، قانتتى ازايتۋ قيمىلىن كۇش سالا ورىستەتەدى 

اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك دەنساۋلىق ساقتاۋ – سالاماتتىق كوميتەتى، ونەركاسىپ جانە ينفورماتسيالاندىرۋ مينيسترلىگى 3 – ايدىڭ 17 – كۇنى «جۇڭگونىڭ ازىق - تۇلىكتى جانە قورەكتىكتى دامىتۋ پروگرامماسىن (2025 - جىلدان 2030 - جىلعا دەيىن)» جاريالادى. مۇندا دەنساۋلىققا پايدالى تاماق پىسىرۋ ءتاسىلىن جالپىلاستىرۋ ايقىن بەلگىلەنگەن.

ازىق – تۇلىك قۇرامىنداعى تۇزدى، مايدى، قانتتى ازايتۋ قيمىلىن كۇش سالا ورىستەتىپ، ءنارلى دە دەنساۋلىققا پايدالى ازىقتانۋ كەستەسى مەن تاماق دايىنداۋ تەحنيكاسىن دامىتىپ، ازىق – تۇلىك قۇرامىندا تۇزدى، مايدى، قانتتى ۇيلەسىمدى مولشەردە پايدالانۋ تانىمى مەن مولشەرلەۋ اسپاپتارىن جالپىلاستىرۋ كەرەك.

ءنارلى دە دەنساۋلىققا پايدالى اسحانا قۇرىلىسىن اتقارىپ، قاتىستى كاسىپتىك بىرلەستىكتەردى زاڭ – تۇزىمگە ساي ءنارلى دە دەنساۋلىققا پايدالى اس – سۋ دۇكەندەرىنەن ءبىر توبىن قۇرۋعا جانە وعان جەتەكشىلىك ەتۋگە شابىتتاندىرۋ قاجەت. وتباسىلاردى عىلىمي جولمەن تاماق جاساۋعا جەتەلەۋ كەرەك.

ورتالىق اس ۇيلەردى دامىتۋعا شابىتتاندىرىپ، زەردەلى ساقتاۋ، زەردەلى اسپازدىق، اس ۇيدەگى قالدىقتاردى قولايلى ءبىر جاقتى ەتۋ قاتارلى يقۋاتتارعا يە وتباسىلىق ىدىس – اياقتاردى پايدالانۋدى جالپىلاستىرۋ قاجەت. اس – سۋ سالاسىنا قاتىستى قۇرىلىمداردى ءنارلى دە دەنساۋلىققا پايدالى تاعام جۇيەسى مەن تاعام تۇرلەرىن اشۋعا شابىتتاندىرۋ كەرەك.

كەلۋ قاينارى: حالىق تورابى