مەملەكەتتىك دامۋ – رەفورما كوميتەتى: باقىلاۋدى كۇشەيتۋ ارقىلى ەڭبەكاقىلى جىلدىق دەمالىس ءتۇزىمىن اتقارۋدى تياناقتاندىرۋ كەرەك 

3 ـ ايدىڭ 17 ـ كۇنى تۇستەن كەيىن، مەملەكەتتىك دامۋ – رەفورما كوميتەتى قاتارلى 6 تاراۋدىڭ قاتىستى جاۋاپتىلارى تۇتىنۋدى سەرپىلتۋگە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.

مەملەكەتتىك دامۋ – رەفورما كوميتەتىنىڭ ورىنباسار مەڭگەرۋشىسى لي چۇنلين مىنانى ءبىلدىردى: تۇتىنۋدى سەرپىلتۋ ءار قايسى جاقتاعى ساياساتتاردى سايكەستىرە كۇش سالۋدى قاجەت ەتەدى، «تۇتىنۋدى سەرپىلتۋ ارناۋلى ارەكەت جوباسىندا» قازىنا ـ باجى، فينانس، كاسىپ سالاسى، قارجى قوسۋ قاتارلى ءتۇرلى ەكونوميكالىق، قوعامدىق ساياساتتاردا تۇتىنۋدى جەبەۋ سىندى ساياساتتىق بەتالىس ايگىلەنۋى كەرەك ەكەنى ورتاعا قويىلعان. مۇنىڭ ىشىندە، نىساندىق قارجى قوسۋ، قازىنالىق قارجى، جۇمىسشى ۇيىمى قاراجاتى، تۇتىنۋ ارقىلى سۇيەمەلدەۋ قاتارلى ناقتى قارجى قوسىلىمى دا، ماكرولىق ساياسات بەتالىسىنىڭ ءبىرىڭعايلىعىن باعالاۋ، فينانستىق امانات - قارىز، ساناق ءتۇزىمىن رەفورمالاۋ، دەمالىس جاعىنداعى ۇقىق - مۇددەنى قامتاماسىزداندىرۋ قاتارلى قاتىستى ساياساتتىق تىرەكتەر دە قامتىلادى.

مىسالى، كوپشىلىكتىڭ اڭىسى كورنەكتى بولعان ”ۇستەمە جۇمىس مادەنيەتىنىڭ ءورشۋى“ قاتارلى تولعاقتى ماسەلەلەرگە باعىتتاي وتىرىپ، «جوبادا» ”دەمالىس جاعىنداعى ۇقىق - مۇددەنى قامتاماسىزداندىرۋ“ جونىندە ارناۋلى قاتىستى شارالار ورتاعا قويىلىپ، باقىلاۋدى كۇشەيتۋ ارقىلى جىلدىق اقىلى دەمالىس ءتۇزىمىن اتقارۋدىڭ تياناقتاندىرىلاتىنى، ەڭبەكشىلەردىڭ قىزمەت ۋاقىتىن زاڭعا قايشى تۇردە ۇزارتۋعا بولمايتىندىعى ايقىندالدى، سونىمەن بىرگە يكەمدى تۇردە بارلىق ادام شوعىرلى دەمالاتىن مەزگىلدەن باسقا ۋاقىتتا دەمالۋعا شابىتتاندىرۋ، شارت - جاعدايى بار جەرلەردە ورتا، باستاۋىش مەكتەپتەردى كوكتەم، كۇز ماۋسىمدارىندا دەمالىسقا تاراتۋ قاتارلى مازمۇندار دا ايتىلدى. جوبانىڭ تياناقتانۋىنا بايلانىستى، ەلىمىزدىڭ تۇتىنۋ بازارىنىڭ اناعۇرلىم پارمەندى ارتا تۇسەتىندىگىنە، تۇتىنۋ جاعىنداعى ۇسىنىلىمنىڭ اناعۇرلىم ساپالى بولاتىندىعىنا، سونداي ـ اق كوپشىلىكتىڭ تۇرمىسىنا اناعۇرلىم كوپ قولايلىلىق تۋدىراتىندىعىنا سەنەمىن.

كەلۋ قاينارى: حالىق تورابى