3 - ايدا نورۋ ۆيرۋسى ءالى دە تارالۋدا، قالاي ساقتانۋ كەرەك؟ وسى بەس ءتۇيىندى ەستە بەرىك ساقتاۋ كەرەك 

مەملەكەتتىك دەنساۋلىق ساقتاۋ – سالاماتتىق كوميتەتى 3 – ايدىڭ 19 - كۇنى اقپار جاريالاۋ ءماجىلىسىن اشىپ، ماۋسىمدىق اۋا رايى مەن دەنساۋلىققا قاتىستى جاعدايلاردى تانىستىردى.

جۇڭگو اۋرۋدى تىزگىندەۋ ورتالىعىنىڭ زەرتتەرمەنى چاڭ جاۋرۇي بىلاي دەپ تانىستىردى: 3 - ايدا نورۋ ۆيرۋسى ءالى دە تارالۋدا، نورۋ ۆيرۋسىمەن جۇعىمدالعاننان كەيىن ەڭ كوپ كەزىگەتىن اۋرۋ بەلگىلەرى جۇرەك اينۋ، ءىش اۋرۋ، باس اۋرۋ، قىزۋ، وڭاي توڭۋ جانە بۇلشىق ەت سىزداپ اۋرۋ قاتارلىلار. ءناجىس ارقىلى سىرتقا شىعارىلىپ، اس قورىتۋ جولى ارقىلى تارالادى، مۇندا ۆيرۋسپەن لاستانعان سۋ مەن ازىقتىقتاردى تۇتىنۋ، قۇسىققا تىكەلەي جۇعىسۋ، لاستانعان ورتاعا نەمەسە زاتتاردىڭ بەتىنە جانامالاي جۇعىسۋ، سونداي – اق، قۇرامىندا نورۋ ۆيرۋس بار ايرەزولدى جۇتۋ قاتارلىلاردى قامتيدى.

نورۋ ۆيرۋسىمەن جۇعىمدالۋدان قالاي ساقتانۋعا بولادى؟

· ءبىرىنشى، قولدى ۇنەمى جۋۋ، تاماقتان بۇرىن، دارەتتەن كەيىن، تاماق جاساۋدان بۇرىن جانە سىرتقا شىعىپ ۇيگە قايتقاننان كەيىن، قولدى جاقسى جۋۋ، كىر سابىن جانە سۋمەن كەمىندە 20 سەكۋند جۋۋ كەرەك.

· ەكىنشى، ازىق - تۇلىك حاۋىپسىزدىگىنە كوڭىل ءبولۋ، قايناماعان سۋ ىشپەۋ، كوكونىس پەن جەمىس - جيدەكتەردى جەگەندە جۋىپ - تازالاۋ، تاماق پىسىرعاندا، ازىق - تۇلىكتەردى مانەرلەگەندە پىسقانى مەن شيكىسىن بولەك قويۋعا كوڭىل ءبولۋ، ازىق - تۇلىكتەردى، اسىرەسە، جۇمساق دەنەلىلەر سياقتى تەڭىز ونىمدەرىن تولىق پىسىرۋعا كەپىلدىك ەتۋ، سىرتقا شىعىپ تاماقتانعاندا تازالىق شارت - جاعدايى جاقسى اسحانالاردى تاڭداۋ كەرەك.

· ءۇشىنشى، بولمەنىڭ كۇندەلىكتى تازالىعى مەن اۋا الماستىرۋدى ويداعىداي ىستەپ، اس ءۇي مەن ىدىس - اياقتىڭ تازالىعىنا كەپىلدىك ەتىپ، قوقىر - قوقسىقتى دەر كەزىندە ءبىر جايلى ەتۋ كەرەك.

· ءتورتىنشى، جۇيەلى دەزينفەكسيالاۋ، وتباسى مۇشەلەرىندە اسقازان - ىشەك قابىنۋ بەلگىلەرى بايقالعاندا، ونىڭ دارەتى مەن قۇسىقتارىن جۇيەلى ءبىر جايلى ەتۋ ءارى حلورلى دەزينفەكسيالاعىش ارقىلى لاستانعان زاتتار مەن زاتتاردىڭ بەتىن تۇبەگەيلى دەزينفەكسيالاۋ كەرەك. سونىمەن بىرگە، ەسىك تۇتقاسى، دارەت شەلەگىنىڭ كنوپكاسى جانە تازالىق بولمەسى قاتارلى ۆيرۋس وڭاي لاستايتىن ورىندار مەن وڭىرلەردى مەرزىم بويىنشا دەزينفەكسيالاۋ كەرەك.

· بەسىنشى، جۇعىمدالعان جاعدايدا مۇمكىندىكتىڭ بارىنشا ۇيدە دەمالىپ، باسقالارمەن جيى ارالاسۋدى ازايتۋ كەرەك.

ەرەكشە قىزمەت ورنىنداعى قىزمەتكەرلەر، مىسالى، اسپازدار، بوبەك باعۋشىلار جانە سىرتقا تاماق جەتكىزۋشىلەر مەن زاتتى جەدەل جەتكىزۋشىلەر قاتارلىلار اۋىرىپ جۇرگەن كەزدە مۇمكىندىكتىڭ بارىنشا جۇمىسقا شىقپاۋى كەرەك. مەكتەپتەر، بالالار باقشالارى قاتارلى ادام شوعىرلانعان ورىندار نورۋ ۆيرۋسى كوپ تارالاتىن ورىندار سانالادى، مۇنداي ورىنداردا كۇندەلىكتى ىندەتتەن ساقتانۋ شارالارىن ويداعىداي تياناقتاندىرىپ، تاڭەرتەڭگى، تۇسكى تەكسەرۋ ءتۇزىمىن قاتاڭ اتقارىپ، اۋرۋ سەبەبىنەن جۇمىسقا بارماي قالعانداردى وكشەلەي تەكسەرۋ مەن ىندەت جاعدايىن مالىمدەۋدى تياناقتاندىرىپ، ازىق - تۇلىك پەن اۋىز سۋ حاۋىپسىزدىگىنە كەپىلدىك ەتىپ، قورشاعان ورتانى مەرزىم بويىنشا تازالاپ دەزينفەكسيالاپ، قۇسىقتى جۇيەلى ءبىر جايلى ەتۋ ءارى كوپ ءتۇرلى ارنالار ارقىلى نورۋ ۆيرۋسى جونىندەگى بىلىمدەرگە ساياتىن ۇگىت - تاربيەنى ورىستەتىپ، وقىتۋشى - وقۋشىلاردىڭ قورعانۋ تانىمى مەن قابىلەتىن جوعارىلاتۋ كەرەك. (تىلشىلەر جاڭ پيڭ، شى يىڭچۇن)

كەلۋ قاينارى: حالىق تورابى