بوكس لوس - انجەلەس وليمپيادا سپورت جارىسىنىڭ رەسمي جارىس تۇرىنە اينالدى

شينحۋا اگەنتتىگىنىڭ 3 – ايدىڭ 20 - كۇنى گرەتسيا ناۆارينو تەڭىز جاعالاۋىنان بەرگەن حابارى. حالىقارالىق وليمپيادا كوميتەتىنىڭ 144 – رەتكى جالپى ءماجىلىسى بوكستى 2028 – جىلعى لوس – انجەلەس وليمپيادا سپورت جارىسىنىڭ رەسمي جارىس تۇرىنە ەنگىزۋدى بەكىتتى.

بوكس 1904 - جىلدان باستاپ وليمپيادا سپورت جارىسىنىڭ جارىس ءتۇرى بولعان بولاتىن، ءبىراق جونگە سالۋ، تورەلىك جاساۋ، قازىنا ىستەرى قاتارلى ماسەلەلەرگە بايلانىستى حالىقارالىق وليمپيادا كوميتەتى 2019 - جىلى حالىقارالىق بوكس بىرلەستىگىنە بولعان (وسىدان بۇرىن ۇزاق ۋاقىت بوكىس ارەكەتىنىڭ حالىقارالىق جەكە تۇردەگى دەنە تاربيە بىرلەستىگى) مويىنداۋىن ۋاقىتشا توقتاتتى.

2023 – جىلى 6 – ايدا، حالىقارالىق وليمپيادا كوميتەتى حالىقارالىق بوكس بىرلەستىگىنە بولعان مويىنداۋىن كۇشىنەن قالدىرۋدى ۇيعاردى. وسىدان كەيىن، بوكس سپورتى جاڭا باسقارۋ قۇرىلىمى جوق بولعاندىقتان، حالىقارالىق وليمپيادا كوميتەتى دە بۇل جارىس ءتۇرىن 2028 - جىلعى لوس - انجەلەس وليمپيادا سپورت جارىسىنىڭ جارىس تۇرىنە ەنگىزبەگەن بولاتىن.

سارالاۋ ارقىلى، حالىقارالىق وليمپيادا كوميتەتىنىڭ اتقارۋ القالار كوميتەتى الدىڭعى ايدا ۋاقىتشا الەمدىك بوكس بىرلەستىگىن وليمپيادا جارىسىنداعى بوكسقا جاۋاپتى حالىقارالىق جەكە دەنە تاربيە بىرلەستىگى ەتىپ بەلگىلەدى.

144 - كەزەكتى جالپى جيىن اشىلۋدان ىلگەرى، حالىقارالىق وليمپيادا كوميتەتىنىڭ اتقارۋ القالار كوميتەتى 3 – ايدىڭ 17 - كۇنى بۇل كەزەكتى جالپى جيىنعا بوكستى لوس - انجەلەس وليمپيادا سپورت جارىسىنىڭ جارىس تۇرىنە ەنگىزۋ جونىندە ۇسىنىس بەرگەن. 3 – ايدىڭ 20 – كۇنى جالپى ءماجىلىس وسى ۇسىنىستى قاراپ ماقۇلدادى.

كەلۋ قاينارى: حالىق تورابى