يدەيانى ازات ەتىپ، رەفورما جاساپ، جاڭالىق اشىپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋ ۇردىسىندە يۇننان دامۋىنىڭ جاڭا جاعدايىن اشۋ كەرەك

3 - ايدىڭ 19 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇنناندا قىزمەت تەكسەردى. سۋرەتتە: 3- ايدىڭ 19 - كۇنى تۇستەن كەيىن شي جينپيڭ ليجياڭ وسى زامانعى گۇل - ءشوپ كاسىپ باقشاسىنىڭ روزا گۇلى ەگىمشىلىگى اۋماعىندا ناق مايدانداعى قىستاق تۇرعىندارىمەن، تەحنيكتەرمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

3 - ايدىڭ 19 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇنناندا قىزمەت تەكسەردى. سۋرەتتە: 3 - ايدىڭ 19 - كۇنى تۇستەن كەيىن شي جينپيڭ ليجياڭ بايىرعى قالاسىندا قىزمەت تەكسەرگەن كەزدە تۇرعىندارمەن، ساياحاتشىلارمەن ءوزارا پىكىر اۋىستىرۋدا.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

3 - ايدىڭ 19 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇنناندا قىزمەت تەكسەردى. سۋرەتتە: 3 - ايدىڭ 20 - كۇنى تۇستەن بۇرىن شي جينپيڭ كۇنميڭدە تۇراتىن اسكەري بولىمدەگى كوماندير - جاۋىنگەرلەردىڭ ۋاكىلدەرىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان كۇنميڭدە تۇراتىن اسكەري بولىمدەگى بارلىق كوماندير - جاۋىنگەرگە شىنايى سالەم جولدادى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

«حالىق گازەتى»، 3 – ايدىڭ 20 – كۇنى، كۇنميڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا يۇنناندا قىزمەت تەكسەرگەندە بىلاي دەپ باسا دارىپتەدى: يۇننان ولكەسى پارتيا ورتالىق كوميتەتىنىڭ باتىس بولەكتى قاۋىرت اشۋ جانە چاڭجياڭ ەكونوميكالىق بەلدەۋىن دامىتۋ جونىندەگى ستراتەگيالىق ورنالاستىرۋىن مۇقيات تياناقتاندىرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، جوعارى ساپالى دامۋدى كۇش سالا ىلگەرىلەتىپ، يدەيانى ازات ەتىپ، رەفورما جاساپ، جاڭالىق جاراتىپ، قايراتتانا العا ۇمتىلىپ، شىنايى يگەرىپ، ناقتى ىستەپ، جۇڭگو ۇلگىسىندەگى وسىزامانداندىرۋ ۇردىسىندە يۇنناننىڭ دامۋىندا جاڭا جاعداي جاراتۋى كەرەك.

3 - ايدىڭ 19 - كۇنىنەن 20 - كۇنىنە دەيىن شي جينپيڭ يۇننان ولكەلىك پارتكومنىڭ شۋجيى ۋاڭ نيڭ مەن ولكە باستىعى ۋاڭ يۇيبونىڭ سەرىك بولۋىندا ىلگەرىندى - كەيىندى ليجياڭ، كۇنميڭ سياقتى جەرلەرگە بارىپ قىزمەت تەكسەرىپ، تەكسەرۋ - زەرتتەۋ جۇرگىزدى.

3 - ايدىڭ 19 - كۇنى تۇستەن كەيىن شي جينپيڭ ليجياڭ وسى زامانعى گۇل - ءشوپ كاسىپ باقشاسىنا كەلدى. كورمە زالىندا ول روزا گۇلى، تۇڭعيىق گۇلى سورتتارى كورمەسىن كورىپ، يۇننان گۇل كاسىبىنىڭ دامۋ جاعدايى جونىندەگى تانىستىرۋدى تىڭدادى. روزا گۇلى ەگىمشىلىك اۋماعىندا ول زەردەلى جىلىجايدا توپىراقسىز ءوسىرۋ تەحنيكاسىن ۇعىسىپ، سول جەردەگى قىستاق تۇرعىندارىمەن، تەحنيكتەرمەن ىقىلاسپەن اڭگىمەلەستى. ول تاعى روزا گۇلىن دارەجەگە ءبولىپ قوراپتاۋ ءوندىرىس جەلىسىنە كەلىپ، سۇرىپتاۋدىڭ، دارەجەگە ءبولىپ قوراپتاۋدىڭ، جونەلتۋدىڭ جالپى بارىسىن كورىپ، جاس گۇلدى زات اينالىمى ارقىلى دەر كەزىندە سىرتقا ساتۋدى تۇراقتاندىردى. شي جينپيڭ بىلاي دەپ اتاپ كورسەتتى: يۇننان گۇل - ءشوپ كاسىبىنىڭ بولاشاعى جارقىن، تۇتاس كاسىپ سالاسى تىزبەگىن كوزدە ۇستاپ، تۇقىم، ەگىمشىلىك، بازار سالاسىنان باستاپ ۇزدىكسىز مۇقيات ىستەپ، وسى ”كورىكتى كاسىپ سالاسىن“ بۇقارانى باقىتقا كەنەلتەتىن ”باقىت كاسىپ سالاسىنا“ اينالدىرۋ كەرەك.

ليجياڭ بايىرعى قالاسىنىڭ 800 جىلدان استام تاريحى بار، دۇنيە جۇزىلىك مادەني مۇرالار تىزىمدىگىنە ەنگىزىلگەن. كوكتەم قارى وتكەننەن كەيىن ليجياڭدا ساياحاتشىلار قايشالىستى. شي جينپيڭ وسى اراعا كەلىپ، بايىرعى قالانىڭ سالىنۋ تاريحى، ناشي ۇلتىنىڭ تۇرعىن ءۇي ەرەكشەلىگى جانە جەرگىلىكتى مادەنيەت مۇرالارىن قورعاۋ، پايدالانۋ، مادەنيەت پەن ساياحاتتىڭ توعىسپالى دامۋىن ىلگەرىلەتۋ سياقتى جاعدايلاردى ەگجەي - تەگجەيلى ۇعىستى. تۇرعىندار مەن ساياحاتشىلار باس شۋجيدى كورىپ ايرىقشا شاتتاندى، تالاسا - تارماسا امانداستى، كەيبىرەۋلەرى مۋزىكا اسپاپتارىن شەرتىپ، ءان ايتىپ، ءبي بيلەپ، باس شۋجيدى قارسى الدى. شي جينپيڭ كوپشىلىكپەن ءالسىن - ءالى پىكىر اۋىستىرىپ، ساۋدا دۇكەندەرىنىڭ شارۋاشىلىق جاعدايىن جانە ساياحاتشىلاردىڭ اسەرىن ۇعىستى. ول جەرگىلىكتى ورىننان قورعاۋ مەن دامىتۋدىڭ قاتىناسىن ويداعىداي شەشىپ، وسى كوركەم بايىرعى قالاعا تىڭ شۇعىلا شاشتىرۋدى تالاپ ەتتى.

بايىرعى قالا ىشىندەگى مۋشى تۋسى جامبىلى باتىس وڭتۇستىك وڭىردەگى ۇلتتاردىڭ ارالاسۋ، ىشتەسۋ، توعىسۋ تاريحىنا كۋا بولدى. شي جينپيڭ مۋفۋ جامبىلىنىڭ نەگىزگى قۇرىلىستارىن، ناشي ۇلتىنىڭ دۇڭبا مادەنيەتىن زەرتتەۋ جەتىستىكتەرى كورمەسىن ەكسكۋرسيالادى. ول بىلاي دەپ باسا دارىپتەدى: مۋفۋ جامبىلى سياقتى ماڭىزدى مادەنيەت بەلگىلەرىن ويداعىداي قورعاپ، ويداعىداي پايدالانىپ، جۇڭحۋانىڭ تاڭداۋلى ءداستۇرلى مادەنيەتىن ويداعىداي قورعاپ، ويداعىداي جالعاستىرىپ، ءار ۇلت بۇقاراسىن سانالى تۇردە جۇڭحۋا ۇلتى ورتاق تۇلعاسى تانىمىن سومداۋعا جەتەكتەپ، جۇڭحۋا ۇلتى ورتاق تۇلعاسى قۇرىلىسىن ۇزدىكسىز ىلگەرىلەتۋ كەرەك.

اتتاناردا كوپتەگەن تۇرعىندار مەن ساياحاتشىلار قاۋمالاي كەلىپ، باس شۋجيدى اتتاندىرىپ سالدى. شي جينپيڭ كوپشىلىكتى جىگەرلەندىرىپ بىلاي دەدى: ليجياڭ وزەنىنىڭ كوركەم كورىنىسى، ەرەكشە مادەنيەتى، اسا جوعارى اتاعى بار، ءسوز جوق، باياندى، اقاۋسىز مادەنيەت ساياحاتىن دامىتۋ جولىمەن ءجۇرۋ كەرەك. ول ليجياڭ حالقىنىڭ ناشي ۇلتىنىڭ ”جاراسىمدىلىق“ دەگەن سوزبەن ماندەس فاميلياسى سياقتى باقىتتى تۇرمىس كەشىرۋىن، تاتۋ - ءتاتتى ءوتۋىن تىلەدى.

3 - ايدىڭ 20 - كۇنى تۇستەن بۇرىن شي جينپيڭ يۇننان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، يۇنناننىڭ ءار جاقتا قول جەتكەن ناتيجەلەرىن تۇراقتاندىرىپ، كەلەسى قادامداعى قىزمەتتەر جونىندە تالاپ قويدى.

شي جينپيڭ بىلاي دەپ اتاپ كورسەتتى: كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى ىلگەرىلەتۋ __ جوعارى ساپالى دامۋدىڭ ءتۇيىندى قىزمەتى. جەر - جەردىڭ بايلىق قاسيەتى، نەگىزدىك شارت - جاعدايى سياقتىلار ۇقسامايدى، كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى يگەرۋدە ءىس جۇزىندىكتى شىعار ءتۇيىن ەتىپ، ەكونوميكالىق زاڭدىلىققا بويسۇنىپ، وزىندىك ەرەكشەلىكتى كورنەكتىلەندىرۋ كەرەك. يۇننان عىلىم - تەحنيكادا جاڭالىق اشۋدى جەتەكشى ەتىپ، بايلىق سيپاتتى كاسىپ سالاسىن كۇشەيتىپ، ساپالىلاندىرىپ، ستراتەگيالىق جاڭادان گۇلدەنگەن كاسىپ سالاسى مەن بولاشاق كاسىپ سالاسىن بەلسەنە دامىتۋى كەرەك. ۇستىرتتەگى ەرەكشەلىككە يە اۋىل شارۋاشىلىعىن جانە مادەنيەت، ساياحات كاسىبىن جەدەل دامىتىپ، كاسىپ سالالارىنىڭ قۇنىن، كاسىپورىنداردىڭ ونىمدىلىگىن ارتتىرۋدى، بۇقارانىڭ كىرىسىن ارتتىرۋدى جەبەۋ كەرەك. مۇددەدەن ورتاق يگىلىكتەنۋ مەحانيزمىن بەلسەنە قاراستىرىپ، كاسىپ سالاسىنىڭ ساتىلى اۋىسۋىن تارتىپپەن ۇلاستىرۋ كەرەك.

شي جينپيڭ بىلاي دەپ باسا دارىپتەدى: يۇنناننىڭ وڭىرلىك شارت - جاعدايى ەرەكشە، جوعارى دەڭگەيدەگى سىرتقا ەسىك اشۋدى بەلسەنە ىلگەرىلەتىپ، وڭتۇستىك ازياعا، شىعىس وڭتۇستىك ازياعا باعىتتالعان ىقپال كورسەتۋ ورتالىعىن قۇرۋ كەرەك. ەركىن ساۋدا سىناق رايونىن جوعارى ساپامەن قۇرىپ، قاتىناس، زات اينالىمى، ەنەرگيا، سيفرلى ينفورماتسيا سياقتى ۇلكەن ارنالار قۇرىلىسىن كۇشەيتىپ، ءتۇرلى اشىق تۇعىرلاردى ەكونوميكالىق دامۋدىڭ ارتۋ تۇيىنىنە اينالدىرۋ كەرەك. توڭىرەكتەگى ەلدەرمەن ەكونوميكا، عىلىم - تەحنيكا، دارىندى، ەمدەۋ، مادەنيەت سياقتى جاقتارداعى اۋىس - كۇيىستى، سەلبەستىكتى كەڭەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ ناقتى يگىلىگىن كورۋ كەرەك.

شي جينپيڭ بىلاي دەپ اتاپ كورسەتتى: يۇنناننىڭ ەكولوگيالىق ورنى ماڭىزدى، ەكولوگيانى الدىمەن ەسكەرۋ، جاسىل دامۋ جولىمەن بۇلجىماي ءجۇرىپ، ەلىمىزدىڭ باتىس وڭتۇستىك ەكولوگيالىق حاۋىپسىزدىك قالتقىسىن بەكەمدەۋ كەرەك. مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن اقاۋسىزداندىرىپ، ەكولوگيالىق جۇيەنى قورعاۋدى جانە قالپىنا كەلتىرۋدى كۇشەيتىپ، تاستاقتانۋدى، توپىراقتىڭ شايىلۋىن جانە شاعىن اعارلاردى جان - جاقتى جونگە سالۋدى ۇزدىكسىز ورىستەتۋ كەرەك. مەملەكەت جەر بايلىعى كەڭىستىگىنىڭ پايدالانىلۋ جولىن باسقارۋ مەن ەكولوگيالىق ورتانى رايوندارعا ءبولىپ باسقارۋدى ۇشتاستىرۋدى كۇشەيتىپ، ءتۇيىندى سالالارداعى لاستانۋدان ساقتانۋ جانە ءتۇيىندى كولدەردىڭ ورتاسىن جونگە سالۋدى تىڭعىلىقتى ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: يۇنناندا ۇلتتار كوپ، شەكارا وڭىردەگى ۇلتتىق وڭىرلەردى جونگە سالۋدى كۇشەيتىپ، ۇلتتاردىڭ جان - جاقتى ارالاسۋىنىڭ امالياتتىق جولىن كەڭەيتىپ، جاڭا داۋىردەگى شەكارانى گۇلدەندىرىپ، حالىقتى بايىتۋ ارەكەتىن ىشكەرىلەي ىلگەرىلەتىپ، ۇلتتار ىنتىماعىن، شەكارا ءوڭىردىڭ ورنىقتىلىعىن شىنايى قورعاۋ كەرەك.

شي جينپيڭ بىلاي دەپ اتاپ كورسەتتى: پارتيانىڭ باسشىلىعى __ ىستەرىمىزدى دامىتۋدىڭ ءتۇبىرلى كەپىلى. ءبىر جەردە پارتيانىڭ باسشىلىعى مەن پارتيا قۇرىلىسىنىڭ ورەسىنىڭ جوعارى - تومەندىگىنە قاراۋدىڭ ماڭىزدى ءبىر جاعى ساياسي ەكولوگيانىڭ جاقسى - جاماندىعىنا قاراۋ كەرەك. ءار دارەجەلى باسشى كادرلار پارتيانى باسقارۋ، پارتيانى جونگە سالۋ جاۋاپكەرشىلىگىن شىنايى اتقارىپ، ستيلدە دۇرىس بولىپ، ءىستى ءادىل ىستەپ، وزدەرىنىڭ ونەگەلى ارەكەتتەرى ارقىلى ساياسي ەكولوگيانىڭ باياندى كىرشىكسىزدىگىن ىلگەرىلەتۋى كەرەك. ءار دارەجەلى پارتيا ۇيىمدارى پارتيا مۇشەلەرىن، كادرلاردى تاربيەلەۋدى، باسقارۋدى كۇشەيتىپ، ەرەجەگە، تارتىپكە قايشى ءتۇرلى ارەكەتتەردى قاتاڭ تەكسەرىپ ءبىر جاقتى ەتىپ، بۇرىس ستيل، تەرىس پيعىلدارعا ءورىس قالدىرماۋى كەرەك. پارتيا ورتالىق كوميتەتى بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋ تاربيەسىن ىشكەرىلەي ورىستەتۋ جونىندە ورنالاستىرۋ جاسادى، ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ۇيرەنۋ تاربيەسىنىڭ جاۋاپكەرشىلىك سەزىمىن، كوكەي تەستىلىك سەزىمىن سانالى تۇردە كۇشەيتىپ، پارتيانى جاپپاي قاتاڭ جونگە سالۋدىڭ جاعدايىمەن، مىندەتىمەن بايلانىستىرىپ، جەرگىلىكتى ورىننىڭ، ءوز تاراۋىنىڭ، ءوز ورنىنىڭ تاياۋ جىلدارداعى ستيل قۇرىلىسىن يگەرۋدىڭ ناقتى امالياتىمەن بايلانىستىرىپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن ىشكەرىلەي ۇعىنىپ، قاتىستى ءتارتىپ - ەرەجەلەردى يگەرىپ، ماسەلەلەردى تەكسەرىپ، ورتاعا قويىپ، شوعىرلى جونگە سالۋ ءۇشىن يدەيالىق - ساياسي نەگىزدى بەكەمدەۋى كەرەك. ستيلدى دۇرىستاپ، ءتارتىپتى قاتايتىپ، قالىڭ پارتيا مۇشەلەرىن، كادرلاردى سانالى تۇردە ەرەجەگە، تارتىپكە بويسۇنىپ، باتىلدىقپەن ءىس تىندىرىپ، يگىلىك جاراتۋعا باستاۋ كەرەك.

ورتالىق كوميتەت ساياسي بيۋروسى تۇراقتى كوميتەتىنىڭ مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

3 - ايدىڭ 20 - كۇنى تۇستەن بۇرىن شي جينپيڭ كۇنميڭدە اسكەري بولىمدەردىڭ شاڭشياۋ دارەجەلىدەن جوعارى باسشى كادرلارىمەن جانە نەگىزگى ساتىداعى وزات ۇلگىلەرمەن، اكىمشىلىك قىزمەتكەرلەردىڭ ۋاكىلدەرىمەن ىقىلاسپەن كەزدەسىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان كۇنميڭدە تۇراتىن اسكەري بولىمدەردەگى بارلىق كوماندير - جاۋىنگەردەن شىنايى حال سۇرادى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

كەلۋ قاينارى: حالىق تورابى