بيىل جىل باسىنان بەرى سۋارمالى جەر كولەمى 64 ميلليون مۋدان استى

«حالىق گازەتى»، 3 – ايدىڭ 20 – كۇنى، بەيجي (ءتىلشى ۋاڭ حاۋ). ءتىلشىنىڭ سۋ يگىلىگى مينيسترلىگىنەن ۇعىسۋىنا قاراعاندا، بيىل 3 - ايدىڭ ورتا شەنىنە دەيىن بۇكىل ەل بويىنشا سۋارمالى جەر كولەمى 64 ميلليون مۋدان اسىپ، 16 ولكەدە سۋارۋ باستالعان، مۇنىڭ ىشىندە ءبىر مىڭ 400 دەن استام ءىرى، ورتاشا سۋلاندىرۋ رايوندارىندا سۋارۋ باستالعان. بۇكىل ەل بويىنشا 9 مىڭ 520 ءتۇيىندى سۋ قويماسىنىڭ سۋ ساقتاۋ جالپى مولشەرى 48 ميلليارد 500 ميلليون تەكشە مەترگە جەتىپ، بۇرىنعى جىلدارداعى سايكەس مەزگىلدەگىدەن %10 كە تاياۋ كوبەيگەن، كوكتەمگى سۋارۋ قاجەتىن ءونىمدى قامتاماسىزداندىرۋعا بولادى ەكەن. جەر - جەر، تاراۋلار كوكتەمگى ەگىس وندىرىسىنە كەپىلدىك ەتۋدى مۇقيات ورنالاستىرىپ، كوكتەمگى ەگىس ءوندىرىسىن پارمەندى، ءتارتىپتى ىلگەرىلەتۋدە.

سۋ يگىلىگى تاراۋلارى سۋارۋ سىناعى جەتىستىكتەرىن قولدانۋدى ىلگەرىلەتىپ، بۇكىل ەل بويىنشا 152 سۋارۋ سىناق پۋنكتىن قۇرىپ، سىناق، باقىلاۋ - ولشەۋ جەتىستىكتەرى سۋارۋ ءتۇزىمى مەن سۋارۋعا پايدالانىلاتىن سۋ نورماسىن ساپالىلاندىرۋعا ءونىمدى تىرەك بولدى. جەر - جەر جەرگىلىكتى جاعدايعا قاراي ۇشقىشسىز ۇشاقپەن توعان شارلاۋ، الىس ارالىقتان سۋ ولشەۋ سياقتى تەحنيكالاردى جالپىلاستىرىپ، سۋ بايلىعىن ۇنەمدى، شوعىرلى پايدالانۋ دەڭگەيىن جوعارىلاتتى. شاندۇڭ ولكەسى بيشان سۋارمالى رايونى سىناق پۋنكتى داقىلداردىڭ سۋ مولشەرى مەن سۋارۋ ءتۇزىمىن باقىلاپ - زەرتتەۋدى ۇزاق ۋاقىت ورىستەتىپ، باقىلاپ – 20 ميلليون پارشادان استام ولشەۋ ساندى مالىمەتىن جيناپ، سۋ مولشەرىن ورنالاستىرۋ، سۋ ۇنەمدەپ سۋارۋدى ساندى مالىمەتپەن قامدادى. جياڭشي ولكەسى گانفۋپيڭ جازىعى سۋارمالى رايونىندا 5 مينۋتتا الداعى 10 كۇندىك سۋارۋ جوباسى جۇزەگە اسىرىلىپ، ەگىنشى وتباسىلارىنىڭ كاد جايمالاۋ ارقىلى سۋ ىستەتۋدى ءوتىنىش ەتۋىنە مۇمكىندىك جاسالدى، سۋ جىبەرۋ ۋاقىتى ورتا ەسەپپەن ءبىر ساعاتقا قىسقاردى.

2024 – جىلى 41 مەملەكەتتىك سۋ تورابى كەلەلى ينجەنەرياسى تىڭنان باستالىپ، 481 سۋ قويماسى، 7 ورىندا ءىرى تۇرپاتتى سۋارمالى رايون قۇرىلىسى جانە ءبىر مىڭ 342 ورىنداعى سۋارمالى رايوندى وسىزامانداندىرۋ قۇرىلىسى جەدەل ىلگەرىلەتىلدى، بۇلار ورىندالعاننان كەيىن 70 ميلليون مۋ سۋارمالى جەر قالپىنا كەلتىرىلەدى، جاقسارتىلادى. قازىر سۋ يگىلىگى مينيسترلىگى جەرگىلىكتى ورىنداردىڭ سۋ يگىلىگى سالاسىنداعى ”ەكى كەلەلى قۇرىلىس“ نىسانىنىڭ الدىڭعى مەرزىمدىك قىزمەتتەرىن جەدەل جاقسى ىستەۋىنە جەتەكشىلىك ەتىپ، ءىرى، ورتا تيپتەگى سۋارمالى وڭىرلەردى وسىزامانداندىرۋ قۇرىلىسى مەن جاڭالاۋ نىساندارىنىڭ ەرتەرەك جۇمىس باستاۋىن بەلسەنە ىلگەرىلەتۋدە.

كەلۋ قاينارى: حالىق تورابى