ءورىس اشا جاڭالىق اشۋ رۋحىمەن سىرتقى ساۋدانى ورنىقتىرۋ قىزمەتىن جاقسى ىستەپ، جوعارى دەڭگەيدەگى سىرتقا ەسىك اشۋدىڭ جاڭا ابزالدىعىن جەدەل قالىپتاستىرۋ كەرەك

شينحۋا اگەنتتىگى، 3 – ايدىڭ 20 – كۇنى، شيامىن (ءتىلشى زوۋ ۋەي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 3 - ايدىڭ 18 – كۇنىنەن 20 – كۇنىنە دەيىن فۋجياندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، ەكى ماجىلىستە ايقىندالعان ءتۇرلى مىندەتتەردى مۇقيات تياناقتاندىرىپ، ءتۇرلى ورنىقسىز، تۇراقسىز فاكتورلارعا بەتپە - بەت كەلىپ، سەنىمدى بەكەمدەپ، قيىنشىلىقتاردى جەڭىپ، ەكپىندەي ىلگەرىلەپ، ءورىس اشا جاڭالىق اشۋ رۋحىمەن سىرتقى ساۋدانى ورنىقتىرۋ قىزمەتىن ويداعىداي ىستەپ، جوعارى دەڭگەيدەگى سىرتقا ەسىك اشۋدىڭ جاڭا ابزالدىعىن جەدەل قالىپتاستىرۋ كەرەك.

چۋانجوۋدا لي چياڭ انتا توبىنا كەلىپ، كاسىپورىننىڭ ىشكى - سىرتقى ساۋدانى ورنالاستىرۋ، ايگىلى ماركا ساتۋ سياقتى تانىستىرۋلارىن تىڭداپ، ولاردىڭ جاڭالىق اشا دامۋعا تاباندى بولعاندىعىن جانە قوعامدىق جاۋاپكەرشىلىكتى اتقارعاندىعىن القادى. ول بىلاي دەپ اتاپ كورسەتتى: سىرتقى ورتانىڭ وزگەرىسىنە قاراتا، زەرتتەۋ - اشۋ ۇسىنىلىمى، ايگىلى ماركالاردى كۇشەيتۋ سياقتى جاقتارعا اناعۇرلىم زور كۇش سالىپ، اناعۇرلىم جاقسى ونىمدەرمەن بازاردىڭ قارسى الۋىنا يە بولۋ، سونىمەن بىرگە، باستاماشى كاسىپورىندار مەن كاسىپتىك قوعامداردىڭ رولىن ساۋلەلەندىرىپ، كاسىپتەردىڭ ءتارتىپتى دامۋىن جەبەۋ كەرەك. جينجياڭ حالىقارالىق قۇرلىق پورتى __ حالىقتىق كاسىپورىندار قۇرىپ جۇمىس جۇرگىزەتىن سىرتقى ساۋدا قىزمەت وتەۋ تۇعىرى، لي چياڭ وسى اراعا كەلىپ،”قوس شەكارا وتكەلى + قوس تۇعىر“ ارقىلى سىرتقى ساۋدا كاسىپورىندارىنا قىزمەت وتەۋ سياقتى جاعدايلاردى ۇعىستى. ول بىلاي دەدى: قۇرلىق پورتتارىنىڭ تۇتاس تىزبەكتى قىزمەت وتەۋ فۋنكتسياسىن ونان ارى كەمەلدەندىرىپ، باقىلاۋ – باسقارۋ ءتاسىلىن ساپالىلاندىرىپ، ونىمدىلىگىن جوعارىلاتىپ، سىرتقى ساۋدا كاسىپورىندارىنا اناعۇرلىم پارمەندى تىرەك ازىرلەۋ كەرەك. شىشى قالاسىنىڭ شەكارا اتتاعان ەلەكتروندى ساۋدا الەۋمەتتىك قىزمەت وتەۋ ورتالىعىندا لي چياڭ كاسىپ تۋىنداتۋشى كاسىپورىنداردىڭ تيپتىك مىسالدارى سياقتى جاعدايلار جونىندەگى مالىمەتتى تىڭداپ، جاس كاسىپ اشۋشىلارمەن ىشكەرىلەي پىكىر اۋىستىردى. ول بىلاي دەپ اتاپ كورسەتتى: نازاردى شەكارا اتتاعان ەلەكتروندىق ساۋدانىڭ قاجەتىنە شوعىرلاندىرىپ، ءبىر بەكەتتىك جالپىلىق قىزمەت وتەۋمەن قامداپ، ىرگە تەپكەن كاسىپورىنداردى سەلبەسۋدى كۇشەيتىپ، ءتارتىپسىز باسەكەگە، اسىرەسە، ۇقساس ساپالى، تومەن باعالى باسەكەگە قارسى تۇرۋعا شابىتتاندىرۋ كەرەك.

لي چياڭ شيامىنداعى تايگۋ ۇشاق ينجەنەرياسى شەكتى سەرىكتەستىگىنە كەلىپ، جوندەۋ كاسىبىنىڭ دامۋى، شەكارا سىرتىنداعى تاپسىرىس سياقتى تانىستىرۋلاردى تىڭداپ، ۇشاق جوندەۋ جاعدايىن كوردى. لي چياڭ بىلاي دەپ اتاپ كورسەتتى: قىزمەت وتەۋ ساۋداسى كۇن سايىن سىرتقى ساۋدانى دامىتۋدىڭ جاڭا قوزعالتقىشىنا اينالۋدا، جۇڭگو قىزمەت وتەۋ كاسىبىن ونان ارى كەڭەيتىپ، حالىقارالىق جوعارى ولشەمدى ەكونوميكا - ساۋدا ەرەجەسىمەن ىرىقتىلىقپەن ۇشتاستىرىپ، ەركىن ساۋدا سىناق رايونىنىڭ رولىن ويداعىداي ساۋلەلەندىرىپ، قىزمەت وتەۋ ساۋداسىنىڭ دامۋ كومەسكى كۇشىن ۇزدىكسىز اشادى. قارجى ەنگىزۋ، قارجىنى ورنىقتىرۋ تەبىنىن ارتتىرىپ، اناعۇرلىم ساپالى شارۋاشىلىق - ساۋدا ورتاسىن جاراتىپ، شەتەل كاپيتالىمەن قۇرىلعان كاسىپورىنداردىڭ دامۋىن اناعۇرلىم ويداعىداي قولداۋ كەرەك. مەيتۋ تورى عىلىم - تەحنيكا شەكتى سەرىكتەستىگىندە لي چياڭ كاسىپورىننىڭ قۇرىلۋ، دامۋ جاعدايىن ۇعىسىپ، كەسكىن جۇمساق بولشەگىن قولدانۋ كورمەسىن كورىپ، زەرتتەۋ - اشۋ قىزمەتكەرلەرىمەن اڭگىمەلەسىپ، ولاردى يگىلىك جاراتۋ، جاڭالىق اشۋ ومىرشەڭدىگىن ساقتاپ، ”جاساندى زەردە +“ ارەكەتىن بەلسەنە اتقارىپ، مول قولدانىلمالى كورىنىسكە سۇيەنىپ ونىمدەردىڭ دارەجەسىن ۇزدىكسىز جوعارىلاتۋدى ىلگەرىلەتىپ، تەحنيكادا جاڭالىق اشۋ ارقىلى تۇتىنۋشىلاردىڭ سەزىنۋىن ۇزدىكسىز بايىتۋعا، اناعۇرلىم كوپ كاسىپ سالاسىنا كۇش قوسۋعا شابىتتاندىردى.

تەكسەرۋ - زەرتتەۋ بارىسىندا لي چياڭ سىرتقى ساۋدا كاسىپورىندارىنىڭ اڭگىمە ءماجىلىسىن باسقارىپ اشتى. 8 كاسىپورىن جاۋاپتىسىنىڭ ءسوزىن تىڭداعاننان كەيىن لي چياڭ بىلاي دەدى: قازىر سىرتقى ساۋدا جاعدايى كۇردەلى دە اۋىر، ەسىك اشۋدى تاباندىلىقپەن كەڭەيتىپ، بۇكىل دۇنيە جۇزىنە نازار اۋدارىپ، ورايدى مىقتى يگەرىپ، ىنتىماقتاسا وتىرىپ، سىن - سايىسقا بىرگە توتەپ بەرىپ، بوران - شاشىنعا توتەپ بەرۋ قابىلەتىن ۇزدىكسىز جوعارىلاتۋ كەرەك. كوپ نەگىزدى بازاردى كۇش سالا اشىپ، ساۋدا ارناسى تاسىلىندە بەلسەنە جاڭالىق اشىپ، ونىمدەردىڭ باسەكەلىك قۋاتىن كۇش سالا جوعارىلاتىپ، ىشكى - سىرتقى ساۋدانىڭ ءبىر تۇلعالانىپ دامۋىن جەدەلدەتۋ كەرەك. لي چياڭ بىلاي دەپ اتاپ كورسەتتى: حالىقتىق كاسىپورىندار _ ەلىمىزدەگى ءبىرىنشى ۇلكەن سىرتقى ساۋدا تۇلعاسى. ءار دارەجەلى ۇكىمەتتەر حالىقتىق كاسىپورىندار اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، حالىقتىق كاسىپورىندارعا اناعۇرلىم جاقسى ساياساتتىق قولداۋ جانە دامۋ ورتاسىن ازىرلەۋگە قۇلشىنۋى كەرەك. قالىڭ حالىقتىق كاسىپورىنشىلاردىڭ ”سۇيىسپەنشىلىك، قۇلشىنىس بولعاندا عانا، جەڭىسكە جەتۋگە بولادى“ دەيتىن جىگەر - قايراتتى ساۋلەلەندىرىپ، ءوزىنىڭ اناعۇرلىم زور دامۋىن جۇزەگە اسىرۋمەن بىرگە، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋى ۇلى ىسىنە اناعۇرلىم زور ۇلەس قوسۋىن ءۇمىت ەتەمىن.

ۋ جىڭلۇڭ تەكسەرۋ - زەرتتەۋدە بىرگە بولدى.

كەلۋ قاينارى: حالىق تورابى