استىق سياقتى ماڭىزدى اۋىل شارۋاشىلىق ونىمدەرىن ورنىقتىرۋ، قامداۋ قۋاتىن ۇزدىكسىز كۇشەيتىپ، تۇتاس جىلداعى استىق ءونىم مولشەرى نىساناسىن جۇزەگە اسىرۋعا بەرىك نەگىز قالاۋ كەرەك

«حالىق گازەتى»، 3 – ايدىڭ 20 – كۇنى، بەيجيڭ. مەملەكەتتىك كوكتەمگى اۋىل شارۋاشىلىق ءوندىرىسى قىزمەتى ءماجىلىسى 3 – ايدىڭ 20 - كۇنى جياڭسۋ ولكەسىنىڭ سۋچيان قالاسىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ تاياۋدا كوكتەمگى اۋىل شارۋاشىلىق ءوندىرىسى قىزمەتىن ويداعىداي ىستەۋ جونىندە ماڭىزدى بەكىتۋ سالدى. بەكىتۋدە بىلاي دەپ اتاپ كورسەتىلدى: بيىل − ”14 - بەسجىلدىق“ جوبا اياقتالاتىن جىل، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ توتەنشە ماڭىزدى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، مەملەكەتتىك ەكى ءماجىلىستىڭ رۋحىن جاپپاي تياناقتاندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، مەملەكەتتىڭ استىق حاۋىپسىزدىگىن قامتاماسىز ەتۋ جاۋاپكەرشىلىگىن ورنىقتى ارقالاپ، جاڭا كەزەكتى 100 ميلليارد جىڭ استىق ءوندىرىس قۋاتىن جوعارىلاتۋ ارەكەتىن ويداعىداي يگەرىپ، استىق سياقتى ماڭىزدى اۋىل شارۋاشىلىق ونىمدەرىنىڭ ءوندىرىسىن ورنىقتىرۋى، قامداۋ قۋاتىن ۇزدىكسىز كۇشەيتۋى كەرەك. اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى بايىتۋدى قولداۋ ءتۇزىمىن كەمەلدەندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن تيتتەي دە بوساڭسىماي بەكەمدەپ، كەڭەيتىپ، اۋىل - قىستاقتى جاپپاي گۇلدەندىرۋدى ىشكەرىلەي ىلگەرىلەتۋ كەرەك. قازىر بۇكىل ەل بويىنشا كوكتەمگى ەگىس جۇمىسى ىركەس - تىركەس ورىستەتىلۋدە. ورىندار، تاراۋلار كوكتەمگى اۋىل شارۋاشىلىق وندىرىسىنە باسا ءمان بەرىپ، استىق، مايلى داقىل ەگىلەتىن جەر اۋدانىن ورنىقتىرىپ، بىرلىك ءونىم مەن ساپانى جوعارىلاتۋعا كۇش سالىپ، وزىق، قولدانىلمالى اۋىل شارۋاشىلىق ماشينا - جابدىقتارىن قولدانۋدى جانە اۋىل شارۋاشىلىق عىلىم - تەحنيكا جەتىستىكتەرىن كەڭ كولەمدە جالپىلاستىرۋدى جەدەلدەتىپ، اۋىل شارۋاشىلىعىندا اپاتتان ساقتانۋدى، اپات زيانىن ازايتۋدى كۇشەيتىپ، اۋىل شارۋاشىلىق ونىمدەرى باعاسىنىڭ ۇيلەسىمدى دەڭگەيدى ساقتاۋىن ىلگەرىلەتىپ، استىق ەگەتىن ەگىنشىلەر مەن استىق وندىرەتىن نەگىزگى رايونداردىڭ بەلسەندىلىگىن قورعاپ، تۇتاس جىلدا استىق ءونىمى ءبىر تريلليون 400 ميلليارد جىڭ اينالاسىندا بولۋ نىساناسىن جۇزەگە اسىرۋعا بەرىك نەگىز قالاۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، لي چياڭ زۇڭليدىڭ بەكىتۋىنىڭ تالابىن تياناقتاندىرىپ، ورتالىقتىڭ 1 - ءنومىرلى قۇجاتى مەن مەملەكەتتىك ەكى ءماجىلىستىڭ ورنالاستىرۋلارى بويىنشا، استىق حاۋىپسىزدىگىندە پارتيا مەن ۇكىمەت بىردەي جاۋاپكەرشىلىك ارقالاۋدى تياناقتاندىرىپ، ەگىس ۋاقىتىن اقساتپاي كوكتەمگى اۋىل شارۋاشىلىعى ءوندىرىسىن جوعارى ساپامەن ىلگەرىلەتۋ كەرەك. كوكتەمگى اتىز باسقارۋدى كۇشەيتىپ، كوكتەمگى ەگىس دايىندىعىنا ويداعىداي قىزمەت وتەپ، استىق، مايلى داقىل كوكتەمگى ەگىس مىندەتىن تياناقتاندىرىپ، ”كوجە قاتىق“ ونىمدەرىن ءوندىرۋدى، قامداۋدى ويداعىداي يگەرۋ كەرەك. استىق، مايلى داقىلداردىڭ كولەمدى بىرلىك ءونىمىن جوعارىلاتۋدى تەرەڭدەتىپ، ۇيلەسىمدى تەحنيكانى زەرتتەپ اشۋدى جانە شوعىرلى جالپىلاستىرىپ قولدانۋدى كۇشەيتىپ، جوعارى ولشەمدى ەگىنجاي قۇرىلىسىن تۇتقا ەتىپ، ەگىستىك جەردىڭ ساپاسىن جوعارىلاتىپ، ءتۇرلى شارۋاشىلىق تۇلعالارىنىڭ بىرلىك ءونىمدى جوعارىلاتۋ بەلسەندىلىگىن جۇمىلدىرۋ كەرەك. اپاتقا قارسى اتتانىپ، مول ءونىم الۋدى تياناق ەتىپ، اپاتتى باقىلاۋ - ولشەۋدى، ساقتاندىرۋدى جانە شۇعىل جاعدايعا توتەپ بەرۋگە ءۇن قوسۋدى كۇشەيتىپ، اتىز - ارىق سۋ يگىلىگى قۇرىلعىلارىنداعى ولقىلىقتاردى تولىقتاپ، اپاتتان ساقتانۋدىڭ، اپات زيانىن ازايتۋدىڭ عىلىم - تەحنيكالىق تىرەگىن كۇشەيتۋ كەرەك. جەردى 2 - رەت كوتەرمەگە بەرۋ مەرزىمى تولعاننان كەيىن تاعى 30 جىل ۇزارتۋدى تۇيىندە سىناق ەتۋدى تارتىپپەن ىلگەرىلەتىپ، ”ۇلكەن ورنىقتىلىقتان، شاعىن رەتتەۋدەن“ جازباي، زاڭ - بەلگىلەمە بويىنشا ورنىقتى اتقارۋ كەرەك. ”1000 قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ۇيرەنۋ، قولدانۋ، كەدەيلىكتەن ارىلتۋ تابىستارىن بەكەمدەۋ، استىق بازارىن رەتتەۋ - تىزگىندەۋ، سويىس سيىر، ساۋىن سيىر باعىمشىلىعى ارقىلى قيىنشىلىقتان ارىلتۋ، شارۋالاردىڭ كىرىسىن ارتتىرۋ سياقتى قىزمەتتەردى ءبىر تۇتاس جوسپارلاپ ويداعىداي يگەرۋ كەرەك.

ماجىلىستەن بۇرىن ليۋ گوجۇڭ حۋاي - ان قالاسىنا بارىپ، كۇزدىك ءبيدايدىڭ ءوسۋ جاعدايى، اۋىل شارۋاشىلىق قۇرال - جابدىقتارىمەن قامداۋ، سۋارمالى رايونداردى جاڭالاۋ، ەكولوگيالىق بالىق شارۋاشىلىعىنىڭ دامۋى سياقتى جاعدايلاردى كوزدەن كەشىردى.