ەڭ جاڭا دەمالىس ۇقتىرۋى جاريالاندى!

كەلەر اپتادا چيڭميڭ مەرەكەسىنىڭ دەمالىسى بەرىلەدى، 4 – ايدىڭ 4 – كۇنىنەن (كەلەر جۇما) 4 – ايدىڭ 6 – كۇنىنە (كەلەر جەكسەنبى) ءۇش كۇن دەمالىس بەرىلەدى، دەمالىستا جەكە اۆتوكولىكپەن ساياحاتتاۋشىلار جونىنەن العاندا 2025 – جىلعى چيڭميڭ مەرەكەسىنىڭ دەمالىسىندا كىشى تۇرپاتتى اۆتوكولىكتەردەن قاتىناۋ اقىسى الىنبايدى.

چيڭميڭ مەرەكەسىنىڭ دەمالىسى كەزىندە 4 ـ ايدىڭ 4 ـ كۇنى ساعات 0 دەن 4 – ايدىڭ 6 - كۇنى ساعات 24 كە دەيىن بارلىق اقى الىناتىن تاسجولداردا (اۋەجايدىڭ جوعارى قارقىندى تاسجولدارىن، اقى الىناتىن كوپىرلەردى جانە تۋنەلدەردى قامتيدى) شاعىن تۇرپاتتى جولاۋشىلار اۆتوكولىگىنەن قاتىناۋ اقىسى الىنبايدى. 4 - ايدىڭ 7 - كۇنى ساعات 0 دەن باستاپ قالىپتى اقى الىنادى.

ونان سوڭعى اسىعا كۇتەتىن مەرەكە دەمالىسى ‐ ەڭبەكشىلەر مەرەكەسىنىڭ 5 كۇن دەمالىسى، دۋانۋ مەرەكەسىنىڭ 3 كۇن دەمالىسى، مەملەكەت مەرەكەسى مەن جۇڭچيۋ مەرەكەسى قاتار كەلەتىن 8 كۇن دەمالىس. ناقتى ورنالاستىرىلۋى تومەندەگىدەي:

ەڭبەكشىلەر مەرەكەسى: 5 – ايدىڭ 1 – كۇنىنەن (بەيسەنبى) 5 – كۇنىنە (دۇيسەنبى) دەيىن جيىنى 5 بەس كۇن دەمالىس بەرىلەدى. 4 – ايدىڭ 27 – كۇنى (جەكسەنبى) قالىپتى قىزمەت كۇنى بولادى.

دۋانۋ مەرەكەسى: 5 – ايدىڭ 31 – كۇنىنەن (سەنبى) 6 – ايدىڭ 2 – كۇنىنە (دۇيسەنبى) دەيىن جيىنى 3 كۇن دەمالىس بەرىلەدى.

مەملەكەت مەرەكەسى مەن جۇڭچيۋ مەرەكەسى: 10 – ايدىڭ 1 – كۇنىنەن (سارسەنبى) 8 – كۇنىنە (سارسەنبى) دەيىن رەتتەپ دەمالۋ ارقىلى جيىنى 8 كۇن دەمالىس بەرىلەدى، 9 – ايدىڭ 28 – كۇنى (جەكسەنبى)، 10 – ايدىڭ 11 – كۇنى (سەنبى) قالىپتى قىزمەت كۇنى بولادى.

كوپشىلىك دەمالىس كەزىندە قانداي جوسپارلارىڭىز بار؟

كەلۋ قاينارى: حالىق تورابى