حان جىڭ سينگاپۋر زۇڭليىنىڭ ورىنباسارى ۋاڭ رۇيجيەمەن كەزدەستى

شينحۋا اگەنتتىگى، 3 - ايدىڭ 26 – كۇنى، بەيجيڭ. 3 - ايدىڭ 26 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە سينگاپۋر زۇڭليىنىڭ ورىنباسارى ۋاڭ رۇيجيەمەن كەزدەستى.

حان جىڭ مىنالاردى ءبىلدىردى: وتكەن ءبىر جىلدان بەرى جۇڭگو – سينگاپۋر قارىم - قاتىناسى ورنىقتى قاداممەن ىشكەرىلەي دامىدى، ءتوراعا شي جينپيڭنىڭ سينگاپۋر باسشىلارىمەن جەلىلەس كەزدەسۋى كەلەسى ساتىداعى جۇڭگو – سينگاپۋر قارى - قاتىناسىنىڭ دامۋىنا ايقىن باعدار كورسەتتى. جۇڭگونىڭ دامۋى − رەفورما جاساپ، ەسىك اشۋدىڭ ارقاسى، بولاشاقتا جوعارى دەڭگەيدەگى سىرتقا ەسىك اشۋعا ۇزدىكسىز باتىل كۇش سالىپ، جوعارى ساپالى دامۋدى ىلگەرىلەتەدى. جۇڭگو جاق ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 35 جىلدىعىن وراي ەتىپ، ەكى جاقتى سەلبەستىك مەحانيزمىنىڭ رولىن ۇزدىكسىز تولىق ساۋلەلەندىرىپ، ءار سالاداعى اۋىس - كۇيىستى، سەلبەستىكتى تەرەڭدەتىپ، جۇڭگو مەن سينگاپۋردىڭ جان - جاقتى، جوعارى ساپالى كورەگەندىك سەرىكتەستىك قارىم - قاتىناسىنىڭ اناعۇرلىم زور دامۋىن ىلگەرىلەتىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىنا تىڭ ۇلەس قوسۋدى قالايدى.

ۋاڭ رۇيجيە جۇڭگونىڭ دامۋ جەتىستىكتەرىن ايرىقشا القاپ، مىنانى ءبىلدىردى: قازىرگى جاعدايدا ءار جاق ەسىك اشۋعا، سەلبەسۋگە اناعۇرلىم تاباندى بولىپ، كوپ جاقتى مەحانيزمدى قورعاۋى كەرەك. سينگاپۋر جاق جۇڭگونىڭ دامۋ اياق الىسىنا ۇزدىكسىز بەلسەنە ات سالىسادى، بولاشاقتاعى سينگاپۋر – جۇڭگو قارىم - قاتىناسىنىڭ دامۋىنا تولىق سەنىم ارتادى.

كەلۋ قاينارى: حالىق تورابى