ءوز كۇشىنە سۇيەنۋگە، ءوزىن الۋەتتەندىرۋگە تاباندى بولىپ، قولدانىس ارقىلى جەتەكشىلىك ەتۋدى كورنەكتىلەندىرىپ، جاساندى زەردەنىڭ اقاۋسىز، ءتارتىپتى دامۋىن ىلگەرىلەتۋ كەرەك

شينحۋا اگەنتتىگى، 4 - ايدىڭ 26 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 4 - ايدىڭ 25 - كۇنى تۇستەن كەيىن جاساندى زەردەنىڭ دامۋى جانە باقىلاۋ - باسقارۋدى كۇشەيتۋ جونىندە 20 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جاڭا بۋىن جاساندى زەردە تەحنيكاسى جەدەل دامىعان جاڭا جاعدايعا قاراتا، جاڭاشا بۇكىل ەل بولىپ جۇمىلۋ ءتۇزىلىسىنىڭ ابزالدىعىن تولىق ساۋلەلەندىرىپ، ءوز كۇشىنە سۇيەنىپ قۇدىرەتتەنۋگە تاباندى بولىپ، قولدانىس ارقىلى جەتەكشىلىك ەتۋدى كورنەكتىلەندىرىپ، ەلىمىزدىڭ جاساندى زەردەسىنىڭ ءتيىمدى، حاۋىپسىز، ءادىل بەتالىسقا قاراي اقاۋسىز، ءتارتىپتى دامۋىن ىلگەرىلەتۋ كەرەك.

شي - ان قاتىناس داشۋەسىنىڭ پروفەسسورى جىڭ ناننيڭ جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەتتىڭ ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.

شي جينپيڭ ءتۇسىندىرۋدى جانە تالقىنى تىڭداعاننان كەيىن ماڭىزدى ءسوز سويلەدى.

ول مىنالاردى اتاپ كورسەتتى: جاساندى زەردە جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنە جەتەكشىلىك ەتەتىن ستراتەگيالىق تەحنيكا رەتىندە، ادامزاتتىڭ ءوندىرىس، تۇرمىس تاسىلىنە تەرەڭ وزگەرىس جاسايدى.

پارتيا ورتالىق كوميتەتى جاساندى زەردەنى دامىتۋعا ايرىقشا ءمان بەرىپ وتىر، تاياۋ جىلداردان بەرى جوعارى دەڭگەيلى جوبانى كەمەلدەندىرىپ، قىزمەت ورنالاستىرۋىن كۇشەيتىپ، ەلىمىزدىڭ جاساندى زەردە جالپىلىق قۋاتىنىڭ جالپى تۇلعالىق، جۇيەلىلىك سەرپىلۋىن ىلگەرىلەتتى. سونىمەن بىرگە، نەگىزدىك نازاريا، شەشۋشى ءتۇيىن سياقتى جاقتاردا ولقىلىقتار مەن السىزدىكتەر ءالى دە ورىن تەۋىپ وتىر. پارىققا دۇرىس قاراپ، ەسەلەپ قۇلشىنىپ، جاساندى زەردە عىلىم - تەحنيكاسىندا جاڭالىق اشۋدى، كاسىپ سالاسىن دامىتۋدى جانە قولدانىسقا دەم بەرۋدى جاپپاي ىلگەرىلەتىپ، جاساندى زەردەنى باقىلاۋ - باسقارۋ ءتۇزىلىس، مەحانيزمىن كەمەلدەندىرىپ، جاساندى زەردەنى دامىتۋدىڭ جانە جونگە سالۋدىڭ ىرىقتىلىق ۇقىعىن مىقتاپ يگەرۋ كەرەك.

شي جينپيڭ بىلاي دەپ باسا دارىپتەدى: جاساندى زەردە سالاسىندا ورايدى الدىمەن يگەرىپ، ابزالدىققا قول جەتكىزۋ ءۇشىن، ءسوز جوق، نەگىزدىك نازاريا، ءادىس، قۇرال - جابدىق سياقتى جاقتاردا ناتيجەگە قول جەتكىزۋ كەرەك. نەگىزدىك زەرتتەۋدى ۇزدىكسىز كۇشەيتىپ، كۇشتى شوعىرلاندىرا وتىرىپ جوعارى دەڭگەيلى چيپ، نەگىزدىك جۇمساق بولشەك سياقتى وزەكتى تەحنيكالاردان قامال الىپ، دەربەس، مەڭگەرۋگە بولاتىن، سەلبەسىپ جۇمىس جۇرگىزەتىن جاساندى زەردە نەگىزدىك جۇمساق، قاتتى بولشەك جۇيەسىن قۇرۋ كەرەك. جاساندى زەردە ارقىلى عىلمي زەرتتەۋ ۇلگىسىندەگى وزگەرىسكە جەتەكشىلىك ەتىپ، ءار سالاداعى عىلىم - تەحنيكادا جاڭالىق اشۋدا قامال الۋدى جەدەلدەتۋ كەرەك.

شي جينپيڭ بىلاي دەپ اتاپ كورسەتتى: ەلىمىزدىڭ ساندى مالىمەت بايلىعى مول، كاسىپ سالاسى جۇيەسى كەمەلدى، قولدانىس ورتاسى كەڭ، بازار كەڭىستىگى زور.

جاساندى زەردە عىلىم - تەحنيكاسىندا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، كاسىپورىن جەتەكشىلىك ەتكەن ءوندىرۋ، وقىتۋ، زەرتتەۋ، قولدانۋ سايكەستى جاڭالىق اشۋ جۇيەسىن ورناتىپ، ءداستۇرلى كاسىپ سالاسىن جاڭالاۋعا، دارەجەسىن جوعارىلاتۋعا دەم بەرىپ، ستراتەگيالىق جاڭادان گۇلدەنگەن كاسىپ سالاسى مەن بولاشاق كاسىپ سالاسىن دامىتۋدىڭ جاڭا جارىس جولىن اشۋ كەرەك. ەسەپتەۋ قۋاتى نەگىزدىك قۇرىلعىلار قۇرىلىسىن ءبىر تۇتاس جوسپارلاپ ىلگەرىلەتىپ، ساندى مالىمەت بايلىعىن اشۋدى، پايدالانۋدى جانە اشىق ۇستاۋدى، ورتاق يگىلىكتەنۋدى تەرەڭدەتۋ كەرەك.

شي جينپيڭ بىلاي دەپ باسا دارىپتەدى: جاڭا تەحنيكا، جاڭا سالا رەتىندە، جاساندى زەردەنى ساياساتتىق قولداۋ وتە ماڭىزدى. ءبىلىم مەنشىك ۇقىعى، قازىنا، باجى، ۇكىمەتتىك ساتىپ الۋ، قۇرىلعىلاردى اشىق ۇستاۋ سياقتى ساياساتتاردان جان - جاقتى پايدالانىپ، عىلىم - تەحنيكاعا قاتىستى فينانستى ويداعىداي ىستەۋ كەرەك. جاساندى زەردەنىڭ تۇتاس وقۋ ساتىسى تاربيەسى مەن تۇتاس قوعامنىڭ جالپىلىق ءبىلىم تاربيەسىن ىلگەرىلەتىپ، جوعارى ساپالى دارىندىلاردى ۇزدىكسىز جەتىلدىرۋ كەرەك.

جاساندى زەردە جاعىنداعى عىلمي زەرتتەۋدى قامتاماسىزداندىرۋ، كاسىپتىك قولداۋ جانە دارىندىلاردى باعالاۋ مەحانيزمىن كەمەلدەندىرىپ، ءتۇرلى دارىندىلاردىڭ قابىلەتىن ايگىلەۋىنە تەكشە ازىرلەپ، شارت - جاعداي جاراتۋ كەرەك.

شي جينپيڭ بىلاي دەپ اتاپ كورسەتتى: جاساندى زەردە بۇرىن بولماعان دامۋ ورايىن الا كەلدى ءارى بۇرىن بولماعان حاۋىپ - قاتەر مەن سىن - سايىستى دا الا كەلدى. جاساندى زەردەنىڭ دامۋ بەتالىسى مەن زاڭدىلىعىن يگەرىپ، قاتىستى زاڭداردى، زاڭ ەرەجەلەردى، ساياسات - تۇزىمدەردى، قولدانىلۋ ولشەمدەرىن، ەتيكالىق ولشەمدەردى جەدەل جاساپ، كەمەلدەندىرىپ، تەحنيكالىق باقىلاۋ - ولشەۋ، حاۋىپ - قاتەردەن ساقتاندىرۋ، شۇعىل جاعدايعا توتەپ بەرۋ، اتتانىسقا كەلۋ جۇيەسىن ورناتىپ، جاساندى زەردەنىڭ حاۋىپسىز، سەنىمدى، مەڭگەرىمدى بولۋىنا شىنايى كەپىلدىك ەتۋ كەرەك.

شي جينپيڭ بىلاي دەپ باسا دارىپتەدى: جاساندى زەردە ادامزاتقا باقىت جەتكىزەتىن حالىقارالىق الەۋمەتتىك ءونىم بولا الادى. جاساندى زەردە حالىقارالىق سەلبەستىگىن كەڭ كولەمدە ورىستەتىپ، دۇنيە جۇزىندەگى وڭتۇستىك ەلدەردىڭ تەحنيكالىق قابىلەت قۇرىلىسىن كۇشەيتۋىنە كومەكتەسىپ، بۇكىل دۇنيە ءجۇزىنىڭ اقىل - پاراسات جىلعاسىن تۇتاستىرۋعا جۇڭگو ۇلەسىن قوسۋ كەرەك. ءار جاقتىڭ دامۋ ستراتەگياسىن، جونگە سالۋ ەرەجەسىن، تەحنيكالىق ولشەمىن ۇشتاستىرۋدى، سايكەستىرۋدى كۇشەيتۋىن ىلگەرىلەتىپ، كەڭ كولەمدى ورتاق تانىمعا يە دۇنيە جۇزىلىك جونگە سالۋ جۇلگەسى مەن ارناعا تۇسكەن ولشەمىن ەرتەرەك قالىپتاستىرۋ كەرەك.

كەلۋ قاينارى: حالىق تورابى