شي جينپيڭ تەلەگرامما جولداپ، مەرستىڭ گەرمانيا فەدەراتسياسىنىڭ زۇڭليلىگىنە سايلانعاندىعىن قۇتتىقتادى

شينحۋا اگەنتتىگى، 5 - ايدىڭ 6 - كۇنى، بەيجيڭ. 5 - ايدىڭ 6 - كۇنى مەملەكەت ءتوراعاسى شي جينپيڭ فريدريح مەرسكە تەلەگرامما جولداپ، ونىڭ گەرمانيا فەدەراتسيالىق رەسپۋبليكاسىنىڭ زۇڭليلىگىنە سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن گەرمانيا _ جان - جاقتى ستراتەگيالىق سەرىكتەر. ديپلوماتيالىق قارىم - قاتىناس ورناتقان 53 جىلدان بەرى ەكى ەل ءوزارا قۇرمەت ەتەتىن، ءوزارا سەنىم ارتاتىن، تەڭ تۇرعىدا مامىلە جاسايتىن قارىم - قاتىناس جولىنا تاباندى بولىپ، باستان - اياق ءوزارا پايدا جەتكىزەتىن، ءوزارا تيىمدىلىك جاسايتىن، تەڭ يگىلىككە كەنەلەتىن دامۋ سەلبەستىك جولىمەن ءجۇرىپ، قول ۇستاسا بىرگە ىلگەرىلەگەن، ءوزارا تابىسقا جەتكەن جاقسى سەرىككە اينالىپ، جوعارى دەڭگەيلى سەلبەستىك ارقىلى ەكى جاقتى قارىم - قاتىناستىڭ ۇزدىكسىز اقاۋسىز دامۋىن ىلگەرىلەتتى. بۇگىنگى دۇنيەدە بىلىقپالىق ارالاسىپ، سىڭار جاقتىلىق، قورعانىمپازدىق اعىنعا قارسى شىقتى، ءبىراق بەيبىتشىلىك، دامۋ، سەلبەستىك، تەڭ يگىلىككە كەنەلۋ ءالى دە ادامدار اراسىنداعى دۇرىس جول جانە بوگەۋ بەرمەس ءداۋىر اعىمى بولىپ وتىر.

دۇنيە جۇزىندەگى 2 -، 3 - ءىرى ەكونوميكالىق تۇلعا جانە دۇنيە جۇزىلىك ىقپالعا يە ءىرى ەل رەتىندە، جۇڭگو مەن گەرمانيا تاريح اۋقىمىنا سايكەسىپ، ادىلدىك پەن ادىلەتتىلىكتى بەرىك ساقتاپ، اۋىس - كۇيىستى، ءوزارا ۇلگى الۋدى تەرەڭدەتىپ، ىنتىماقتى، سەلبەستىكتى كۇشەيتىپ، نوسەرلى داۋىلعا قول ۇستاسا توتەپ بەرىپ، ەكى ەل حالقىنىڭ ىرىس - قۇتىن ارتتىرىپ، تەرەزەسى تەڭ، ءتارتىپتى دۇنيە ءجۇزىنىڭ كوپ ۇيەكتەنۋى جانە جالپىعا ءتيىمدى، سيىسىمدى ەكونوميكانىڭ جاھاندانۋىن بىرگە ىلگەرىلەتۋى كەرەك. مەن جۇڭگو - گەرمانيا قارىم - قاتىناسىنىڭ دامۋىنا ايرىقشا ءمان بەرەمىن، زۇڭلي مىرزامەن بىرگە قۇلشىنىپ، ديپلوماتيالىق قارىم - قاتىناس ورناتۋداعى اۋەلگى ماقساتتى ۇستانىپ، ساياسي ءوزارا سەنىمدىلىكتى بەكەمدەپ، اۋىس - كۇيىستى، سەلبەستىكتى تەرەڭدەتىپ، جۇڭگو مەن گەرمانيانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ جاڭا جاعدايىن اشىپ، جۇڭگو - ەۆروپا سەلبەستىگىنىڭ دۇرىس بەتالىسىنا جەتەكشىلىك ەتىپ، دۇنيە ءجۇزىنىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن بىرگە جەبەۋدى قالايمىن.

سول كۇنى مەملەكەتتىك كەڭەستىڭ زۇڭليى لي چياڭ تەلەگرامما جولداپ، مەرستىڭ گەرمانيانىڭ زۇڭليى بولىپ سايلانعاندىعىن قۇتتىقتاپ، مىنالاردى ءبىلدىردى: جۇڭگو مەن گەرمانيا _ جان - جاقتى ستراتەگيالىق سەرىكتەر، ەكى جاقتىڭ ءار سالاداعى ناقتى سەلبەستىگىنىڭ تابىسى كورنەكتى، بولاشاعى نۇرلى. تەڭ تۇرعىدا ءوزارا تيىمدىلىك جاساۋ، سەلبەسىپ تەڭ يگىلىككە كەنەلۋ − ەكى ەلدىڭ بىرگە جاساعان تاريحي تالعامى ءارى جۇڭگو - گەرمانيا قارىم - قاتىناسىنىڭ ەڭ ايقىن ەرەكشەلىگى، ەكى جاقتىڭ دەن قويا قورعاۋىنا جانە جالعاستىرۋىنا، ساۋلەلەندىرۋىنە تاتيدى. مەن سىزبەن تاماشا قىزمەت بايلانىسىن ورناتىپ جانە ساقتاپ، اۋىس - كۇيىستى تەرەڭدەتىپ، دامۋدى بىرگە جەبەپ، تۇسىنىكتى ارتتىرىپ، ورتاق تانىمدى ۇيىستىرىپ، جۇڭگو مەن گەرمانيانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، جۇڭگو - گەرمانيا، جۇڭگو - ەۆروپا سەلبەستىگىنىڭ دۇرىس بەتالىسىنا جەتەكشىلىك ەتۋدى ءۇمىت ەتەمىن.

كەلۋ قاينارى: حالىق تورابى