شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ورمان زاڭىنىڭ جاپپاي، ءونىمدى دايەكتى اتقارىلۋىن ىلگەرىلەتۋ كەرەك

«حالىق گازەتى»، 5 - ايدىڭ 6 - كۇنى، بەيجيڭ (ءتىلشى چي يۇيكۇن). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 5 - ايدىڭ 6 - كۇنى بەيجيڭدە مەملەكەتتىك حالىق قۇرىلتايى تۇراقتى كوميتەتى ورمان زاڭىنىڭ اتقارىلۋىن تەكسەرۋ گرۋپپاسىنىڭ ءبىرىنشى جالپى ماجىلىسىنە قاتىناستى جانە ءسوز سويلەدى. ول بىلاي دەپ باسا دارىپتەدى: شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ورمان شارۋاشىلىعى قىزمەتى جونىندەگى ماڭىزدى بايىمداۋلارىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەپ، حالىق قۇرىلتايىنىڭ فۋنكتسيالىق قىزمەت جاۋاپكەرشىلىگىن تياناق ەتىپ، ورمان زاڭىنىڭ جاپپاي، ءونىمدى دايەكتىلەنۋىن، اتقارىلۋىن ىلگەرىلەتىپ، ورمان بايلىعىن قورعاۋدى جانە ودان ۇيلەسىمدى پايدالانۋدى، ورمان ەكولوگياسىنىڭ حاۋىپسىزدىگىن قورعاۋدى، ورمان شارۋاشىلىعىنىڭ جوعارى ساپالى دامۋىن جەبەۋدى، كورىكتى جۇڭگو قۇرىلىسىن ىلگەرىلەتۋدى زاڭمەن جونگە سالۋ جاعىنان قامتاماسىز ەتۋ كەرەك.

جاۋ لىجي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى تاۋ، سۋ، ورمان، اتىز، كول، جايىلىم، ءشولدى ءبىر تۇلعالاندىرىپ قورعاۋدى جانە جۇيەلى جونگە سالۋدى ءبىر تۇتاس جوسپارلاپ ىلگەرىلەتۋگە تاباندى بولىپ، ورمان بايلىعىن قورعاۋدا جانە ەكولوگيانى قالپىنا كەلتىرۋدە كورنەكتى تابىستارعا قول جەتكىزدى، ورمان شارۋاشىلىعىنىڭ جوعارى ساپالى دامۋىندا تاماشا جاعداي ساقتالدى. باس شۋجي شي جينپيڭ استانادا ءۇرتىس 13 جىل مىندەتتى اعاش ەگۋ قيمىلىنا قاتىناسىپ، تالاي رەت ماڭىزدى ءسوز سويلەپ، ماڭىزدى نۇسقاۋ بەرىپ، ورمان بايلىعىن قورعاۋ، اعاش ەگىپ، ورمان ءوسىرۋ، ورماننىڭ فۋنكتسيالىق رولىن ساۋلەلەندىرۋ، ورمان شارۋاشىلىعى رەفورماسىنىڭ دامۋىن جەبەۋ سياقتىلار جونىندە ءبىرقىدىرۋ ايقىن تالاپ قويدى.

باس شۋجي شي جينپيڭنىڭ ورمان شارۋاشىلىعى قىزمەتى جونىندەگى ماڭىزدى بايىمداۋلارى _ شي جينپيڭ ەكولوگيالىق وركەنيەت يدەياسىنىڭ ماڭىزدى قۇرامداس بولىگى، ورمان زاڭىن دايەكتى اتقارىپ، ورمان بايلىعىن زاڭ بويىنشا ويداعىداي جەتىلدىرۋگە، قورعاۋعا، دامىتۋعا ءتۇبىرلى تياناق جانە ارەكەت باعدارناماسىن ازىرلەدى.

جاۋ لىجي بىلاي دەپ باسا دارىپتەدى: ورمان زاڭى _ ورمان شارۋاشىلىعىن دامىتۋدىڭ نەگىزدىك زاڭى. وسى رەتكى زاڭ اتقارۋ تەكسەرۋىنىڭ ءتۇيىندى مازمۇنىن دۇرىس يگەرىپ، زاڭدىق بەلگىلەمەلەردى تىعىز ارقاۋ ەتىپ، ماسەلەنى نىشان ەتۋدەن جازباي، زاڭنىڭ اتقارىلۋىنا ىقپال جاسايتىن جانە ورمان شارۋاشىلىعىنىڭ جوعارى ساپالى دامۋىنا تۇساۋ بولاتىن كورنەكتى ماسەلەلەردى تاۋىپ، زاڭ بويىنشا شەشۋدى ىلگەرىلەتۋ كەرەك. زاڭنىڭ اتقارىلۋىن تەكسەرۋ ارقىلى ورمان بايلىعىن قورعاۋ تەبىنىن ارتتىرۋدى ىلگەرىلەتىپ، ورماندى جەردىڭ، ورمانشىلاردىڭ ۇقىق - مۇددەسىن قورعاۋدى كۇشەيتىپ، ورماندى تۇرگە ءبولىپ باسقارۋدى زاڭ بويىنشا اتقارىپ، ورمان شارۋاشىلىعى كاسىبىنىڭ جوعارى ساپالى دامۋىن جەبەپ، ءار دارەجەلى ۇكىمەتتەر مەن قاتىستى تاراۋلاردىڭ زاڭ بويىنشا مىندەت اتقارىپ، جاۋاپكەرشىلىكتى ادا ەتۋىن ىلگەرىلەتىپ، ورمان بايلىعىن بۇلدىرەتىن، ورمانشىلاردىڭ ۇقىق - مۇددەسىنە زيان جەتكىزەتىن زاڭعا قايشى ارەكەتتەردى قاتاڭ تەكسەرىپ ءبىر جاقتى ەتۋ كەرەك.

جاۋ لىجي بىلاي دەپ باسا دارىپتەدى: زاڭنىڭ اتقارىلۋىن تەكسەرۋدىڭ باعىتتامالىلىعى مەن ناقتى ونىمدىلىگىن كۇشەيتىپ، نەگىزگى ساتىعا، ءبىرىنشى شەپكە ىشكەرىلەي ارالاسىپ، ءار جاقتىڭ پىكىر - ۇسىنىستارىن تولىق تىڭداپ، ناقتى جاعدايدى جاپپاي يگەرىپ، ناقتى، جارامدى ۇسىنىستار قويۋ كەرەك. زاڭنىڭ اتقارىلۋىن تەكسەرۋدى زاڭ شىعارۋمەن، زاڭعا وزگەرىس ەنگىزۋمەن تىعىز ۇشتاستىرىپ، ورمان بايلىعىن قورعاۋعا، جەتىلدىرۋگە، ۇيلەسىمدى پايدالانۋعا قاتىستى زاڭ - تۇزىمدەردى كەمەلدەندىرىپ، ەكولوگيالىق ورتا زاڭناماسىمەن ءتارتىپتى ۇشتاستىرۋ كەرەك. زاڭنىڭ اتقارىلۋىن تەكسەرۋ بارىسىن زاڭمەن جونگە سالۋ ۇگىت - تاربيەسىنىڭ بارىسى ەتىپ، زاڭمەن جونگە سالۋ رۋحىن ساۋلەلەندىرىپ، ورمان زاڭىن ۇگىتتەۋدى، جالپىلاستىرۋدى ىلگەرىلەتۋ كەرەك. ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ دايەكتىلەندىرىپ، تياناقتاندىرىپ، تاماشا ستيل مەن وبرازدى ايگىلەۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ ءماجىلىستى باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حى ليفىڭ ماجىلىسكە قاتىناستى ءارى ءسوز سويلەدى. مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋ ۋەيحۋا، شوكىرات زاكىر قاتىناستى. مەملەكەتتىك كەڭەستىڭ قاتىستى تاراۋلارى ورمان زاڭىن دايەكتى اتقارۋعا قاتىستى احۋالداردان مالىمەت بەردى.

كەلۋ قاينارى: حالىق تورابى