بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.05.07 16:29 كەلۋ قاينارى : حالىق تورابى
«حالىق گازەتى»، 5 - ايدىڭ 6 - كۇنى، بەيجيڭ (ءتىلشى جاڭ يۋاننان). 5 - ايدىڭ 6 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە جۇڭگو مەن ەۆروپا وداعىنىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتاۋ قوناعاسىنا قاتىناستى ءارى ارناۋ ءسوز سويلەدى.
حان جىڭ مىنالاردى ءبىلدىردى: جۇڭگو مەن ەۆروپا ديپلوماتيالىق قارىم - قاتىناس ورناتقان 50 جىلدان بەرى اۋىس - كۇيىس پەن پىكىرلەسۋ كۇن سايىن جيىلەپ، مۇددەلەردىڭ توعىسۋى ۇزدىكسىز تەرەڭدەپ، سەلبەستىك كولەمى مەن دەڭگەيى بارىنشا جوعارىلاپ، ءبىر - بىرىنە پايدا جەتكىزۋمەن بىرگە، دۇنيە جۇزىنە دە تيىمدىلىك جاسادى. ءتوراعا شي جينپيڭ اتاپ كورسەتكەندەي، جۇڭگو مەن ەۆروپادا ءتۇبىرلى مۇددە قاقتىعىسى جوق، وڭىرلىك ساياسي قايشىلىق تا جوق، ءوزارا تابىسقا جەتكەن سەرىكتەر سانالادى. قازىرگى الماعايىپ حالىقارالىق جاعدايدا جۇڭگو - ەۆروپا قارىم - قاتىناسى اناعۇرلىم ماڭىزدى ستراتەگيالىق مانگە جانە دۇنيە جۇزىلىك ىقپالعا يە بولدى. ەكى جاق ديپلوماتيالىق قارىم - قاتىناس ورناتۋدىڭ 50 جىلدىعىن قۇتتىقتاۋدى وراي ەتىپ، ديپلوماتيالىق قارىم - قاتىناس ورناتۋداعى اۋەلگى ماقساتتان جازباي، جالپى اۋقىمدى دۇرىس يگەرىپ، سەرىكتەستىك قارىم - قاتىناستىڭ ورنىنا تاباندى بولىپ، ءوزارا قۇرمەت ەتۋگە، اشىق سەلبەسۋگە، ءوزارا پايدا جەتكىزىپ تەڭ يگىلىككە كەنەلۋگە تاباندى بولىپ، جۇڭگو - ەۆروپا قارىم - قاتىناسىنىڭ ۇزدىكسىز العا ىلگەرىلەۋىن، جاقسى دامۋىن ىلگەرىلەتىپ، كوپ جاقتىلىقتى جانە بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قول ۇستاسا قورعاپ، جۇڭگو - ەۆروپا قارىم - قاتىناسىنىڭ كەلەسى 50 جىلدىعىن بىرگە اشىپ، دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە اناعۇرلىم زور ۇلەس قوسۋى كەرەك.
قوناعاسىدان بۇرىن حان جىڭ ەۆروپا القالار كەڭەسىنىڭ بۇرىنعى ءتوراعاسى ميچەلمەن جانە ەۆروپا وداعىنىڭ جۇڭگودا تۇراتىن ەلشىلەرىنىڭ ۋاكىلدەرىمەن جەكە - جەكە كەزدەستى. حان جىڭ جۇڭگو - ەۆروپا قارىم - قاتىناسىنىڭ 50 جىلدىق دامۋىنا بەلسەندى باعا بەرىپ مىنالاردى ءبىلدىردى: بىرنەشە كۇننىڭ الدىندا جۇڭگو، ەۆروپا زاڭ شىعارۋ قۇرىلىمدارىنىڭ اۋىس - كۇيىستى جاپپاي قالپىنا كەلتىرۋى جۇڭگو - ەۆروپا قارىم - قاتىناسىنىڭ دامۋىنا مۇمكىندىك جاسادى. جۇڭگو مەن ەۆروپا دۇنيە جۇزىندەگى ەكى ۇلكەن ورنىقتىلىق، سىندارلى كۇش رەتىندە، كۇردەلى دە اۋمالى - توكپەلى حالىقارالىق جاعدايدا ءتيىستى جاۋاپكەرشىلىكتى ارقالاپ، تىلدەسۋدى كۇشەيتىپ، سەلبەستىكتى تەرەڭدەتىپ، ەكونوميكا - ساۋدا الاۋىزدىعىن ۇيلەسىمدى ءبىر جاقتى ەتىپ، كوپ جاقتى ساۋدا ەرەجەسى مەن ءتارتىبىن بىرگە قورعاۋى كەرەك.
ەۆروپا جاق مىنانى ءبىلدىردى: ديپلوماتيالىق قارىم - قاتىناس ورناتقان 50 جىلدان بەرى ەۆروپا مەن جۇڭگو ءوز الدىنا وراسان زور دامۋعا قول جەتكىزدى، ەۆروپا - جۇڭگو قارىم - قاتىناسى دۇنيە جۇزىندەگى ەڭ تىعىز قارىم - قاتىناستاردىڭ بىرىنە اينالدى. ەكى جاق ەۆروپا - جۇڭگو قارىم - قاتىناسىنىڭ 50 جىلدىق دامۋىنىڭ تاجىريبەلەرى مەن وي تۇرتكىلەرىن ەسكە الىپ، قورىتىندىلاپ، ءوزارا ءتيىمدى سەلبەستىكتى تەرەڭدەتىپ، ەۆروپا - جۇڭگو قارىم - قاتىناسىنىڭ كەلەسى 50 جىلداعى اناعۇرلىم جاقسى دامۋىنا بەرىك نەگىز قالاپ، دۇنيە جۇزىنە ورنىقتىلىق جانە تۇراقتىلىق ۇستەۋى كەرەك.
كەلۋ قاينارى: حالىق تورابى
