جوعارى مەكتەپ بىتىرگەن وقۋشىلاردى اۋىل - قىستاق مەكتەپتەرىنە بارىپ وقىتۋشى بولۋعا جەتەكتەۋ جانە شابىتتاندىرۋ كەرەك

ءتىلشىنىڭ وقۋ ـ اعارتۋ مينيسترلىگىنەن ۇعىسۋىنشا، «وقۋ ـ اعارتۋدا قۇدىرەتتى ەل قۇرۋ جوبا باعدارلاماسىن (2024 - 2035)» جاپپاي تياناقتاندىرىپ، اۋىل ـ قىستاق وقىتۋشىلار قوسىنى قۇرىلىسىن كۇشەيتىپ، اۋىل ـ قىستاق وقۋ ـ اعارتۋىنىڭ جوعارى ساپالى دامۋىن ىلگەرىلەتۋ ءۇشىن، وقۋ – اعارتۋ مينيسترلىگى كەڭسەسى، قازىنا مينيسترلىگى كەڭسەسى تاياۋدا «اۋىل – قىستاق مىندەتتى وقۋ – اعارتۋ ساتىسىنداعى مەكتەپ وقىتۋشىلارىنىڭ ەرەكشە قىزمەت ورنى جوسپارىن اتقارۋ قىزمەتىن ويداعىداي ىستەۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتىپ، بۇكىل ەل بويىنشا 21 مىڭ ەرەكشە قىزمەت ورنى وقىتۋشىسىن قابىلداۋدى جوسپارلادى.

«ۇقتىرۋدا» مىنالار ايقىن بەلگىلەندى: ەرەكشە قىزمەت ورنىنداعى وقىتۋشىلاردى قابىلداۋدى عىلىمي ءبىرتۇتاس جوسپارلاۋ كەرەك، 2025 – جىلعى «ەرەكشە قىزمەت ورنى جوسپارى» ءالى دە ورتا، باتىس بولەكتەگى ولكەلەردە اتقارىلادى، بۇرىنعىنداي ”ءۇش رايون، ءۇش وبلىسقا“ ءتۇيىندى تۇردە باعىتتالادى، مەملەكەتتىڭ اۋىل – قىستاقتى گۇلدەندىرۋدەگى ءتۇيىندى سۇيەمەلدەنەتىن اۋداندار، از ۇلت وڭىرلەرى قاتارلى جەرلەرگە ءتۇيىندى بەيىمدەلەدى. جوعارى مەكتەپ بىتىرگەن وقۋشىلاردى اۋىل - قىستاق مەكتەپتەرىنە بارىپ وقىتۋشى بولۋعا جەتەكتەپ جانە شابىتتاندىرىپ، ءمورال جانە زاڭمەن باسقارۋ، دەنە تاربيە جانە دەنساۋلىق، شەتەل ءتىلى، عىلىم، ەڭبەك، كوركەمونەر، ينفورماتسيا عىلىم - تەحنيكاسى، پسيحيكالىق اقاۋسىزدىق، ەرەكشە وقۋ – اعارتۋ قاتارلى تاپشى ءالسىز پاندەر وقىتۋشىلارىن تولىقتاۋدى ونان ارى كۇشەيتەدى.

«ۇقتىرۋدا» مىنالار تالاپ ەتىلدى: جەر – جەر قىزمەتكەر قابىلداۋ وتكەلىن شىنايى ويداعىداي يگەرىپ، قىزمەتكەر قابىلداۋ ەمتيحانىنىڭ باعىتتامالىلىعىن، عىلىميلىعىن كۇشەيتىپ، وقىتۋشىلاردىڭ كاسىپتىك ساپاسى مەن وقىتۋ قابىلەتىن تەكسەرۋدى كورنەكتىلەندىرىپ، 7 - ايدىڭ سوڭىندا اشىق قابىلداۋ قىزمەتىن ورىنداۋ كەرەك. جەر ـ جەر ەرەكشە قىزمەت ورنىنداعى وقىتۋشىلاردى تاربيەلەۋ قىزمەتىن جۇيەلى ورىستەتىپ، وقىتۋشىلىق ءمورال، وقىتۋشىلىق ستيل تاربيەسىن وقىتۋشىلاردى تاربيەلەۋدىڭ تۇتاس بارىسىنا ءسىڭىرۋ كەرەك. ەرەكشە قىزمەت ورنىنداعى وقىتۋشىلاردىڭ مامىلەسىن قامتاماسىز ەتۋدى شىن مانىندە ويداعىداي ىستەپ، ەرەكشە قىزمەت ورنىنداعى وقىتۋشىلاردىڭ ەڭبەكاقىسىنىڭ ۋاعىندا، تولىق تاراتىلۋىنا كەپىلدىك ەتىپ، بەلگىلەمە بويىنشا قوعامدىق قامسىزداندىرۋعا قاتىناسىپ، مەملەكەتتىڭ قاتىستى بەلگىلەمەلەرى بويىنشا قىزمەت وتەۋ مەرزىمى تولعان ەرەكشە قىزمەت ورنى وقىتۋشىلارىنا قاتىستى ءتيىمدى ساياساتتاردى ويداعىداي تياناقتاندىرىپ، كوپ ءتۇرلى شارانى قاتار قولدانىپ، تاڭداۋلى دارىندىلاردى اۋىل ـ قىستاق وقۋ ـ اعارتۋىنىڭ جوعارى ساپالى دامۋىنا قىزمەت وتەۋگە باۋراۋ كەرەك.

كەلۋ قاينارى: حالىق تورابى