ورتالىقتىڭ ەكولوگيالىق ورتانى قورعاۋ 3 - كەزەكتى 4 - توپتاعى باقىلاۋ - تەكسەرۋى جاپپاي باستالدى

شينحۋا اگەنتتىگىنىڭ 5 – ايدىڭ 26 – كۇنى بەيجيڭنەن بەرگەن حابارى. ءتىلشىنىڭ 5 – ايدىڭ 26 – كۇنى ەكولوگيالىق ورتا مينيسترلىگىنەن ۇعىسۋىنشا، پارتيا ورتالىق كوميتەتىنىڭ، مەملەكەتتىك كەڭەستىڭ بەكىتۋىمەن ورتالىقتىڭ ەكولوگيالىق ورتانى قورعاۋ 3 – كەزەكتى 4 – توپتاعى باقىلاۋ – تەكسەرۋى جاپپاي باستالعان.

ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ 8 گرۋپپاسى جەكە ـ جەكە سانشي، ىشكى موڭعۇل، شاندۇڭ، شانشي، نيڭشيا سىندى 5 ولكەگە (رايونعا) باقىلاۋ ـ تەكسەرۋ جۇرگىزىپ، حۋاڭحى وزەنى الابىن باقىلاۋ ـ تەكسەرۋدى جانە ولكە ءوڭىرىن باقىلاۋ ـ تەكسەرۋدى ءبىرتۇتاس ورىستەتەدى، سونىمەن بىرگە جۇڭگو حۋانىڭ توبى شەكتى سەرىكتەستىگى، جۇڭگو داتاڭ توبى شەكتى سەرىكتەستىگى، مەملەكەتتىك ەلەكتر قۋاتى قارجى قوسۋ توبى شەكتى سەرىكتەستىگى سىندى 3 ورتالىق كاسىپورنىنا باقىلاۋ ـ تەكسەرۋ جۇرگىزەدى، تۇراتىن ۋاقىتى شامامەن ءبىر اي بولادى.

بۇل ‐ «ەكولوگيالىق ورتانى قورعاۋدى باقىلاۋ - تەكسەرۋ قىزمەت ەرەجەسى» جاريالانىپ اتقارىلعاننان كەيىنگى ءبىرىنشى توپتاعى باقىلاۋ - تەكسەرۋ. باقىلاۋ ـ تەكسەرۋ گرۋپپاسى ماسەلەنى نىشان ەتۋ مەن قاتاڭ نەگىزگى اۋەننەن جازباي، دالمە – ءدال، عىلىمي، زاڭ بويىنشا باقىلاۋ ـ تەكسەرۋگە تاباندى بولىپ، ءتۇيىندى كورنەكتىلەندىرىپ، شىنداپ كىرىسىپ، باقىلاۋ ـ تەكسەرۋ قىزمەتىن ءتارتىپتى، ءونىمدى ىلگەرىلەتەدى. ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋگە قاتىستى تالاپتارىن باتىل تياناقتاندىرىپ، باقىلاۋ ـ تەكسەرۋ ونىمدىلىگىن شىنايى جوعارىلاتادى. باقىلاۋ ـ تەكسەرۋ گرۋپپالارى تۇرعان كەزىندە جەكە ـ جەكە بايلانىس تەلەفونى مەن پوچتا حات ساندىعىن ورناتىپ، باقىلاۋ ـ تەكسەرۋ وبيەكتىلەرىنىڭ ەكولوگيالىق ورتانى قورعاۋ جاعىنداعى ارىز – ارماندارىن، اشكەرەلەۋلەرىن قابىلدايدى.

كەلۋ قاينارى: حالىق تورابى