بازاردى باقىلاۋ – باسقارۋ باس مەڭگەرمەسى: قايتالاي مانەرلەنگەن تالشىقتاردى تىكەلەي نەمەسە جانامالاي تۇردە پايدالانىپ، نارەستەلەرگە ارنالعان توقىما بۇيىمداردى، ءىش كيىمدەردى وندىرۋگە تيىم سالماقشى 

شىحۋا شينيۇي ۋيشين تەكشەسىنىڭ حابارلاۋىنشا، تالشىقتان جاسالعان بۇيىمداردىڭ ساپاسىنىڭ حاۋىپسىزدىگىن باقىلاۋ – باسقارۋدى كۇشەيتۋ ءۇشىن، بازاردى باقىلاۋ – باسقارۋ باس مەڭگەرمەسى «تالشىقتان جاسالعان بۇيىمداردىڭ ساپاسىن باقىلاۋ – باسقارۋ ادىسىنە» وزگەرىس ەنگىزىپ، «تالشىقتان جاسالعان بۇيىمداردىڭ ساپاسىن باقىلاۋ – باسقارۋ ءادىسىن (وزگەرىس ەنگىزىلگەن جوباعا پىكىر قابىلداۋ نۇسقاسى)» دايىنداعان، قازىر قوعامداعىلاردان اشىق تۇردە پىكىر قابىلدايدى. پىكىر قابىلداناتىن نۇسقادا ايتىلۋىنشا، قايتالاي مانەرلەنگەن تالشىقتاردان تىكەلەي نەمەسە جانامالاي پايدالانىپ، نارەستەلەرگە ارنالعان توقىما بۇيىمداردى، ءىش كيىمدەردى وندىرۋگە تيىم سالىنادى. قايتالاي پايدالانۋعا بولاتىن پوليەستەر تالشىقتان سىرت، قايتالاپ پايدالانۋعا بولاتىن باسقا حيميالىق تالشىقتاردى نارەستەلەر مەن بالالارعا ارنالعان تولتىرمالى تالشىقتى بۇيىمداردىڭ ءىشىن تولتىرعىش، توسەنىش شيكىزاتى رەتىندە پايدالانباۋ كەرەك.

كەلۋ قاينارى: حالىق تورابى