6 - ايدىڭ 20 - كۇنىنەن باستاپ، وڭتۇستىك اۆياتسيا سەرىكتەستىگى جىڭجوۋدان قۇلجاعا، قۇمىلعا، التايعا توتە ۇشاتىن كەزەكشى ۇشاق قوسادى

2025 ـ جىلى 6 ـ ايدىڭ 3 ـ كۇنى جىڭجوۋ. جازعى دەمالىس كەزىندەگى ساياحاتتىڭ قاۋىرت مەزگىلىنىڭ جاقىنداۋىنا بايلانىستى، جۇڭگو وڭتۇستىك اۆياتسياسى حىنان اۆياتسيا شەكتى سەرىكتەستىگى 6 ـ ايدىڭ 20 ـ كۇنىنەن باستاپ، جىڭجوۋدان قۇلجاعا، جىڭجوۋدان قۇمىلعا، جىڭجوۋدان التايعا توتە ۇشاتىن كەزەكشى ۇشاقتاردى كوبەيتىپ، ورتا، باتىس بولىكتەردىڭ جازعى دەمالىس كەزىندەگى ساياحات ەكونوميكاسىنىڭ ىقپالداستىعىنا دەم بەرەدى.

جاڭادان قوسىلعان جىڭجوۋدان قۇلجاعا باراتىن كەزەكشى ۇشاق كۇنىنە ءبىر كەزەك قاتىنايدى، كەزەكشى ۇشاق ءنومىرى CZ 5391 / 2، كەزەكشى ۇشاق ۋاقىتى 20:30 دا جىڭجوۋدان ۇشىپ، كەلەسى كۇنى 01:35 تە قۇلجاعا جەتەدى، كەلەسى كۇنى 08:30 دا قۇلجادان قايتا ۇشىپ، 12:50 دە جىڭجوۋعا قايتىپ كەلەدى. جاڭادان قوسىلعان جىڭجوۋدان قۇمىلعا باراتىن كەزەكشى ۇشاق ءار اپتانىڭ دۇيسەنبى، سارسەنبى، جۇما، جەكسەنبى كۇندەرى ءبىر كەزەك قاتىنايدى، كەزەكشى ۇشاق ءنومىرى CZ8589/90، كەزەكشى ۇشاق ۋاقىتى 08:10 دا جىڭجوۋدان ۇشادى، ساعات 11:50 دە قۇمىلعا جەتەدى، ساعات 12:40 تا قۇمىلدان قايتا ۇشىپ، 15:45 تە جىڭجوۋعا قايتىپ كەلەدى. جاڭادان قوسىلعان جىڭجوۋدان التايعا باراتىن كەزەكشى ۇشاق ءار اپتانىڭ سەيسەنبى، بەيسەنبى، سەنبى كۇندەرى ءبىر كەزەك قاتىنايدى، كەزەكشى ۇشاق ءنومىرى CZ5689/90، كەزەكشى ۇشاق ۋاقىتى 15:15 تە جىڭجوۋدان ۇشىپ، 20:10 دا التايعا جەتەدى، 21:00 دە التايدان قايتا ۇشىپ، كەلەسى كۇنى 01:10 دە جىڭجوۋعا قايتىپ كەلەدى.

كەلۋ قاينارى: حالىق تورابى