قاتاڭ راي قالىپتاستىرىپ، دۇرىس سالت ورناتايىق

6 - ايدىڭ 30 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋ، ”ءتورت بۇرىس ستيلدى“ تۇزەتۋ باياندى مەحانيزمىن اقاۋسىزداندىرۋ جونىندە 21 - رەتكى توپتىق ۇيرەنۋ جۇرگىزدى. باس شۋجي شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ارتيانىڭ وزىنە - ءوزى توڭكەرىس جاساۋىن ىلگەرىلەتۋدى تانىمدى جوعارىلاتۋ، پارتيالىلىقتى كۇشەيتۋ، ۇقىق جۇرگىزۋدى ارناعا ءتۇسىرۋ، باقىلاۋدى، ءتارتىپ اتقارۋدى قاتايتۋ، پارتيانى باسقارۋ، پارتيانى جونگە سالۋ جاۋاپكەرشىلىگىن اتقارۋ سياقتى جاقتاردا اناعۇرلىم تىڭعىلىقتى تياناقتاندىرۋ كەرەك.

باس شۋجي شي جينپيڭنىڭ ماڭىزدى ءسوزى كۇشتى اڭىس قوزعادى. قالىڭ پارتيالى كادرلار بىلاي دەپ قارادى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، قاتاڭ اۋقىم قالىپتاستىرىپ، دۇرىس سالت ورناتىپ، ءىس جۇزىندىك ارەكەتىمىز ارقىلى زەيىن - زەردەنى، كۇش - قۋاتتى شوعىرلاندىرىپ، ءىس تىندىرىپ، شارۋاشىلىق قۇرامىز.

”باس شۋجي شي جينپيڭ ’ستيلدى يگەرۋدەن باستاپ كىرىسىپ، پارتيانى جاپپاي قاتاڭ باسقارۋدى ىلگەرىلەتۋ جاڭا داۋىردەگى پارتيانىڭ وزىنە - ءوزى توڭكەرىس جاساۋداعى ماڭىزدى تاجىريبەسى‘ دەپ باسا دارىپتەدى. بۇل تاجىريبە پارتيانىڭ وزىندىك توڭكەرىسىن ىلگەرىلەتۋگە ماڭىزدى تياناق ازىرلەدى“. ورتالىق پارتيا مەكتەبى (مەملەكەتتىك اكىمشىلىك شۋەيۋانى) پارتيا قۇرىلىسى كافەدراسىنىڭ پروفەسسورى لۇي پىن بىلاي دەدى: جاڭا جورىقتا وسى ماڭىزدى تاجىريبەنى بارىنشا قاستەرلەپ، ۇزاق ۋاقىت تاباندى بولىپ، وزىنە تۇبەگەيلى توڭكەرىس جاساۋ رۋحىمەن، ماڭگى جالعاستىراتىن قايسارلىق جانە تاباندىلىق ارقىلى پارتيانى باسقارۋ، پارتيانى جونگە سالۋ جاۋاپكەرشىلىگىن سانالى تۇردە ارقالاپ، پارتيانىڭ ستيل قۇرىلىسىن ۇزدىكسىز ىلگەرىلەتىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتىپ، ۇلى وزىندىك توڭكەرىس ارقىلى ۇلى قوعامدىق توڭكەرىسكە جەتەكشىلىك ەتۋدىڭ جاڭا ءورىسىن اشۋ كەرەك.

گۇيجوۋ ولكەسى چياندۇڭنان مياۋزۋ - دۇڭزۋ اۆتونوميالى وبلىسى رۇڭجياڭ اۋدانىندا تاسقىن قايتقاننان كەيىن، ەلەكترمەن قامداۋدى قالپىنا كەلتىرۋ كەزەك كۇتتىرمەيتىن ىسكە اينالدى. نانفاڭ ەلەكتر تورابى گۇيجوۋ تۇڭرىن ەلەكترمەن قامداۋ مەكەمەسى پارتيا مۇشەلەرى ەكپىندىلەر اترەتىنىڭ باستىعى حۋ حايبو باتپاقتى تازالاپ، لەنيانى شۇعىل جوندەدى.

”باس شۋجي شي جينپيڭ پارتيالى كادرلاردان ’ءىس تىندىرىپ، شارۋاشىلىق قۇرۋ بارىسىندا كۇرەس جاساۋ ءومىرىن شىڭداپ، حالىققا باقىت جاراتۋ بارىسىندا ءمورالدىق دەڭگەيدى جوعارىلاتۋدى‘ تالاپ ەتتى. باس شۋجي شي جينپيڭنىڭ ماڭىزدى ءسوزىنىڭ رۋحىن ناقتى تياناقتاندىرۋدا شۇعىل، قيىن، قاتەرلى، اۋىر مىندەتتەردە پارتيالىلىقتى شىڭداپ، اتويلاپ الدا ءجۇرىپ، بۇقارانىڭ مۇڭ - مۇقتاجىن، ارمان - تىلەگىن ءوز ءىسىمىز ەتىپ، تەزىرەك ويداعىداي شەشۋىمىز كەرەك“ دەدى حۋ حايبو. ديڭرىداعى جەر سىلكىنىسىندە اپاتقا ۇشىراعان اۋىل - قالاشىقتىڭ ءبىرى، شيزاڭ اۆتونوميالى رايونى رىكازي قالاسى لازى اۋدانى شيچين اۋىلىنىڭ شيالاسۋ قىستاعى اپاتتان كەيىنگى قالپىنا كەلتىرۋ، قايتا قۇرۋدى جاپپاي ىلگەرىلەتۋ، شوعىرلى قامال الۋدىڭ شەشۋشى مەزگىلىنە ءوتتى. شيالاسۋ قىستاعى پارتيا ياچەيكاسىنىڭ شۋجيى دۇن جۋ وتباسىلاردى ارالاپ، قايتا سالىناتىن ۇيلەردىڭ جوباسىنا قاتىناسىپ، قۇرىلىس قارقىنىن سايكەستىردى.

”كوممۋنيستىك پارتيا مۇشەسى رەتىندە، اپاتتان كەيىنگى قايتا قۇرۋ قىزمەتىندە مەن باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، حالىق بۇقاراسىنىڭ مۇددەسىن ماڭداي الدى ورىنعا قويىپ، تاڭداۋلى ستيلدى ساۋلەلەندىرىپ، ناقتى ىستەپ، جاۋاپكەرشىلىك ارقالاپ، كوپشىلىكپەن بىرگە ەڭبەكشىل قوس قولىمىزبەن كوركەم بولاشاق جاراتامىز“ دەدى دۇن جۋ.

گۋاڭشي جۋاڭزۋ اۆتونوميالى رايونى ناننيڭ قالاسى ماشان اۋدانى بايلۇڭتان قالاشىعى لۇڭچاڭ قىستاعىنداعى جەمىس - جيدەك، جۇگەرى بازاسىندا لۇڭچاڭ قىستاعىندا تۇراتىن ءبىرىنشى شۋجي شى جينچي قىستاق تۇرعىندارىمەن بىرگە جيناۋ جۇمىسىنا قاتىناستى.

”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۋىل - قىستاقتى جاپپاي گۇلدەندىرۋدىڭ نەگىزگى شايقاس مايدانىندا مۇرات - سەنىمدى بەكەمدەپ، حالىققا تەرەڭ سۇيىسپەنشىلىك ورناتىپ، قىستاق تۇرعىندارى ءۇشىن ءاربىر ناقتى ءىستى ويداعىداي ىستەپ، ءاربىر قىزمەتتى جاقسى ىستەپ، اۋىلداستاردى باستاپ تۇرمىسىمىزدى جاقسارتۋىمىز كەرەك“ دەدى شى جينچي.

مەملەكەتتىك ەلەكتر تورى جىجياڭ ەلەكتر سەرىكتەستىگىنىڭ جاس پارتيا مۇشەسى لي جيان بىلاي دەدى: ”باس شۋجي شي جينپيڭنىڭ تاپسىرماسىن ەستە بەرىك ساقتاپ، قىزمەت ورنىما ۇزدىكسىز تامىر تارتىپ، كوممۋنيستەردىڭ رۋحاني تالپىنىسىنان جازباي، ەلەكترمەن قامداۋعا كەپىلدىك ەتۋ سياقتى قىزمەتتەردى دەن قويا، سۇيىسپەنشىلىكپەن ويداعىداي ىستەپ، ەكونوميكانىڭ، قوعامنىڭ جوعارى ساپالى دامۋىن بەرىك كەپىلمەن قامدايمىن“.

”باس شۋجي شي جينپيڭ ’شىرىكتەسۋگە قارسى تۇرۋدا، ءسوز جوق، ۇقىق جۇرگىزۋدى ارناعا ءتۇسىرۋ كەرەك‘ دەپ باسا دارىپتەدى. بۇل بىزدەن ءتۇزىم مەحانيزمىن ۇزدىكسىز كەمەلدەندىرىپ، شىرىكتەسۋدىڭ ءوربيتىن توپىراعى مەن شارت - جاعدايىن الاستاۋدى تالاپ ەتەدى“. حيلۇڭجياڭ ولكەسى سۇيحۋا قالالىق ءتارتىپ تەكسەرۋ كوميتەتىنىڭ شۋجيى، قالالىق باقىلاۋ - تەكسەرۋ كوميتەتىنىڭ مەڭگەرۋشىسى جاڭ تيەمين مىنالاردى ءبىلدىردى: ۇقىق بەرۋ، ۇقىقتان پايدالانۋ، ۇقىقتى تەجەۋ ءوزارا بىرلىككە كەلگەن، ايقىن، جاريالى، قۋزاستىرۋعا بولاتىن ءتۇزىم، مەحانيزمدى اقاۋسىزداندىرىپ، پاكتىك حاۋىپ - قاتەرىنىڭ كومەسكى قاتەرىن يكەمدى باقىلاۋ - تەكسەرۋدى كۇشەيتىپ، شىرىكتەسۋگە باتىلدىق ەتە المايتىن جازالاپ ساقتاندىرۋ مەحانيزمىن، شىرىكتەسۋگە مۇمكىندىك بەرمەيتىن ساقتانۋ مەحانيزمىن، شىرىكتەسۋدى ويىنا المايتىن قامتاماسىزداندىرۋ مەحانيزمىن كەمەلدەندىرەمىز.

”باس شۋجي شي جينپيڭ ’ءتارتىپتىڭ اتقارىلۋىن قاتاڭ باقىلاۋ − پارتيانىڭ وزىندىك توڭكەرىسىنىڭ وتكىر قارۋى، تارتىپكە، زاڭعا قايشى ماسەلەلەردى، ءسوز جوق، باتىل ءبىر جاقتى ەتۋ كەرەك‘ دەپ اتاپ كورسەتتى. بۇل ءتارتىپ تەكسەرۋ، باقىلاۋ - تەكسەرۋ قىزمەتىنە اناعۇرلىم ايقىن باعدار كورسەتتى“. فۋجيان ولكەسى جىرۇڭ اۋداندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 5 - ءتارتىپ تەكسەرۋ، باقىلاۋ - تەكسەرۋ كەڭسەسىنىڭ مەڭگەرۋشىسى لين جۇڭ مىنالاردى ءبىلدىردى: باتىلدىقپەن شىنداپ كىرىسىپ، قيىندىقتان تايسالمايتىن باتىلدىقپەن جانە بەكىممەن سوڭىنا دەيىن قاتاڭ بولىپ، تيتتەي دە جول بەرمەي، بۇقارانىڭ اڭىسى كۇشتى بولعان كورنەكتى ماسەلەلەردى كۇش سالا شەشىپ، حالىق بۇقاراسىنا ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدىڭ جاندارىندا، ادىلدىك پەن ادىلەتتىلىكتىڭ جاندارىندا ەكەنىن سەزىندىرەمىز.

”باس شۋجي شي جينپيڭ ءار دارەجەلى باسشى كادرلاردان ’پارتيانى باسقارۋ، پارتيانى جونگە سالۋ جاۋاپكەرشىلىگىن باتىل ارقالاپ، وزىنە قاتاڭ تالاپ قويىپ، ءوز جاۋاپكەرشىلىگىن قاتاڭ وتەپ، قاراستى اۋماعىن قاتاڭ باسقارۋ كەرەك‘ دەپ تالاپ قويدى. ءبىز پارتيانى باسقارۋ، پارتيانى جونگە سالۋ جاۋاپكەرشىلىگىن باتىل ارقالاپ، دامۋ نەگىزىن بەكەمدەپ، حالىق تۇرمىسىنىڭ ىرىس - قۇتىن قورعايمىز“. جىجياڭ ولكەسى ۋىنجوۋ قالاسى ۋىنچىڭ اۋداندىق پارتكومنىڭ شۋجيى لو جاۋجىڭ مىنالاردى ءبىلدىردى: ورنىقتىلىق پەن ىلگەرىلەۋدىڭ قاتىناسىن، قاتاڭ باسقارۋ مەن مەيىر باعىشتاۋدىڭ قاتىناسىن، ءوزىن تۇزەتۋ مەن تارتىپكە شاقىرۋدىڭ قاتىناسىن ديالەكتيكالىق تۇرعىدان ويداعىداي يگەرىپ، القانى ويداعىداي باسقارىپ، قوسىندى ويداعىداي باستاپ، جاۋاپكەرشىلىكتىڭ ”ەڭ سوڭعى ءبىر شاقىرىمدى“ قامتۋىنا كەپىلدىك ەتەمىز.

جياڭسۋ ولكەسى شۇيجوۋ قالالىق پارتكومنىڭ شۋجيى ۋاڭ ۋەي بىلاي دەدى: ”ءبىز باس شۋجي شي جينپيڭنىڭ ’وزىنە توڭكەرىس جاساۋ سىندى ارقاۋدى، ءسوز جوق، اناعۇرلىم شيراتۋ كەرەك‘ دەگەن ماڭىزدى تالابىن ەستە بەرىك ساقتاپ، وزىنە توڭكەرىس جاساۋ رۋحىن بۇقاراعا قىزمەت وتەۋدىڭ، جوعارى ساپالى دامۋدى ىلگەرىلەتۋدىڭ جالپى بارىسىندا، ءار جاعىندا تياناقتاندىرۋعا تاباندى بولىپ، ءوزىمىزدىڭ يدەيامىزدى، ءسوزىمىزدى، ءىسىمىزدى قايسى جاقتاردا ءالى دە اناعۇرلىم جوعارىلاتۋعا، كەمەلدەندىرۋگە تۋرا كەلەتىندىگىنە قاراۋىمىز كەرەك، ءوزىمىزدىڭ قىزمەت ءادىسىمىزدىڭ ءداۋىردىڭ دامۋىنا، بۇقارانىڭ قاجەتىنە ۇيلەسەتىن - ۇيلەسپەيتىندىگىنە قاراپ، كوممۋنيستەردىڭ ساياسي قاسيەتىن ماڭگى ساقتاۋىمىز كەرەك“.

”باس شۋجي شي جينپيڭ ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ جونىندە ايقىن تالاپ قويدى، ءبىز اشىق تاربيە جۇرگىزۋگە، قاتاڭ دا شىنايى يگەرۋگە تاباندى بولىپ، پارتيالى كادرلاردىڭ وتباسى مۇشەلەرىن پاكتىك تاربيەسى بازاسىنا بارىپ ەكسكۋرسيالاۋعا، ۇيرەنۋگە ۇيىمداستىرۋ، سوتقا بارىپ تيپتىك دەلولاردى قاراۋدى سىرتتاي تىڭداۋ سياقتى كوپ ءتۇرلى تاسىلدەر ارقىلى قالىڭ پارتيالى كادرلاردى بەرىك پارتيالىلىقتى، ناقتى ستيلدى شىڭداۋعا جەتەكتەيمىز، ۇيرەنۋ تاربيەسىنىڭ تەرەڭدەۋىنە، ناقتىلانۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتەمىز“ دەدى چۇڭچيڭ قالاسى دادۋكوۋ رايوندىق پارتكومنىڭ شۋجيى جاڭ گو.

(«حالىق گازەتىنىڭ» تىلشىلەرى جاۋ چىڭ، جۋ داۋەي، ليۋ جۇنگو، سۋ بين، شۇي جى - ياۋ، ليۋ شياۋيۇي، ليۋ شين - ۋ، باي گۋاڭدي، جۋ جياچي، حى جاۋيۇي)

كەلۋ قاينارى: حالىق تورابى