جۇڭگو ۇلگىسىندەگى وسىزامانداندىرۋ ءۇشىن جاستىق كوكتەمنىڭ اسقاق داستانىن جازۋعا قۇلشىنايىق (باسماقالا)

بۇگىن جۇڭحۋا مەملەكەتتىك جاستار بىرلەستىگى 14 - كەزەكتى كوميتەتىنىڭ جالپى ءماجىلىسى، جۇڭحۋا مەملەكەتتىك وقۋشىلار بىرلەستىگىنىڭ 28 - قۇرىلتايى سالتاناتپەن اشىلدى. بۇل − بۇكىل ەلدەگى ءار ۇلت، ءار سالا جاستارى مەن قالىڭ جاس وقۋشىلاردىڭ ساياسي ومىرىندەگى ءىرى ءىس، جاڭا ءداۋىردىڭ جاڭا جورىعىندا پارتيا ءۇشىن جاستىق كوكتەمنىڭ كۇشىن كەڭ كولەمدە ىنتىماقتاستىرىپ، ۇيىستىرۋعا شوعىرلاندىرۋ دابىلىن قاقتى.

پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيا ىستەرىنىڭ ۇرپاقتان - ۇرپاققا جالعاسۋىنا جانە جۇڭحۋا ۇلتىنىڭ باياندى دامۋىنا شىنايى كەپىلدىك ەتۋ ستراتەگيالىق تۇرعىسىنان، جاڭا داۋىردەگى جۇڭگو جاستار قوزعالىسىنىڭ زاڭدىلىعىن تەرەڭ يگەرىپ، پارتيانىڭ جاستار قىزمەتىنە باسشىلىعىن كۇشەيتىپ، پارتيا تاريحىندا ورتالىقتىڭ پارتيانىڭ بۇقارالىق ۇيىمدار قىزمەتى جونىندەگى تۇڭعىش رەتكى ءماجىلىسىن اشىپ، جاڭا جۇڭگو تاريحىنداعى جاستاردى دامىتۋدىڭ تۇڭعىش جوباسىن العا قويدى، جاستار بىرلەستىگى وقۋشىلار بىرلەستىگى قىزمەتىندە شىت جاڭا بەينە جارىققا شىعۋىنا جەتەكشىلىك ەتۋى جانە ونى ىلگەرىلەتۋى كەرەك. باس شۋجي شي جينپيڭ جاستار بىرلەستىگى، وقۋشىلار بىرلەستىگى ۇيىمىن كۇشەيتىپ، جاستار بىرلەستىگى، وقۋشىلار بىرلەستىگى قىزمەتىن ويداعىداي ىستەۋگە ايرىقشا ءمان بەرىپ، زور ءۇمىت ارتىپ، ءبىرقىدىرۋ ماڭىزدى نۇسقاۋ بەرىپ، مەملەكەتتىك جاستار بىرلەستىگىنىڭ، مەملەكەتتىك وقۋشىلار بىرلەستىگىنىڭ رەفورماسىنا تىكەلەي كوڭىل ءبولىپ، جەتەكشىلىك ەتىپ، مەملەكەتتىك جاستار بىرلەستىگىنىڭ جالپى ءماجىلىسىنىڭ، مەملەكەتتىك وقۋشىلار بىرلەستىگى قۇرىلتايىنىڭ اشىلعاندىعىن ارناۋلى حات جولداپ قۇتتىقتاپ، مەكتەپتەرگە تالاي رەت بارىپ، وقۋشىلارمەن اڭگىمەلەسىپ، جاستارعا جاۋاپ حات جازىپ، جاڭا داۋىردەگى جاستار بىرلەستىگى، وقۋشىلار بىرلەستىگى ىستەرىنىڭ دامۋىنا جانە جاس ۇرپاقتاردىڭ اقاۋسىز ەسەيىپ - ەرجەتۋىنە پارمەندى جەتەكشىلىك ەتتى. جاستار مۇراتتى، جاۋاپكەرشىلىك ارقالاۋعا باتىل، جاپاعا شىداپ، كۇرەس جۇرگىزۋگە پەيىل بولعاندا عانا، پارتيا مەن مەملەكەت ىستەرى ۇمىتكە تولى بولادى. كەدەيلىكتەن ارىلتۋدان قامال الۋ شايقاسىنا ات سالىسىپ، قالتقىسىز ۇلەس قوسۋدان باتىس بولىك جوسپارىنا قاتىناسىپ، شەكارا وڭىرگە تامىر تارتىپ، ءۇن - ءتۇنسىز تاباندىلىق كورسەتۋگە دەيىن، ”بەيدوۋ“، ”چاڭ - ى“ ۇجىمدارىنىڭ عىلىم - تەحنيكانىڭ جاڭا شىڭىنا ەرلىكپەن شىعۋىنان حالىقارالىق ساحنانى تياناق ەتىپ، جۇڭگونىڭ جاقسى ءۇنىن تاراتۋعا دەيىن... جاڭا داۋىردەگى جۇڭگو جاستارى مەن جاس وقۋشىلارى سەنىمدى بەكەمدەپ، پارتياعا تىعىز ىلەسىپ، جەكە مۇراتىن مەملەكەتتى قۇدىرەتتەندىرۋ قۇرىلىسىمەن، ۇلتتى گۇلدەندىرۋ ۇلى ىسىمەن توعىستىرىپ، اسقاق رۋحاني بەت - بەينە مەن مەملەكەتتى قۇدىرەتتەندىرۋدە مەن بارمىن دەيتىن جاۋاپكەرشىلىكتى ايگىلەدى. 5 جىلدان بەرى جاستار بىرلەستىگى، وقۋشىلار بىرلەستىگى ۇيىمدارى پارتيا ءۇشىن ادام تاربيەلەۋگە تاباندى بولىپ، ”جاستاردىڭ قاۋىرت ۇيرەنۋى“، ”ءۇشتى اۋىل - قىستاققا جەتكىزۋ“ قوعامدىق امالياتى، ”قىزىل زەرتتەۋ - ۇيرەنۋ ساپارى“، ”مەن جاستار ءۇشىن ناقتى ىستەر ىستەيمىن“ سياقتى ايگىلى ماركا قيمىلدارىن ىشكەرىلەي ورىستەتىپ، قالىڭ جاستاردى سەنىم نەگىزىن بەكەمدەپ، جۇڭگو ۇلگىسىندەگى وسىزامانداندىرۋ قۇرىلىسىندا جاستىق جىرىن جازۋعا جەتەكتەدى.

باس شۋجي شي جينپيڭ بىلاي دەپ باسا دارىپتەدى: قازىرگى دۇنيە جۇزىندە ءجۇز جىلدان بەرى بولماعان زور وزگەرىس جەدەل قۇبىلۋدا، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى نىساناسىن جۇزەگە اسىرۋ بۇكىل پارتيانىڭ، بۇكىل ەلدەگى ءار ۇلت حالقىنىڭ، جۇيەدەن قالىڭ جاستاردىڭ بەرەكە - بىرلىكتە بولىپ، بار كۇشىن سالىپ، ۇزدىكسىز تار جول، تايعاق كەشۋلەردەن ءوتىپ، قيىندىقتاردى جەڭۋىن قاجەت ەتەدى. جاستار − قوعامداعى ەڭ جالىندى، ەڭ جىگەرلى، يدەياسى ەڭ اشىق قاۋىم، مەملەكەتتىڭ ءۇمىتى جاستاردا، ۇلتتىڭ بولاشاعى جاستاردا. ”مەملەكەت ءۇشىن، حالىق ءۇشىن“ دەيتىن ءومىر مۇراتىن بەكەمدەپ، ”ماڭگى كۇرەس جاساۋ“ سىندى داڭقتى ءداستۇردى ساۋلەلەندىرىپ، ”دۇنيە جۇزىنە تەڭ قاراۋ“ سەنىمى مەن جىگەرىن ساقتاپ، باتىلدىقپەن جاڭالىق جاسامپازدىق اشىپ، قۇلشىنا كۇرەسىپ، العا ىلگەرىلەپ، وتان مەن حالىق ەڭ قاجەت ەتكەن جەرلەرگە بارىپ جارىق شاشىپ، قىزۋ ورلەۋ كوتەرسەك، ءسوز جوق، جاستىق كوكتەمنىڭ قۇلپىرا شەشەك اتۋىنا، مول جەمىس بەرۋىنە مۇمكىندىك جاساي الامىز.

پارتيانىڭ باسشىلىعىنداعى جاستار بۇقارالىق ۇيىمى رەتىندە جاستار بىرلەستىگى، وقۋشىلار بىرلەستىگى ۇيىمى پارتيانىڭ قالىڭ جاستارمەن، جاس وقۋشىلارمەن بايلانىس جاسايتىن كوپىرى سانالادى، ول جاستاردى ەڭ كەڭ كولەمدە ىنتىماقتاستىرۋ، ۇيىمداستىرۋ، جۇمىلدىرۋ ماڭىزدى جاۋاپكەرشىلىگىن ارقالاپ وتىر. جاڭا جورىقتا جاڭا داۋىردەگى جۇڭگو جاستار قوزعالىسىنىڭ نەگىزگى تاقىرىبىن مىقتى يگەرىپ، قالىڭ جاستارعا ساياسي جەتەكشىلىكتى كۇش سالا كۇشەيتىپ، جاستارعا قىزمەت وتەۋ قىزمەتىنىڭ جان تامىرىن تىعىز ارقاۋ ەتىپ، قالىڭ جاستاردى پارتيا مەن حالىقتىڭ ۇندەۋىنە سانالى تۇردە قۇلاق اسىپ، تاريحي ۇلى ىستەردى ىلگەرىلەتۋ بارىسىندا ەرلىكپەن ۇزدىك قوسىن، ەكپىندىلەر قوسىنى بولۋعا جەتەكتەسەك، بورىش پەن مىندەتتى ارقالاپ، ءتيىستى ۇلەس قوسا الامىز.

ۇلتتىڭ گۇلدەنۋ ساپارى الدىعا قاراي جەلكەن جايعاندا، ءاربىر جاستىق كوكتەم تولقىنى جوڭكىلە العا ىلگەرىلەۋ كۇش - قۋاتىن ارقالاپ وتىر. جاستىق كوكتەم شاعىندا تۇرعان ءبىز جاستىق كوكتەمىمىزدى مەملەكەتتى، ۇلتتى گۇلدەندىرۋگە ارناۋىمىز كەرەك، بۇگىنگى جاستار ەرلىكپەن كۇرەس جاساۋ ارقىلى جاڭا ءداۋىردىڭ كۇرەسىنە ءۇن قوسۋى كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مۇرات - سەنىمدى بەكەمدەپ، وتباسى مەن وتانعا تەرەڭ سۇيىسپەنشىلىك ورناتىپ، جاڭا جورىقتا جۇڭگو ۇلگىسىندەگى وسىزامانداندىرۋدىڭ جاۋاپكەرشىلىك ارقالايتىن جاستىق جىرىن قۇلشىنا جازايىق!

كەلۋ قاينارى: حالىق تورابى