ستيلدى يگەرۋدەن باستاپ كىرىسىپ، پارتيانى جاپپاي قاتاڭ باسقارۋدى ىلگەرىلەتۋگە تاباندى بولىپ، جاڭا داۋىردەگى پارتيانىڭ وزىنە ـ ءوزى توڭكەرىس جاساۋ تالابىن اناعۇرلىم تىڭعىلىقتى تياناقتاندىرۋ كەرەك

شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 6 ـ ايدىڭ 30 ـ كۇنى تۇستەن كەيىن ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋ، ”ءتورت بۇرىس ستيلدى“ تۇزەتۋ باياندى مەحانيزمىن اقاۋسىزداندىرۋ جونىندە 21 ـ رەتكى توپتىق ۇيرەنۋ جۇرگىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ كوممۋنيستەرگە ”1 ـ شىلدە“ مەرەكەسى بايلانىسىمەن سالەم جولدادى. ول ۇيرەنۋدى باسقارعاندا بىلاي دەپ باسا دارىپتەدى: وزىنە ـ ءوزى توڭكەرىس جاساۋ — پارتيامىزدىڭ تىنىشتىق ـ بىلىقپالىق، گۇلدەنۋ ـ قۇلدىراۋ سىندى تاريح پەريودىنان اتتاپ وتۋدەگى ەكىنشى جاۋابى، ستيلدى يگەرۋدەن باستاپ كىرىسىپ، پارتيانى جاپپاي قاتاڭ باسقارۋدى ىلگەرىلەتۋ جاڭا داۋىردەگى پارتيانىڭ وزىنە ـ ءوزى توڭكەرىس جاساۋداعى ماڭىزدى تاجىريبەسى. پارتيانىڭ وزىنە ـ ءوزى توڭكەرىس جاساۋىن ىلگەرىلەتۋدى تانىمدى جوعارىلاتۋ، پارتيالىلىقتى كۇشەيتۋ، ۇقىق جۇرگىزۋدى ارناعا ءتۇسىرۋ، باقىلاۋدى، ءتارتىپ اتقارۋدى قاتايتۋ، پارتيانى باسقارۋ، پارتيانى جونگە سالۋ جاۋاپكەرشىلىگىن اتقارۋ سياقتى جاقتاردا اناعۇرلىم تىڭعىلىقتى تياناقتاندىرۋ كەرەك.

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى پارتيا ستيلىن، ۇكىمەت ستيلىن باقىلاۋ كەڭسەسىنىڭ مەڭگەرۋشىسى جاۋ باۋگو جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ءتۇسىندىرۋدى مۇقيات تىڭدادى ءارى تالقى جۇرگىزدى.

شي جينپيڭ ءتۇسىندىرۋدى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: ورتالىقتىڭ سەگىز ءتۇرلى بەلگىلەمەسى — پارتيا ورتالىق كوميتەتىنىڭ حالىقتىڭ سەنىمىنە يە بولۋ شاراسى، جاڭا داۋىردەگى پارتيانى باسقارۋدىڭ، پارتيانى جونگە سالۋدىڭ بەلگى سيپاتتى شاراسى. پارتيا 18 ـ قۇرىلتايىنان بەرى، پارتيا ورتالىق كوميتەتى سەگىز ءتۇرلى بەلگىلەمە ارقىلى جاڭا جاعداي اشىپ، ماسەلەلەردى شەشىپ، قۇرىش قاعيدا ورناتۋعا، قاتاڭ شەكتەمەنى كۇشەيتۋگە تاباندى بولىپ، جوعارى ارقىلى تومەنگە باستاماشىلدىق ەتۋگە، ورتالىق كوميتەت ساياسي بيۋروسى باس بولىپ ىستەۋگە تاباندى بولىپ، ماسەلەنى باعدار ەتۋگە، نازاردى ”ءتورت بۇرىس ستيلدى“ تۇزەتىپ، توپتىق تاربيە جانە ءبىر قىدىرۋ ارناۋلى رەتتەۋ ـ وڭاۋ ورىستەتۋگە شوعىرلاندىرۋعا تاباندى بولىپ، ۇدايى يگەرىپ، ەگجەي ـ تەگجەيلى يگەرىپ، ۇزاق ۋاقىت يگەرىپ، بۋىن ـ بۋىن بويىنشا بەرىك ساقتاۋعا جانە ىلگەرىلەتۋگە تاباندى بولىپ، پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ، بۇرىن تەجەۋ مۇمكىن ەمەس دەپ قارالعان كوپتەگەن بۇرىس ستيلدى تەجەپ، تالاي جىل جويىلماعان كەيبىر ءسىڭىستى كىناراتتار مەن قاساڭ دەرتتەردى جويىپ، بۇقارانىڭ اڭىسى كۇشتى كوپتەگەن كورنەكتى ماسەلەنى شەشىپ، پارتيا ستيلىندە، ۇكىمەت ستيلىندە شىت جاڭا بەينە جارىققا شىعاردى، پارتيانى باسقارۋ، پارتيانى جونگە سالۋ دەڭگەيىنىڭ تۇتاس تۇلعالىق جوعارىلاۋىن ىلگەرىلەتىپ، پارتيا مەن مەملەكەت ىستەرىنىڭ دامۋىنا قۋاتتى وڭ ەنەرگيا ۇيىستىردى.

شي جينپيڭ بىلاي دەپ باسا دارىپتەدى: پارتيامىز ارقالاعان جۇڭگو ۇلگىسىندەگى وسىزامانداندىرۋ قۇرىلىسى مىندەتى توتەنشە اۋىر، ءدوپ كەلگەن بيلىك جۇرگىزۋ ورتاسى ايرىقشا كۇردەلى، وزىنە ـ ءوزى توڭكەرىس جاساۋ سىندى وسى ارقاۋدى، ءسوز جوق، اناعۇرلىم مىقتاپ شيراتۋ كەرەك. پارتيا ۇيىمدارى مەن پارتيا مۇشەلەرى مەيلى قايسى ساتىدا بولسىن، قانداي قىزمەت ارقالاسىن، بارلىعىندا وزىنە ـ ءوزى توڭكەرىس جاساۋ جاۋاپكەرشىلىگى بولۋعا ءتيىس. باسشى كادرلار، الدىمەن، جوعارى دارەجەلى كادرلار وزىنە ـ ءوزى توڭكەرىس جاساۋدا ءتىپتى دە ءوز بويىنان ونەگە كورسەتۋى كەرەك.

شي جينپيڭ بىلاي دەپ اتاپ كورسەتتى: وزىنە ـ ءوزى توڭكەرىس جاساۋدى ىلگەرىلەتۋدە، ءسوز جوق، ءتۇبىردى بەكەمدەپ، نەگىزدى جەتىلدىرۋ، پارتيالىلىقتى كۇشەيتۋ كەرەك. پارتيالىلىقتى كۇشەيتۋدىڭ ماڭىزى مۇرات ـ سەنىمدى بەكەمدەپ، پارتياعا ادالدىقتى سومداپ، حالىقشىلدىق ىنتا ـ ىقىلاستى تەرەڭدەتىپ، ءمورالدىق قاسيەتتى كىرشىكسىزدەندىرىپ، پاك، كىرشىكسىز بولۋدى ساقتاۋدا. نازاريامەن قارۋلانۋدى كۇشەيتىپ، كوممۋنيستەردىڭ رۋحاني تالپىنىسىن بەرىك ساقتاۋ؛ جۇڭگو ۇلگىسىندەگى وسىزامانداندىرۋ قۇرىلىسى امالياتىنا بەلسەنە ات سالىسىپ، ءىس تىندىرىپ ناتيجە شىعارۋ بارىسىندا كۇرەسكەرلىك ءومىردى شىڭداپ، حالىقتى باقىتقا كەنەلتۋ بارىسىندا ءمورال دەڭگەيىن جوعارىلاتۋ؛ پارتيا ىشىندەگى ساياسي تۇرمىسقا بەلسەنە قاتىناسىپ، ءوزىن ـ ءوزى تەكسەرىپ، پارتيا ۇيىمىنىڭ تاربيەسىن جانە ءارقايسى جاقتىڭ باقىلاۋىن سانالىلىقپەن قابىلداۋ كەرەك. ادام تاڭداۋدا، ادام ىستەتۋدە پارتيالىلىق سارالاۋدى كۇشەيتىپ، كادرلاردىڭ ورە جاعدايىن جانە ادالدىق دەڭگەيىن، پاكتىك دەڭگەيىن تەكسەرۋگە باسا ءمان بەرۋ كەرەك.

شي جينپيڭ بىلاي دەپ باسا دارىپتەدى: شىرىكتەسۋگە قارسى تۇرۋدا، ءسوز جوق، ۇقىق جۇرگىزۋدى ارناعا ءتۇسىرۋ كەرەك. ۇقىق بەرۋ، ۇقىقتى ىستەتۋ، ۇقىقتى شەكتەۋ بىرلىككە كەلگەن، انىق، جاريالى، قۋزاستىرۋعا بولاتىن ءتۇزىم مەحانيزمىن اقاۋسىزداندىرىپ، ۇقىق جۇرگىزۋدەگى شالاعايلىقتى تەكسەرىپ تابۋعا، تۇزىمدەگى ولقىلىقتاردى تولىقتاۋعا باسا ءمان بەرۋ كەرەك. ءتۇزىمدى اتقارۋدى قاتايتىپ، دەموكراتيالىق ورتالىقتاندىرۋ ءتۇزىمىن جاپپاي دايەكتىلەندىرىپ، ۇقىق جۇرگىزۋدى جالپى بارىستىق باقىلاۋ كەرەك. پارتيالى كادرلار قاي ـ قاشان دا بارلىق ۇقىقتى حالىق بەرگەن دەگەندى ەستە بەرىك ساقتاپ، باستان ـ اياق حالىقتان يمەنۋى، ۇيىمنان يمەنۋى، زاڭ ـ تارتىپتەن يمەنۋى كەرەك.

شي جينپيڭ بىلاي دەپ اتاپ كورسەتتى: باقىلاۋدى، ءتارتىپ اتقارۋدى قاتايتۋ — پارتيانىڭ وزىنە ـ ءوزى توڭكەرىس جاساۋىنىڭ وتكىر قارۋى، تارتىپكە قايشى، زاڭعا قايشى ماسەلەلەردى، ءسوز جوق، باتىل ءبىر جايلى ەتۋ كەرەك. پارتيا ىشىندە باقىلاۋ مەن حالىقتىڭ باقىلاۋىن بىرلەستىرىپ، بۇقارالىق باقىلاۋدىڭ، قوعامدىق پىكىر باقىلاۋىنىڭ ”قاراۋىلدىق“ رولىن ساۋلەلەندىرۋگە ءمان بەرىپ، ءتۇرلى باقىلاۋدىڭ تۇتاسۋىن، سايكەسۋىن ىلگەرىلەتۋ كەرەك. پارتيا ۇيىمىنىڭ كۇندەلىكتى باقىلاۋىن كۇشەيتىپ، ءوتۋ قۋاتى مەن ونىمدىلىگىن شىنايى جوعارىلاتۋ كەرەك. بۇرىس ستيل مەن شىرىكتەسۋدى بىرگە تەكسەرۋ، بىرگە وڭاۋ تەبىنىن كۇشەيتىپ، پارتيا ستيلىندەگى، پارتيا تارتىبىندەگى قاتاڭ تالاپتى قاتاڭ شاراعا اينالدىرىپ، قۇرىشتاي قاعيدانى تەمىر تەگەۋرىنگە اينالدىرىپ، بۇكىل پارتياعا سوڭىنا دەيىن قاتاڭ بولاتىن، تيتتەي دە جول قويمايتىن سيگنال تاراتىپ، سەسكەندىرۋ اسەرىن قالىپتاستىرۋ كەرەك.

شي جينپيڭ بىلاي دەپ باسا دارىپتەدى: پارتيانى باسقارۋ، پارتيانى جونگە سالۋ تۇلعالىق جاۋاپكەرشىلىگى، باقىلاۋ جاۋاپكەرشىلىگى، ءبىرىنشى جاۋاپتى ادام جاۋاپكەرشىلىگى، ”ءبىر قىزمەت ورنىندا ەكى جاۋاپكەرشىلىك ارقالاۋ“ سياقتىلاردان كەمەلدى جاۋاپكەرشىلىك تىزبەگىن قالىپتاستىرىپ، ءاربىر جاۋاپكەرشىلىكتى قاتاڭ تياناقتاندىرۋ كەرەك. ءار دارەجەلى باسشى كادرلار ”شەشۋشى ازشىلىق“ رەتىندە، پارتيانى باسقارۋ، پارتيانى جونگە سالۋ جاۋاپكەرشىلىگىن باتىل ارقالاپ، ءوزىن قاتاڭ تارتىپكە سالىپ، ءوز جاۋاپكەرشىلىگىن قاتاڭ ارقالاپ، ءوز قاراستىلىعىن قاتاڭ باسقارىپ، ساتىلار بويىنشا قىسىم ءتۇسىرىپ، قاتاڭ رايدى شىنايى قالىپتاستىرىپ، دۇرىس سالت ورناتۋى كەرەك. ورتالىق كوميتەت ساياسي بيۋروسىنداعى جولداستار پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرۋ جاعىندا بۇكىل پارتياعا ونەگە كورسەتىپ، ۇلگى بولۋى كەرەك.

شي جينپيڭ بىلاي دەپ اتاپ كورسەتتى: ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋدە ءار دارەجەلى پارتيا ۇيىمدارى ساياسي جاۋاپكەرشىلىكتى مۇقيات اتقارىپ، ماسەلەگە باتىلدىقپەن بەتپە ـ بەت كەلىپ، رەتتەۋ ـ تۇزەتۋدى تىڭعىلىقتى تياناقتاندىرۋعا قۋزاۋ سالىپ، ءتۇرلى بۇرىس ستيلدى قاتاڭ تەجەپ، ستيل قۇرىلىسىنىڭ ۇدايىلانعان، باياندى مەحانيزمىن كەمەلدەندىرىپ، ۇيرەنۋ تاربيەسىنىڭ ءساتتى باستالىپ، تابىستى اياقتالۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتۋى كەرەك.