ىنتىماقتاسا كۇرەس جۇرگىزۋ — جۇڭگو حالقىنىڭ تاريحي ۇلى ىستەردى جاراتۋدا، ءسوزسىز، باسىپ وتەتىن جولى

شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى. 7 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 13 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ىنتىماقتاسا كۇرەس جۇرگىزۋ — جۇڭگو حالقىنىڭ تاريحي ۇلى ىستەردى جاراتۋدا، ءسوزسىز، باسىپ وتەتىن جولى» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2016 ـ جىلى 10 ـ ايدان 2025 ـ جىلى 4 ـ ايعا دەيىنگى ارالىقتاعى قاتىستى ماڭىزدى بايىمداۋلارىنىڭ ءۇزىندىسى.

ماقالادا مىنالار باسا دارىپتەلدى: كۇش ىنتىماقتان كەلەدى، باقىتتىڭ قاينارى كۇرەستە. ىنتىماقتاسا كۇرەس جۇرگىزەتىن ۇلتتىڭ عانا بولاشاعى بولادى، ىنتىماقتاسا كۇرەس جۇرگىزەتىن ساياسي پارتيا عانا جەڭىمپاز ورىندا تۇرا الادى. جۇڭگو حالقى ۇلى ىنتىماق رۋحىنا، ۇلى كۇرەس رۋحىنا يە حالىق. پارتيا مەن حالىق قول جەتكىزگەن بارشا تابىس تۇگەلدەي ىنتىماقتاسا كۇرەس جۇرگىزۋدىڭ ناتيجەسى، ىنتىماقتاسا كۇرەس جۇرگىزۋ — جۇڭگو كوممۋنيستىك پارتياسى مەن جۇڭگو حالقىنىڭ ەڭ ايقىن رۋحاني بەلگىسى.

ماقالادا مىنالار اتاپ كورسەتىلدى: ايقىن كۇرەس نىساناسىن ارقاۋ ەتىپ قالىپتاسقان ىنتىماق عانا ەڭ بەكەم ىنتىماق، تىعىز ىنتىماققا سۇيەنىپ جۇرگىزىلگەن كۇرەس عانا ەڭ تەبىندى كۇرەس. جاڭا جورىقتا ءبىز جۇڭگو ۇلگىسىندەگى وسىزامانداندىرۋعا سۇيەنىپ ونان ارى زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرۋىمىز، ىنتىماقتاسا كۇرەس جۇرگىزۋىمىز كەرەك. جۇڭگو ۇلگىسىندەگى وسىزامانداندىرۋ — جالپى حالىقتىڭ ورتاق ءىسى، سونداي ـ اق حاۋىپ ـ قاتەرلەرگە، سىن ـ سايىستارعا تولى، قاجىرلى قۇلشىنىس جاساۋدى قاجەت ەتەتىن ايبىندى ءىس، ءسوز جوق، جالپى حالىقتىڭ ورتاق ات سالىسۋىنا، ورتاق قۇرۋىنا، ورتاق يگىلىكتەنۋىنە تاباندى بولىپ، جالپى حالىقتىڭ قيىندىقتى بىلەك بىرىكتىرە جەڭۋىنە، ۇلى ىسكە كوپ بولىپ كومەك تيگىزۋىنە تىعىز ارقا سۇيەۋ كەرەك. ءسوز جوق، جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، ەڭ كەڭ كولەمدى بىرلىكساپتى ۇزدىكسىز بەكەمدەپ جانە دامىتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، بىرگە كۇرەس جۇرگىزەتىن كۇشتەردى مۇمكىندىكتىڭ بارىنشا ەڭ جوعارى شەكتە ۇيىستىرۋ كەرەك.

ماقالادا مىنالار اتاپ كورسەتىلدى: باقىتتىڭ ءبارى كۇرەستەن كەلەدى، كۇرەستىڭ ءوزى باقىت. ۇلتتى گۇلدەندىرۋ بورىشىن كۇرەس ارقىلى جۇزەگە اسىرۋ كەرەك، ومىرلىك مۇراتتىڭ جەلكەنى كۇرەس ارقىلى جايىلۋى كەرەك. كۇرەس — ماشاقاتتى، ۇزاق ۋاقىتتىق، بۇراڭ، ءسوز جوق، اناعۇرلىم ماشاقاتتى، اناعۇرلىم جاپالى قۇلشىنىس كورسەتۋگە دايىندالۋىمىز كەرەك. ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، رەفورما مەن دامۋ قامال الىپ قيىندىقتى جەڭۋدىڭ ماڭىزدى كەزەڭىندە تۇر، العا باسۋ جولىندا ءبىز ءدوپ كەلەتىن ەلەۋلى كۇرەستەر از بولمايدى. قورشاۋ، شەكتەۋ، قىسىم ءتۇسىرۋ الدىندا تايسالماي كۇرەس جۇرگىزۋىمىز كەرەك. ءسوز جوق، كۇرەسكەرلىك رۋحتى ساۋلەلەندىرىپ، كۇرەس باعىتىن مەڭگەرىپ، كۇرەس زاڭدىلىعىن يگەرىپ، كۇرەس قابىلەتىن كۇشەيتىپ، ەلەۋلى سايىستارعا ءونىمدى توتەپ بەرىپ، ەلەۋلى حاۋىپ ـ قاتەرلەرگە قارسى تۇرىپ، ەلەۋلى توسقاۋىلداردى جويىپ، ەلەۋلى قايشىلىقتاردى شەشىپ، جاڭا داۋىردەگى ۇلى كۇرەستىڭ تىڭ جەڭىسىنە ۇزدىكسىز قول جەتكىزۋىمىز كەرەك.

ماقالادا مىنالار اتاپ كورسەتىلدى: ىنتىماقتاسا كۇرەس جاساۋ — پارتيانىڭ حالىققا باسشىلىق ەتىپ تاريحي ۇلى ىستەردى جاراتۋدا، ءسوزسىز، باسىپ وتەتىن جولى. ءبىز ىنتىماقتاسا كۇرەس جۇرگىزۋگە سۇيەنىپ شۇعىلالى تاريح جاراتتىق، سونداي ـ اق ىنتىماقتاسا كۇرەس جۇرگىزۋگە سۇيەنىپ تاماشا بولاشاق اشۋىمىز كەرەك. تەك پارتيانىڭ باسشىلىعىندا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولعاندا عانا ءبىز، ءسوزسىز، العا باسۋ جولىنداعى بارلىق قيىنشىلىق، سىن ـ سايىستى جەڭىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ۇزدىكسىز العا ىلگەرىلەتە الامىز.