ءتورتىنشى توپتاعى 69 ميلليارد يۋاندىق ”مەملەكەتتىك قوسىمشا قاراجات“ 10 – ايدا بولىنەدى 

مەملەكەتتىك دامۋ – رەفورما كوميتەتىنىڭ 8 – ايدىڭ 1 – كۇنى اشىلعان اقپار جاريالاۋ ماجىلىسىندە قاتىستى جاۋاپتىنىڭ ايتۋىنشا، بيىلعى ءۇشىنشى توپتاعى تۇتىنۋ بۇيىمدارىنىڭ كونەسىن جاڭاسىنا اۋىستىرۋ قىزمەتىنە قولداۋ كورسەتۋ ماقساتىنداعى ۇزاق مەرزىمدىك ەرەكشە زايوم قاراجاتىنان 69 ميلليارد يۋان ءبولىنىپ بولعان، 10 – ايدا جوسپار بويىنشا ءتورتىنشى توپتاعى 69 ميلليارد يۋان قاراجات بولىنەدى، سول كەزدە تۇتاس جىلدىق 300 ميلليارد يۋان ءبولۋ جوسپارى تولىق ورىندالىپ بولادى.

كەلەسى قادامدا مەملەكەتتىك دامۋ – رەفورما كوميتەتى قازىنا مينيسترلىگى، ساۋدا مينيسترلىگى قاتارلى تاراۋلارمەن بىرگە جەرگىلىكتى ورىنداردى قاراجاتتى ورنالاستىرۋ جاۋاپكەرشىلىگىن تياناقتاندىرۋعا، قاراجاتتى پايدالانۋ جوسپارىن ناقتىلاندىرۋعا قۋزاپ، قاراجاتتىڭ جىل سوڭىنا دەيىن ءتارتىپتى دە تەڭگەرىمدى پايدالانىلۋىنا كەپىلدىك ەتەدى. سونىمەن بىرگە، ونىمدەردىڭ ساپاسى مەن باعاسىن باقىلاۋ – باسقارۋدى اناعۇرلىم كۇشەيتىپ، ”الدىمەن باعاسىن قىمباتتاتىپ، سوڭىنان قوسىمشا قاراجات بەرۋ“، قوسىمشا قاراجاتقا الدامكوستىكپەن قول جەتكىزۋ قاتارلى ارەكەتتەردىڭ تۋىلۋ حاۋپىنەن قاتاڭ ساقتانىپ، ساياساتتىڭ جۇيەلى اتقارىلۋىنا كەپىلدىك ەتەدى.

كەلۋ قاينارى: حالىق تورابى