شي جينپيڭ جولداستىڭ «رەفورمانى جاپپاي تەرەڭدەتۋگە تاباندى بولۋ جونىندە» اتتى كىتابىنىڭ 1 - ، 2 - تومدارى باسپادان شىعىپ تاراتىلدى

شينحۋا اگەنتتىگى، 8 - ايدىڭ 17 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان شي جينپيڭ جولداستىڭ «رەفورمانى جاپپاي تەرەڭدەتۋگە تاباندى بولۋ جونىندە» اتتى كىتابىنىڭ 1 -، 2 - تومدارى تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.

وسى ارناۋلى تاقىرىپتاعى ماقالالار جيناعىنىڭ ماقالالارى ۋاقىت ءتارتىبى بويىنشا قۇراستىرىلدى. 2018 - جىلى 12 - ايدا باسپادان شىققان «رەفورمانى جاپپاي تەرەڭدەتۋگە تاباندى بولۋ جونىندە» پارتيا ورتالىق كوميتەتىنىڭ بەكىتۋىمەن قايتا باسىلىپ، اتى «رەفورمانى جاپپاي تەرەڭدەتۋگە تاباندى بولۋ جونىندە» 1 - تومى دەپ وزگەرتىلىپ، وعان شي جينپيڭ جولداستىڭ 2012 - جىلى 12 - ايدان 2018 - جىلى 12 - ايعا دەيىنگى مەزگىلدەگى رەفورمانى جاپپاي تەرەڭدەتۋگە تاباندى بولۋ جونىندەگى 73 ماڭىزدى شىعارماسى ەنگىزىلدى. 2 - تومعا شي جينپيڭ جولداستىڭ 2019 - جىلى 1 - ايدان 2025 - جىلى 4 - ايعا دەيىنگى رەفورمانى جاپپاي تەرەڭدەتۋگە تاباندى بولۋ جونىندەگى 92 ماڭىزدى شىعارماسى ەنگىزىلدى، مۇنىڭ ىشىندە ءىشىنارا شىعارما تۇڭعىش رەت اشىق جاريالانىپ وتىر.

رەفورما جاساپ، ەسىك اشۋ − پارتيا مەن حالىق ىستەرىنىڭ ارشىندى قاداممەن داۋىرگە ىلەسۋىندەگى ماڭىزدى اسىل. پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جاڭا داۋىردە رەفورمانى جاپپاي تەرەڭدەتۋدىڭ، رەفورمانى جۇيەلى، جالپى تۇلعالىق جاقتان ىلگەرىلەتۋدىڭ جاڭا ساپارىن باستاپ، ەلىمىزدىڭ رەفورما جاساپ، ەسىك اشۋىنىڭ شىت جاڭا جاعدايىن اشتى، بۇل ءداۋىر بولگىش مانگە يە. پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە جۇيەلى جوبا جاساپ، رەفورمانى جاپپاي تەرەڭدەتۋدىڭ كەڭدىك پەن تەرەڭدىككە قاراي بەت الۋىن ىلگەرىلەتتى. باس شۋجي شي جينپيڭ رەفورمانى جاپپاي تەرەڭدەتۋ قىزمەتىنە تىكەلەي باسشىلىق ەتىپ، تىكەلەي ورنالاستىرۋ جاساپ، تىكەلەي ىلگەرىلەتىپ، تاريحي تاجىريبەلەردى عىلمي قورىتىندىلاپ، رەفورما زاڭدىلىعىن تەرەڭ يگەرىپ، ماركسيزمدىك مايدان، كوزقاراس، ادىستەن پايدالانىپ، ءبىرقىدىرۋ جاڭا يدەيالاردى، جاڭا كوزقاراستاردى، جاڭا تۇجىرىمداردى جاسامپازدىقپەن ورتاعا قويىپ، جاڭا داۋىردە رەفورمانى نە ءۇشىن جاپپاي تەرەڭدەتۋ، رەفورمانى قالاي ىلگەرىلەتۋ سياقتى كەلەلى ماسەلەلەرگە ايقىن جاۋاپ بەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ باي، ەڭ جاندى، ەڭ جاسامپاز قۇرامداس بولىگىن قالىپتاستىردى، بۇل رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە توتەنشە ماڭىزدى جەتەكشىلىك مانگە يە.