جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسىنىڭ 2 - رەتكى جالپىلىق جاتتىعۋى ءساتتى ورىندالدى

شينحۋا اگەنتتىگى، 8 - ايدىڭ 17 - كۇنى، بەيجيڭ. ءتىلشىنىڭ جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنىڭ اقپارات ورتالىعىنان ۇعىسۋىنشا، 8 - ايدىڭ 16 - كۇنى 17 ساعات 30 مينۋتتان 8 - ايدىڭ 17 - كۇنى 3 ساعات 30 مينۋتقا دەيىن بەيجيڭ تيان - انمىن رايونىندا جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسىنىڭ 2 - رەتكى جالپىلىق جاتتىعۋى وتكىزىلگەن، شامامەن 40 مىڭ ادام جاتتىعۋ جانە ناق مايداندا قامتاماسىزداندىرۋ قىزمەتىنە قاتىناسقان.

تانىستىرۋعا قاراعاندا، 2 - رەتكى جالپىلىق جاتتىعۋ تۇڭعىش رەتكى جاتتىعۋ نەگىزىندە، ءتىپتى دە كوپ فاكتورلار مەن بۋىنداردى كوبەيتكەن، ەسكە ءتۇسىرۋ جينالىسى، شوعىرلاندىرۋ، بىتىراتۋ سياقتى بارىستار ءتارتىپتى ۇيىمداستىرىلىپ، ءبىر - بىرىمەن قابىسىپ، مەجەلى نىساناعا جەتكەن، سونداي - اق قولباسشىلىق جۇيەسىنىڭ اينالىمى مەن ۇيىمدىق قامتاماسىزداندىرۋ قىزمەتىن ىشكەرىلەي سىننان وتكىزگەن. بەيجيڭ قالاسىنىڭ قاتىستى جاقتارى مىنانى ءبىلدىردى: ەكىنشى رەتكى جالپىلىق جاتتىعۋ ۋاقىتىنىڭ اتتامالىلىعى ءتىپتى دە ۇزاق، شارپيتىن ءوڭىرى ءتىپتى دە كەڭ بولدى، قالىڭ قالا تۇرعىندارىنىڭ تۇسىنگەنىنە جانە قولداۋ كورسەتكەنىنە شىن جۇرەكتەن العىس ايتامىز.