حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەيىك

شينحۋا اگەنتتىگى، 8 - ايدىڭ 15 - كۇنى، بەيجيڭ. 8 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 16 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەيىك» اتتى ماڭىزدى ماقالاسى جاريالانادى.

ماقالادا بىلاي دەپ باسا دارىپتەلدى: حالىقتىق كاسىپورىندار رەفورما جاساۋدىڭ، ەسىك اشۋدىڭ ۇلى بارىسىنا ىلەسە قارىشتاپ دامىعان. نەشە ون جىلدان بەرى، حالىقتىق شارۋاشىلىقتىڭ رەفورما جاساۋداعى، ەسىك اشۋداعى جانە سوتسياليستىك وسىزامانداندىرۋ قۇرىلىسى ىستەرىندەگى ورنى مەن رولى جونىندەگى تانىم، پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى باعىت - ساياساتتارى پارتيامىزدىڭ نازارياسىمەن جانە امالياتىمەن تامىرلاس بولىپ، داۋىرمەن بىرگە العا باسىپ كەلدى. جۇڭگو كوممۋنيستىك پارتياسى حالىققا باسشىلىق ەتىپ سوتسياليستىك بازار شارۋاشىلىعىن دامىتادى، جالپىلىق مەنشىككە جاتپايتىن شارۋاشىلىق − ەلىمىزدىڭ سوتسياليستىك بازار شارۋاشىلىعىنىڭ ماڭىزدى قۇرامداس بولەگى، ول نەگىزگى زاڭ مەن زاڭداردىڭ قورعاۋىندا بولادى؛ پارتيا مەن مەملەكەت سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرىپ، قولداۋ كورسەتىپ، جەتەكشىلىك ەتەدى؛ پارتيا مەن مەملەكەت ءتۇرلى مەنشىكتەگى شارۋاشىلىقتىڭ ءوندىرىس فاكتورلارىنان زاڭ بويىنشا تەڭ پايدالانۋىنا، بازار باسەكەسىنە ءادىل قاتىناسۋىنا، زاڭنىڭ قورعاۋىنا تەڭ دارەجەدە يە بولۋىنا شىنايى كەپىلدىك ەتىپ، ءتۇرلى مەنشىكتەگى شارۋاشىلىقتىڭ باسىمدىقتار ارقىلى ءبىرىن - ءبىرى تولىقتاۋىن، بىرگە دامۋىن جەبەيدى، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەيدى. وسى نەگىزگى باعىت - ساياساتتار جۇڭگوشا سوتسياليستىك ءتۇزىم جۇيەسىنە ەنگىزىلدى، نەگىزگى زاڭ مەن پارتيا ۋستاۆىندا ايقىن بەينەلەندى، ءبىز وعان باستان - اياق تاباندى بولامىز جانە ونى تياناقتاندىرامىز، ونى وزگەرتۋگە بولمايدى ءارى وزگەرتپەيمىز.

ماقالادا بىلاي دەپ اتاپ كورسەتىلدى: جاڭا ءداۋىردىڭ جاڭا جورىعىندا حالىقتىق شارۋاشىلىقتىڭ دامۋ ءورىسى كەڭ، بولاشاعى نۇرلى. ەلىمىزدىڭ حالىقتىق شارۋاشىلىعى نەداۋىر كولەم قالىپتاستىرىپ، اسا اۋىر سالماق يەلەپ، جالپى تۇلعالىق قۋاتى، جاڭالىق اشۋ قۋاتى، بازارداعى باسەكەلىك قۋاتى بارىنشا جوعارىلاپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋگە بەرىك نەگىز قالادى. قازىر ساياسي ورتا، ەكونوميكالىق ورتا، قوعامدىق ورتا حالىقتىق شارۋاشىلىقتىڭ دامۋىنا توتەنشە ءتيىمدى، قالىڭ حالىقتىق كاسىپورىندار مەن حالىقتىق كاسىپورىنشىلاردىڭ بار ونەرىن ايگىلەيتىن ءساتى كەلدى. يدەيا مەن ارەكەتتى پارتيا ورتالىق كوميتەتىنىڭ ەل ءىشى - سىرتى جاعدايى جونىندەگى تۇجىرىمىمەن بىرلىككە كەلتىرىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، قيىنشىلىق پەن سىن - سايىستان كەلەشەكتى كورىپ، ءۇمىتتى كورىپ، بولاشاقتى كورىپ، دامۋ تاباندىلىعىن ساقتاپ، دامۋ سەنىمىن كۇشەيتىپ، كۇرەس جۇرگىزىپ جەڭىسكە جەتەتىن جىگەر - قايراتتى ساقتاۋ كەرەك.

ماقالادا بىلاي دەپ اتاپ كورسەتىلدى: حالىقتىق شارۋاشىلىقتىڭ دامۋىن جەبەيتىن ساياساتتىق شارالاردى تىڭعىلىقتى تياناقتاندىرۋ كەرەك. پارتيا ورتالىق كوميتەتى بەلگىلەگەن ىستەردى باتىل اتقارۋ كەرەك، سىلبىرلىققا، ءسوزبۇيدالىققا سالىنۋعا بولمايدى. ءبىرىنشى، ءوندىرىس فاكتورلارىن زاڭ بويىنشا تەڭ پايدالانۋداعى، بازار باسەكەسىنە ءادىل قاتىناسۋداعى ءتۇرلى كەدەرگىلەردى باتىل الاستاۋ كەرەك. حالىقتىق كاسىپورىندارعا ءادىل دامۋ ورايىن بەرىپ، ”تيىم سالىنباعاندارىن كىرگىزۋدىڭ“ تەرەڭ تامىر تارتۋىنا مۇمكىندىك جاساۋ كەرەك. نەگىزدىك قۇرىلعىلاردىڭ باسەكەلىك سالالارىنىڭ ءتۇرلى تيجارات تۇلعالارىنا ءادىل اشىق ۇستالۋىن ۇزدىكسىز ىلگەرىلەتىپ، حالىقتىق كاسىپورىنداردىڭ ”ەكى كەلەلى“ قۇرىلىس پەن ”ەكى جاڭا“ قىزمەتىنە بەلسەنە ات سالىسۋىنا قولداۋ كورسەتۋ كەرەك. حالىقتىق كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن ۇزدىكسىز كۇش سالا شەشۋ كەرەك. ەكىنشى، حالىقتىق كاسىپورىنداردىڭ ەسەپتەگى اقشاسىن كەشەۋىلدەتۋ ماسەلەسىن كۇش سالا شەشۋ كەرەك. جاڭادان ارتقان جەرگىلىكتى ۇكىمەتتەردىڭ ارناۋلى قارىزى سياقتى ساياساتتاردان ويداعىداي پايدالانىپ، قارىزدى اداقتاۋ اياق الىسىن شىنايى جەدەلدەتۋ كەرەك. زاڭ - ەرەجەلەردى اقاۋسىزداندىرىپ، سەنىمنەن ايرىلعانداردى جازالاپ ساقتاندىرۋدى كۇشەيتۋ كەرەك. ءۇشىنشى، حالىقتىق كاسىپورىندار مەن حالىقتىق كاسىپورىنشىلاردىڭ زاڭدى ۇقىق - مۇددەسىن شىنايى زاڭ بويىنشا قورعاۋ كەرەك. ەلىمىزدىڭ سوتسياليستىك زاڭمەن باسقارىلاتىن مەملەكەت ەكەندىگىن، ءتۇرلى مەنشىكتەگى كاسىپورىنداردىڭ زاڭعا قايشى ارەكەتتەرىن تەكسەرىپ ءبىر جاقتى ەتۋدەن جالتارۋعا بولمايتىندىعىن تانىپ جەتۋ كەرەك. الباتى اقى الۋ، الباتى ايىپ سالۋ، الباتى تەكسەرۋ، الباتى پەشەتتەۋدى شوعىرلى رەتتەپ - جونگە سالىپ، بەلگىلەمەگە قايشى باسقا جەردە زاڭ اتقارۋ مەن پايدا تابۋ سيپاتتى زاڭ اتقارۋدان باتىل ساقتانۋ كەرەك. ءتورتىنشى، قيىنشىلىق قىسپاعىنان ارىلتۋ ساياساتتارىن مۇقيات تياناقتاندىرۋ كەرەك. ساياساتتىڭ دالدىگىن جوعارىلاتىپ، شىندىقتى ءىس جۇزىنەن ىزدەپ، جان - جاقتى شارا قولدانىپ، شوعىرلانۋ اسەرىن ساۋلەلەندىرۋ كەرەك. بەسىنشى، ۇكىمەت پەن ساۋدانىڭ ەتەنە، پاك قاتىناسىن ىشكەرىلەي ورناتۋ كەرەك. ”باۋىرمالدىق“ پەن ”كىرشىكسىزدىك“ ءمانى جاعىنان العاندا، ءىس ىستەۋ مەن كىرشىكسىزدىكتىڭ قاتىناسى، ديالەكتيكالىق بىرلىك، ءبىر - بىرىنە قايشى كەلمەۋىنە ابدەن بولادى.

ماقالادا بىلاي دەپ اتاپ كورسەتىلدى: قالىڭ حالىقتىق كاسىپورىندار مەن حالىقتىق كاسىپورىنشىلار ءداۋىردىڭ اۋىر مىندەتىن باتىلدىقپەن ارقالاپ، باتىلدىقپەن ىستەپ، شەبەرلىكپەن ىستەپ، شەبەرلىكپەن تابىسقا جەتىپ، شارۋاشىلىق قۇرۋ جانە وتان ءۇمىتىن اقتاۋ ىنتاسىن تاسقىنداتىپ، كاسىپورىنشىلار رۋحىن ساۋلەلەندىرىپ، بار ىنتا - پەيىلىمەن كاسىپورىندى الۋەتتەندىرىپ، ساپالىلاندىرىپ، زورايتىپ، جۇڭگوشا سوتسياليزمنىڭ قۇرىلىسشىلارى، جۇڭگو ۇلگىسىندەگى وسىزامانداندىرۋدىڭ جەبەۋشىلەرى بولۋعا تاباندى بولۋى كەرەك. جوعارى ساپالى دامۋ جولىمەن بۇلجىماي ءجۇرىپ، دەربەس جاڭالىق اشۋدى كۇشەيتىپ، دامۋ تاسىلىندە بۇرىلىس جاساپ، كاسىپورىنداردىڭ ساپاسىن، ونىمدىلىگىن جانە وزەكتى باسەكەلىك قۋاتىن ۇزدىكسىز جوعارىلاتۋ كەرەك. جۇڭگوشا وسىزامانعى كاسىپورىن ءتۇزىمىنىڭ تالابى بويىنشا كاسىپورىنداردى جونگە سالۋ قۇرىلىمىن كەمەلدەندىرۋ كەرەك. ادال، زاڭعا بويسۇنىپ تيجارات جۇرگىزۋگە تاباندى بولىپ، سانالى تۇردە زاڭعا قۇرمەت ەتۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ كەرەك. قوعامدىق جاۋاپكەرشىلىكتى بەلسەنە اتقارىپ، جاراسىمدى ەڭبەك قاتىناسىن بەلسەنە ورناتىپ، قوعامعا كوبىرەك مەيىر باعىشتاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.