دۇنيە ءجۇزى بويىنشا تۇڭعىش رەت! كومىرتەگىنسىز ەرەكشە عيمارات رەسمي پايدالانۋعا بەرىلدى 

دۇنيە ءجۇزى بويىنشا تۇڭعىش رەتكى كومىرتەگىنسىز ەرەكشە عيمارات 8 – ايدىڭ 24 – كۇنى شاندۇڭ ولكەسىنىڭ چيڭداۋ قالاسىندا رەسمي ىسكە قوسىلدى، فوتوەلەكترلىك توك تاراتۋدان سىرت، بۇل عيمارات ساتىلى ەنەرگيا ساقتاۋ باتەرياسى جانە جاڭا ەنەرگيالى اۆتوموبيلدى زارياتسىزداندىرۋ جولىمەن %100 تىك جاسىل تيپتى ەنەرگيامەن الماستىرۋدى ىسكە اسىرعان، اتالعان قۇرىلىستىڭ رەسمي ىسكە قوسىلۋى ەلىمىزدىڭ كومىرتەگىنسىز قۇرىلىس سالۋ جاعىندا جاڭا ىلگەرىلەۋشىلىككە قول جەتكىزگەنىن كورسەتەدى.

دۇنيە ءجۇزى بويىنشا تۇڭعىش كومىرتەگىنسىز ەرەكشە عيماراتتىڭ بيىكتىگى 117 مەتر، جيىنى 23 قاباتتىق قىزمەت رايونى بار، كۇندىك ورتاشا ەلەكتردەن پايدالانۋ مولشەرى شامامەن 6000 كيلوۆات – ساعات. قۇرىلىستىڭ شىعىس، باتىس، وڭتۇستىك ءۇش جاعىنا تۇگەلدەي قۇرىلىسپەن ءبىر تۇلعالاندىرىلعان فوتوەلەكترلىك اينەك پەردەلى داۋال قولدانىلعان، بۇل قۇرىلىسقا ءبىر قابات ”ەلەكتر تاراتاتىن كيىم“ كيگىزگەنمەن بارابار بولىپ، تىكەلەي تۇراقتى توكپەن قامداي الادى، تەك جاقىن ماڭدا پايدالانۋعا مۇمكىندىك جاساپ قويماي، تۇراقتى توكتى اينىمالى توككە اينالدىرۋ بارىسىندا تۋىندايتىن شىعىننىڭ الدىن الادى، عيماراتقا قاجەتتى جاسىل ەنەرگيانىڭ %25 ىن قامداپ، ءبىر جىلدا ىعىستىرىلاتىن كومىرتەگى مولشەرىن 500 توننا ازايتادى.

عيماراتتىڭ ەڭ تومەنگى بولىمىنە دە ”جاسىرىن ەنەرگيا“ ورنالاستىرىلعان، كەرەكتەن شىعارىلعان 14 اۆتوموبيلدىڭ موتورىنىڭ باتەرياسى وسى ارادا قالعان ەنەرگياسىمەن عيماراتتى قامداۋدا. باتەريالار كۇنىنە ءبىر رەت زارياتتالىپ، ءبىر رەت زارياتسىزداندىرىلادى، وسى بارىستا فوتوەلەكترلىك اينەك پەردە تۋىنداتقان ارتىق ەلەكتر مولشەرى وسى باتەريالارعا ساقتالىپ، ءتۇن ورتاسىندا ەلەكترمەن قامداۋعا پايدالانىلادى، ەلەكتر تورىنداعى زور مولشەردەگى جۇمسالىنباي قالعان تازا ەنەرگيانى ءار كيلوۆات – ساعاتىن 0.22 يۋاندىق تومەن باعامەن ساقتاپ، وسىدان پايدالانۋ ارقىلى ەلەكترمەن قاۋىرت قامداۋ قاجەت بولعان كەزدە نەمەسە جاڭبىرلى، بۇلتتى كۇندەرى ەلەكترمەن قامداۋدىڭ كوتەرىمدىلىگىن ءونىمدى رەتتەۋگە بولادى.

كەلۋ قاينارى: حالىق تورابى