جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قوناعاسى بەيجيڭدە سالتاناتپەن وتكىزىلدى

جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قوناعاسى بەيجيڭدە سالتاناتپەن وتكىزىلدى

شي جينپيڭ ماڭىزدى ءسوز سويلەپ، بىلاي دەپ باسا دارىپتەدى: ادىلەت سەنىمىنەن اۋىتقۋعا بولمايدى، بەيبىتشىلىك ءۇمىتىن بوگەۋگە بولمايدى، حالىقتىڭ كۇشى جەڭىمپاز. ءارقانداي كەزدە بارلىعىمىز بۇكىل ادامزاتتىڭ ورتاق قۇندىلىعىن ايگىلەپ، حالىقارانىڭ ادىلدىگىن، ادىلەتتىلىگىن باتىل قورعاپ، دۇنيە ءجۇزىنىڭ ىزگىلىككە تولى، اسپانىنىڭ اشىق بولۋىنا مۇمكىندىك جاساۋىمىز؛ بارلىعىمىز بەيبىت دامۋ جولىمەن جۇرۋگە تاباندى بولىپ، دۇنيە ءجۇزىنىڭ بەيبىتشىلىگىن، تىنىشتىعىن باتىل قورعاپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋىمىز؛ بارلىعىمىز حالىقتىڭ كوڭىلىن ويلاپ، الەمنىڭ يگىلىگىن كوزدەپ، حالىقتىڭ قۇت ـ ىرىسىن مولايتۋ جولىندا قاجىماي ـ تالماي قۇلشىنۋىمىز كەرەك.

لي چياڭ باسقاردى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتىناستى

9 - ايدىڭ 3 - كۇنى جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قوناعاسى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوناعاسىعا قاتىناستى ءارى ماڭىزدى ءسوز سويلەدى. سۋرەتتە: شي جينپيڭ مەن حانىمى پىڭ لييۋان قوناعاسىعا قاتىناسۋعا كەلگەن شەتەل باسشىلارىمەن جانە ولاردىڭ جۇبايلارىمەن بىرگە قوناعاسى زالىنا كىرۋدە.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قوناعاسى 9 ـ ايدىڭ 3 ـ كۇنى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوناعاسىعا قاتىناستى ءارى ماڭىزدى ءسوز سويلەپ، بىلاي دەپ باسا دارىپتەدى: ادىلەت سەنىمىنەن اۋىتقۋعا بولمايدى، بەيبىتشىلىك ءۇمىتىن بوگەۋگە بولمايدى، حالىقتىڭ كۇشى جەڭىمپاز. ءارقانداي كەزدە بارلىعىمىز بۇكىل ادامزاتتىڭ ورتاق قۇندىلىعىن ايگىلەپ، حالىقارانىڭ ادىلدىگىن، ادىلەتتىلىگىن باتىل قورعاپ، دۇنيە ءجۇزىنىڭ ىزگىلىككە تولى، اسپانىنىڭ اشىق بولۋىنا مۇمكىندىك جاساۋىمىز؛ بارلىعىمىز بەيبىت دامۋ جولىمەن جۇرۋگە تاباندى بولىپ، دۇنيە ءجۇزىنىڭ بەيبىتشىلىگىن، تىنىشتىعىن باتىل قورعاپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋىمىز؛ بارلىعىمىز حالىقتىڭ كوڭىلىن ويلاپ، الەمنىڭ يگىلىگىن كوزدەپ، حالىقتىڭ قۇت ـ ىرىسىن مولايتۋ جولىندا قاجىماي ـ تالماي قۇلشىنۋىمىز كەرەك.

لي چياڭ قوناعاسىن باسقاردى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قوناعاسىعا قاتىناستى.

تۇستەن بۇرىن ساعات 11دەن 30 مينۋت وتكەندە «بەيبىتشىلىك — تاعدىرلاس ورتاق تۇلعا» مۋزيكا ءۇنى ىشىندە شي جينپيڭ مەن حانىمى پىڭ لييۋان قوناعاسىعا قاتىناسقان شەتەل باسشىلارىمەن جانە ولاردىڭ جۇبايلارىمەن بىرگە قوناعاسى زالىنا كىردى. بۇكىل الاڭدا دۋ قول شاپالاق ءۇنى كوتەرىلدى.

قوناعاسى باستالدى. شي جينپيڭ ماڭىزدى ءسوز سويلەدى. ول الدىمەن جۇڭگو ۇكىمەتى مەن جۇڭگو حالقى اتىنان كوپشىلىكتىڭ كەلگەندىگىن شىنايى قارسى الاتىندىعىن ءبىلدىرىپ، بۇكىل ەلدەگى ءار ۇلت حالقىن جانە دۇنيە جۇزىندەگى ءار ەل حالقىن جەڭىستى ەسكە ءتۇسىرۋ كۇنىمەن قىزۋ قۇتتىقتادى.

شي جينپيڭ بىلاي دەپ اتاپ كورسەتتى: 80 جىلدىڭ الدىندا جۇڭگو حالقى 14 جىل قاندى شايقاس جۇرگىزۋ ارقىلى جاپون ميليتاريزمى شاپقىنشىلارىن تۇبەگەيلى جەڭىپ، دۇنيە جۇزىلىك فاشيزمگە قارسى سوعىستىڭ تولىق جەڭىسكە جەتكەندىگىن جاريالادى. بۇل جۇڭحۋا ۇلتىنىڭ تاياۋ زاماننان بەرى اۋىر داعدارىسقا كىرىپتار بولۋدان ۇلى گۇلدەنۋگە قاراي بەت الۋىنداعى تاريحي بۇرىلىس ءتۇيىنى ءارى دۇنيە ءجۇزى دامۋىنداعى ءبىر كەلەلى بۇرىلىس ءتۇيىنى. بۇل ۇلى جەڭىسكە جۇڭگو حالقى فاشيزمگە قارسى وداقتاس ەلدەرمەن جانە ءار ەل حالقىمەن بىلەك بىرىكتىرە سوعىس جۇرگىزىپ قول جەتكىزگەن. جۇڭگو حالقىنىڭ شاپقىنشىلارعا قارسى تۇرۋىنا قولداۋ كورسەتكەن جانە كومەكتەسكەن شەتەل ۇكىمەتتەرىن جانە حالىقاراداعى دوستاردى جۇڭگو ۇكىمەتى مەن جۇڭگو حالقى ماڭگى ۇمىتپايدى.

شي جينپيڭ بىلاي دەپ باسا دارىپتەدى: مەزەتتىك كۇشتى ـ السىزدىك بىلەكتەن، ماڭگىلىك جەڭىس ـ جەڭىلىس جوسىننان. ادىلەت، شۇعىلا، العا باسۋ، ءسوز جوق، سۇرقيالىقتى، قاراڭعىلىقتى، كەرتارتپالىقتى جەڭەدى. ادامزات ءبىر عالامشاردا جاساپ جاتىر، قيىندىقتى بىلەك بىرىكتىرە جەڭۋگە، تاتۋ ـ ءتاتتى بىرگە جاساۋعا ءتيىس، ازۋلىلار السىزدەردى باسىناتىن ورمان زاڭىنا استە قايتۋىنا بولمايدى.

شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ — بەيبىت دامۋ جولىمەن جۇرەتىن وسىزامانداندىرۋ، جۇڭگو ماڭگى دۇنيە ءجۇزىنىڭ بەيبىتشىلىك كۇشى، ورنىقتىلىق كۇشى، العا باسۋ كۇشى بولادى. ءبىز ءار ەلدىڭ بارلىعىنىڭ تاريحتى اينا ەتىپ، تاتۋلىقتى بارىنەن باعالى ساناپ، دۇنيە ءجۇزىنىڭ وسىزاماندانۋىن بىرگە ىلگەرىلەتىپ، ادامزاتتىڭ اناعۇرلىم كوركەم بولاشاعىن اشۋىن شىن جۇرەكتەن ءۇمىت ەتەمىز.

كوڭىلدى دە ويناقى مۋزيكا ءۇنى ىشىندە شي جينپيڭ جۇڭگولىق، شەتەلدىك سيلى قوناقتارمەن بىرگە توست كوتەرىپ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس ۇلى جەڭىسىن بىرگە قۇتتىقتاپ، دۇنيە ءجۇزىنىڭ بەيبىت بولۋىن بىرگە تىلەدى.

قوناعاسىدا شي جينپيڭ مەن پىڭ لييۋان سيلى قوناقتارمەن بىرگە «تاريحتى اينا ەتىپ، بولاشاقتى بىرگە اشايىق» اتتى نەگىزگى تاقىرىپتاعى ادەبيەت ـ كوركەمونەر كونسەرتىن تاماشالادى.

جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن شەتەل باسشىلارى جانە قاتىستى ەلدەردىڭ جوعارى دارەجەلى ۋاكىلدەرى، حالىقارالىق ۇيىمداردىڭ جاۋاپتىلارى، بۇرىنعى ساياسي قايراتكەرلەر، ءار ەلدىڭ جۇڭگودا تۇراتىن ەلشىلەرى، اسكەري ءمانساپتىلار مەن حالىقارالىق ۇيىمداردىڭ جۇڭگودا تۇراتىن ۋاكىلدەرى، جۇڭگونىڭ جاپون شاپقىنشىلارىنا قارسى سوعىسىنىڭ جەڭىسى ءۇشىن ۇلەس قوسقان حالىقاراداعى دوستاردىڭ نەمەسە ولاردىڭ ءۇي ىشىندەگىلەرىنىڭ ۋاكىلدەرى قوناعاسىعا قاتىناستى.

قوناعاسىعا قاتىناسقانداردان تاعى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار، شياڭگاڭ ەرەكشە اكىمشىلىك رايونىنىڭ اكىمى، اۋمىن ەرەكشە اكىمشىلىك رايونىنىڭ اكىمى بار.

ورتالىقتاعى پارتيا، ۇكىمەت، ارميا، بۇقارالىق ۇيىمداردىڭ قاتىستى تاراۋلارىنداعى جانە بەيجيڭ قالاسىنداعى نەگىزگى جاۋاپتى جولداستار، جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەر، ساقا جولداستار، جاپون شاپقىنشىلارىنا قارسى سوعىس قۇرباندارى تۋىس ـ تۋعاندارىنىڭ ۋاكىلدەرى، گومينداڭنىڭ جاپون شاپقىنشىلارىنا قارسى سوعىسقا قاتىناسقان ساقا اسكەرلەرى ۋاكىلدەرى، ەل ءىشى ـ سىرتىنداعى وتانشىل قايراتكەرلەردىڭ، جاپون شاپقىنشىلارىنا قارسى سوعىسقا قاتىناسقان قولباسىلاردىڭ ءۇي ىشىندەگىلەرى ۋاكىلدەرى، ءارقايسى دەموكراتيالىق پارتيا ـ توپتار ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ نەگىزگى جاۋاپتىلارى مەن پارتيادا، توپتا جوق قايراتكەرلەر ۋاكىلدەرى، ەڭبەك ءسىڭىرىپ داڭققا يە بولعانداردىڭ ۋاكىلدەرى، شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى چياۋباۋلاردىڭ ۋاكىلدەرى قاتارلىلار دا قوناعاسىعا قاتىناستى.