بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.09.05 16:18 كەلۋ قاينارى : شينجياڭ گازەتى
بۇكىل ەلدەگى باۋىرلاستار،
قۇرمەتتى ءار ەل باسشىلارى، ۇكىمەت باسشىلارى جانە حالىقارالىق ۇيىمداردىڭ ۋاكىلدەرى،
قۇرمەتتى قوناقتار،
پاراتتان وتكەن بارلىق قولباسىلار مەن جاۋىنگەرلەر،
جولداستار، دوستار:
بۇگىن ءبىز سالتاناتتى جينالىس وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرىپ، تاريحتى بىرگە ەستە بەرىك ساقتاپ، ارداگەر قۇربانداردى ساعىنا ەسكە الىپ، بەيبىتشىلىكتى قاستەرلەپ، بولاشاققا جول اشۋدامىز.
مەن جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان بۇكىل ەلدەگى جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە، ساقا جولداستارعا، وتانشىل قايراتكەرلەرگە جانە جاپون شاپقىنشىلارىنا قارسى سوعىس قولباسىلارىنا، جۇڭگو حالقىنىڭ جاپون شاپقىنشىلارىنا قارسى سوعىس جەڭىسى ءۇشىن ەلەۋلى ۇلەس قوسقان ەل ءىشى ـ سىرتىنداعى جۇڭحۋا پەرزەنتتەرىنە وسكەلەڭ قۇرمەت بىلدىرەمىن! جۇڭگو حالقىنىڭ شاپقىنشىلىققا قارسى تۇرۋىنا قولداۋ كورسەتكەن جانە كومەكتەسكەن شەتەل ۇكىمەتتەرىنە جانە حالىقاراداعى دوستارعا شىن جۇرەكتەن العىس ايتامىن! بۇگىنگى جينالىسقا قاتىناسقان ءار ەلدەن كەلگەن قوناقتاردى قىزۋ قارسى الامىن!
جولداستار، دوستار!
جۇڭگو حالقىنىڭ جاپون شاپقىنشىلارىنا قارسى سوعىسى توتەنشە ماشاقاتتى ۇلى سوعىس. جۇڭگو كوممۋنيستىك پارتياسىنىڭ دارىپتەۋىمەن قۇرىلعان جاپون شاپقىنشىلارىنا قارسى ۇلتتىق بىرلىكساپ تۋى استىندا، جۇڭگو حالقى قۇرىشتاي مويىماس قايسارلىقپەن كۇشتى جاۋمەن شايقاسىپ، جان ـ تانىمەن قۇرىش قورعان سوعىپ، تاياۋ زاماننان بەرگى سىرتقى جاۋدىڭ شاپقىنشىلىعىنا قارسى تۇرۋداعى تۇڭعىش تولىق جەڭىسكە قول جەتكىزدى.
جۇڭگو حالقىنىڭ جاپون شاپقىنشىلارىنا قارسى سوعىسى — دۇنيە جۇزىلىك فاشيزمگە قارسى سوعىستىڭ ماڭىزدى قۇرامداس بولىگى، جۇڭگو حالقى وراسان زور ۇلتتىق قۇرباندىق بەرىپ، ادامزات وركەنيەتىن قۇتقارۋعا، دۇنيە ءجۇزىنىڭ بەيبىتشىلىگىن قورعاۋعا ەلەۋلى ۇلەس قوستى.
تاريح بىزگە مىنانى ەسكەرتتى: ادامزاتتىڭ تاعدىرى بەينەت پەن زەينەتتى بىرگە وتكەرۋدە، ءارقايسى ەل، ءارقايسى ۇلت تەڭ تۇرعىدا مامىلە جاساپ، تاتۋ ـ ءتاتتى ءوتىپ، ءبىر ـ بىرىنە قارايلاسقاندا عانا ورتاق حاۋىپسىزدىكتى قورعاپ، سوعىس قاينارىن جويىپ، تاريحي تراگەديانىڭ قايتا تۋىلۋىنان ساقتانا الادى!
جولداستار، دوستار!
جۇڭحۋا ۇلتى — زورلىق ـ زومبىلىقتان قورىقپايتىن، ءوز كۇشىنە سۇيەنىپ، ءوزىن الۋەتتەندىرەتىن ۇلى ۇلت. سول جىلدارى ادىلەت پەن سۇرقيالىقتىڭ، جارىق پەن قاراڭعىلىقتىڭ، العا باسۋ مەن كەرتارتپالىقتىڭ ولىسپەي ـ بەرىسپەيتىن بەلدەسۋى الدىندا جۇڭگو حالقى جاۋعا بىرگە كەكتەنىپ، ەرلىكپەن قارسىلىق كورسەتىپ، مەملەكەتتىڭ ءومىر ءسۇرۋى ءۇشىن شايقاستى، ۇلتتىڭ گۇلدەنۋى ءۇشىن شايقاستى، ادامزاتتىڭ ادىلەتتىلىگى ءۇشىن شايقاستى. بۇگىنگى تاڭدا ادامزات تاعى دا بەيبىت ءوتۋ كەرەك پە، الدە سوعىسۋ كەرەك پە، تىلدەسۋ كەرەك پە، الدە قارسىلاسۋ كەرەك پە، تەڭ يگىلىككە كەنەلۋ كەرەك پە، الدە تەكە ـ تىرەسكە ءتۇسۋ كەرەك پە دەگەن تالعامعا ءدوپ كەلدى. جۇڭگو حالقى باتىل تۇردە تاريحتىڭ دۇرىس جاعىندا تۇرىپ، ادامزات وركەنيەتىنىڭ العا باسۋى جاعىندا باتىل تۇرىپ، بەيبىت دامۋ جولىمەن جۇرۋگە تاباندى بولىپ، ءار ەل حالقىمەن قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرادى.
جۇڭگو حالىق ازاتتىق ارمياسى قاشاندا پارتيا مەن حالىق بۇكىلدەي سەنەتىن قاھارمان اسكەري ءبولىم. بۇكىل ارمياداعى قولباسىلار مەن جاۋىنگەرلەر قاسيەتتى مىندەت جاۋاپكەرشىلىگىن ادالدىقپەن وتەپ، دۇنيە جۇزىندەگى بىرەگەي ارميا قۇرۋدى جەدەلدەتىپ، مەملەكەتتىڭ يەلىك ۇقىعىن، بىرلىگىن، تەرريتوريا تۇتاستىعىن باتىل قورعاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوسۋى كەرەك!
تاريح وتكەندى ەستەلىككە العان ءارى ول بولاشاق جونىندە وي سالادى. جاڭا ءداۋىردىڭ جاڭا جورىعىندا بۇكىل ەلدەگى ءار ۇلت حالقى جۇڭگو كوممۋنيستىك پارتياسىنىڭ پارمەندى باسشىلىعىندا، ماركسيزم ـ لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، جاڭا داۋىردەگى جۇڭگوشا سوتسياليزم يدەياسىن جاپپاي دايەكتىلەندىرىپ، جۇڭگوشا سوتسياليزم جولىمەن بۇلجىماي ءجۇرىپ، جاپون شاپقىنشىلارىنا قارسى سوعىس ۇلى رۋحىن جالعاستىرىپ جانە اسقاقتاتىپ، اسقاق جىگەرمەن قايراتتانا ۇمتىلىپ، باتىلدىقپەن العا ىلگەرىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك!
جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى! ادامزاتتىڭ بەيبىتشىلىگى مەن دامۋى سىندى ۇلى ءىس، ءسوزسىز، جەڭەدى!
(شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى)
