بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.09.05 16:20 كەلۋ قاينارى : شينجياڭ گازەتى
قۇرمەتتى قوناقتار، دوستار، جولداستار:
اۋەلى، مەن جۇڭگو ۇكىمەتى جانە جۇڭگو حالقى اتىنان كوپشىلىكتىڭ كەلگەندىگىن قىزۋ قارسى الامىن! وسىندا وتىرعان بارلىقتارىڭىزدى، ەلىمىزدەگى ءار ۇلت حالقىن جانە دۇنيە جۇزىندەگى ءار ەل حالقىن جەڭىستى ەسكە ءتۇسىرۋ كۇنى بايلانىسىمەن قىزۋ قۇتتىقتايمىن!
80 جىلدىڭ الدىندا جۇڭگو حالقى 14 جىل قاندى شايقاس جۇرگىزۋ ارقىلى جاپون ميليتاريزمى شاپقىنشىلارىن تۇبەگەيلى جەڭىپ، دۇنيە جۇزىلىك فاشيزمگە قارسى سوعىستىڭ تولىق جەڭىسكە جەتكەندىگىن جاريالادى. بۇل — جۇڭحۋا ۇلتىنىڭ تاياۋ زاماننان بەرى اۋىر داعدارىسقا كىرىپتار بولۋدان ۇلى گۇلدەنۋگە قاراي بەت الۋىنداعى تاريحي بۇرىلىس ءتۇيىنى ءارى دۇنيە ءجۇزى دامۋىنداعى ءبىر كەلەلى بۇرىلىس ءتۇيىنى.
بۇل ۇلى جەڭىسكە جۇڭگو حالقى فاشيزمگە قارسى وداقتاس ەلدەرمەن جانە ءار ەل حالقىمەن بىلەك بىرىكتىرە سوعىس جۇرگىزىپ قول جەتكىزگەن. جۇڭگو حالقىنىڭ شاپقىنشىلارعا قارسى تۇرۋىنا قولداۋ كورسەتكەن جانە كومەكتەسكەن شەتەل ۇكىمەتتەرىن جانە حالىقاراداعى دوستاردى جۇڭگو ۇكىمەتى مەن جۇڭگو حالقى ماڭگى ۇمىتپايدى!
بۇگىن تۇستەن بۇرىن ءبىز سالتاناتتى اسكەري پارات وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن ەسكە تۇسىردىك، مۇنداعى ماقسات — تاريحتى ەستە بەرىك ساقتاۋ، ارداگەر قۇربانداردى ساعىنا ەسكە الۋ، بەيبىتشىلىكتى قاستەرلەۋ، بولاشاققا جول اشۋ.
تاريح بىزگە مىنانى ەسكەرتتى: ادىلەت سەنىمىنەن اۋىتقۋعا بولمايدى، بەيبىتشىلىك ءۇمىتىن بوگەۋگە بولمايدى، حالىقتىڭ كۇشى ماڭگى جەڭىمپاز!
مەزەتتىك كۇشتى ـ السىزدىك بىلەكتەن، ماڭگىلىك جەڭىس ـ جەڭىلىس جوسىننان. ادىلەت، شۇعىلا، العا باسۋ، ءسوزسىز، سۇرقيالىقتى، قاراڭعىلىقتى، كەرتارتپالىقتى جەڭەدى. ءبىز ءارقانداي كەزدە بۇكىل ادامزاتتىڭ ورتاق قۇندىلىعىن اسقاقتاتۋىمىز، حالىقارانىڭ ادىلدىگى مەن ادىلەتتىلىگىن باتىل قورعاپ، دۇنيە ءجۇزىنىڭ ىزگىلىككە تولى، اسپانىنىڭ اشىق بولۋىنا مۇمكىندىك جاساۋىمىز كەرەك.
ادامزات ءبىر عالامشاردا جاساپ جاتىر، قيىندىقتى بىلەك بىرىكتىرە جەڭۋگە، تاتۋ ـ ءتاتتى بىرگە جاساۋعا ءتيىس. ازۋلىلار السىزدەردى باسىناتىن ورمان زاڭىنا استە قايتۋىنا بولمايدى. ءبىز ءارقانداي كەزدە بەيبىت دامۋ جولىمەن جۇرۋگە تاباندى بولىپ، دۇنيە ءجۇزىنىڭ بەيبىتشىلىگى مەن تىنىشتىعىن باتىل قورعاپ، ادامزاتتىڭ تاعدىرلاس ورتاق تۇلعاسىن قول ۇستاسا بىرگە قۇرۋىمىز كەرەك.
حالىق — تاريحتى جاراتۋشى، باقىتتى تاماشا تۇرمىسقا تالپىنۋ — ءار ەل حالقىنىڭ ورتاق ارمانى. ءبىز ءارقانداي كەزدە حالىقتىڭ كوڭىلىن ويلاپ، الەمنىڭ يگىلىگىن كوزدەپ، حالىقتىڭ قۇت ـ ىرىسىن مولايتۋ جولىندا قاجىماي ـ تالماي قۇلشىنۋىمىز كەرەك.
جۇڭگو ۇلگىسىندەگى وسىزامانداندىرۋ — بەيبىت دامۋ جولىمەن جۇرەتىن وسىزامانداندىرۋ، جۇڭگو ماڭگى دۇنيە ءجۇزىنىڭ بەيبىتشىلىك كۇشى، ورنىقتىلىق كۇشى، العا باسۋ كۇشى بولادى. ءبىز ءار ەلدىڭ بارلىعىنىڭ تاريحتى اينا ەتىپ، تاتۋلىقتى بارىنەن باعالى ساناپ، دۇنيە ءجۇزىنىڭ وسىزاماندانۋىن بىرگە ىلگەرىلەتىپ، ادامزاتتىڭ اناعۇرلىم كوركەم بولاشاعىن بىرگە اشۋىن شىن جۇرەكتەن ءۇمىت ەتەمىز!
قازىر مەن مىناداي ۇسىنىس قويامىن:
جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىستىڭ ۇلى جەڭىسى ءۇشىن،
ادامزاتتىڭ ءۇرتىس بەيبىت، بىرگە گۇلدەنىپ ـ كوركەيگەن جارقىن بولاشاعى ءۇشىن،
توست كوتەرەيىك!
(شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى)
