جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ اسكەري پاراتىنا قاتىناسقان بارلىق قىزمەتكەرلەر ماراپاتتالدى

شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ءتوراعاسى شي جينپيڭ 9 ـ ايدىڭ 3 ـ كۇنى جالپى بۇيرىققا قول قويدى، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ اسكەري پاراتىنا قاتىناسقان بارلىق قىزمەتكەرلەر ماراپاتتالدى.

ماراپاتتاۋ بۇيرىعىندا مىنالار اتاپ كورسەتىلدى: جۇڭگو حالىقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتتى ەسكە ءتۇسىرۋ قيمىلىندا پاراتتان وتكەن اسكەري بولىمدەر رەسپۋبليكا قارۋلى كۇشتەرىنىڭ ۋاكىلى رەتىندە، رەتتى دە ايبىندى ارىندى قادامدارىمەن، ايبارلى دا اسقاق قۇرىشتاي شەبىمەن، ەكپىندەي العا ىلگەرىلەگەن اسقاق كەلبەتىمەن، ايبىندى دا جىگەرلى كوتەرىڭكى بەينەسىمەن پارتيا مەن حالىقتىڭ كوزدەن كەشىرۋىن داڭقپەن قابىلداپ، جاپون شاپقىنشىلارىنا قارسى سوعىس رۋحىن اسقاقتاتاتىن، ءداۋىر ەرەكشەلىگىن ايگىلەيتىن، ءىرى ەلدىك سالاۋاتقا يە، ارميانى قۇدىرەتتەندىرۋ كەلبەتىن ايگىلەيتىن اسكەري پارات سالتاناتىن ارنادى. پاراتتان وتكەن اسكەري بولىمدەردىڭ تارتىمدى دا تاماشا بەينەسى بۇكىل ارمياداعى وفيتسەر ـ جاۋىنگەرلەردىڭ ۇيتقىنى باتىل قورعايتىن، پارتيانىڭ قولباسشىلىعىنا باتىل بويسۇناتىن ساياسي قاسيەتىن جانە قان تامىردى جالعاستىرۋىن تولىق ايگىلەدى، جاڭا داۋىردەگى حالىق ارمياسىنىڭ ساياسي جاقتان ارميا قۇرۋداعى جاڭا كەلبەتىن، كۇش قۇرىلىمىنداعى جاڭا ورنالاسىمىن، وسىزامانداندىرۋ قۇرىلىسىنداعى جاڭا ىلگەرىلەۋشىلىكتەرىن، سوعىسقا دايىندالۋداعى، سوعىس جۇرگىزۋدەگى جاڭا ونىمدىلىكتەرىن جاپپاي ايگىلەپ، حالىق ارمياسىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايتىن، دۇنيە ءجۇزىنىڭ بەيبىتشىلىگىن تاباندىلىقپەن قورعايتىن بەكىمى مەن ەركىن جانە بەرىك ۇيتقىلىق ناقتى قۋاتىن شوعىرلى بەينەلەدى، ۇلت رۋحىن بارىنشا سەرپىلتىپ، وتانشىلدىق ىنتانى تاسقىنداتىپ، كۇرەس جۇرگىزۋ كۇشىن ۇيىستىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ سەنىمى مەن بەكىمىن اناعۇرلىم بەكەمدەدى.

ماراپاتتاۋ بۇيرىعىندا مىنالار اتاپ كورسەتىلدى: اسكەري پارات مىندەتىنىڭ جەڭىسپەن ورىندالۋى — پاراتتان وتكەن اسكەري بولىمدەردىڭ پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ شەشىمدەرىن، نۇسقاۋلارىن باتىل دايەكتىلەندىرىپ، بورىشتى، جاۋاپكەرشىلىكتى ەستە بەرىك ساقتاپ، جوعارىدان تومەنگە دەيىن زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرىپ، مۇراتتان جازباي كۇرەس جۇرگىزىپ قامال الۋىنىڭ ناتيجەسى. پاراتتان وتكەن قالىڭ وفيتسەر ـ جاۋىنگەرلەر قيان ـ كەسكى شايقاس جۇرگىزۋگە باتىل بولىپ، قاجىرلىلىقپەن جاتتىعىپ، ۇزدىك بولۋعا تالپىندى، ءار دارەجەلى قولباسشىلىق قۇرىلىمدارى دەن قويا جوسپارلاپ، قاتاڭ ۇيىمداستىرىپ، عىلمي جەتەكشىلىك ەتتى، ءتۇرلى قامتاماسىزداندىرۋ كۇشتەرى تىعىز سايكەسىپ، ءۇن ـ ءتۇنسىز ۇلەس قوسىپ، بار كۇشپەن تىرەك بولىپ، اسكەري پارات مىندەتىن تابىسپەن ورىنداۋعا ءتيىستى ۇلەس قوستى. اسكەري پارات امالياتى بارىسىندا پاراتتان وتكەن اسكەري بولىمدەر پارتياعا ادال بولاتىن، بۇيرىققا قاتاڭ بويسۇناتىن ساياسي قاسيەتىن، باتىلدىقپەن اۋىر مىندەت ارقالايتىن، بورىشتى ادا ەتەتىن جاۋاپكەرشىلىك ارقالاۋ رۋحىن، بىرەگەي بولۋعا ۇمتىلاتىن، باتىلدىقپەن جەڭىسكە جەتەتىن العا ىلگەرىلەۋ تانىمىن، قاجىرلىلىقپەن ناقتى ىستەيتىن، قايسارلىقپەن كۇرەس جۇرگىزەتىن تاماشا ستيلىن ايگىلەپ، جاڭا داۋىردەگى حالىق ارمياسىنىڭ تاماشا بەينەسىن، توڭكەرىستىك اسكەريلەردىڭ تاماشا بەينەسىن ورناتتى.

ماراپاتتاۋ بۇيرىعىندا مىنالار ۇندەلدى: بۇكىل ارمياداعى اسكەري بولىمدەر مەن قالىڭ وفيتسەر ـ جاۋىنگەرلەر پاراتتان وتكەن اسكەري بولىمدەردەن ۇيرەنىپ، سەنىمدى بەكەمدەپ، پارتيانىڭ قولباسشىلىعىنا بويسۇنىپ، اۋەلگى ماقساتتى امالياتتا ايگىلەپ، بورىشتى ارقالاپ، قايراتتانا العا ۇمتىلىپ، ىنتىماقتاسا كۇرەس جۇرگىزىپ، ارميانى قۇدىرەتتەندىرۋ ىستەرىن قۇلشىنا ىلگەرىلەتىپ، ارقالاعان مىندەت جاۋپكەرشىلىگىن باتىل اتقارۋى كەرەك. ءار دارەجەلى ورىندار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، ساياسي جاقتان ارميا قۇرۋعا، رەفورما ارقىلى ارميانى قۇدىرەتتەندىرۋگە، عىلىم ـ تەحنولوگيا ارقىلى ارميانى قۇدىرەتتەندىرۋگە، دارىندىلار ارقىلى ارميانى قۇدىرەتتەندىرۋگە، زاڭ بويىنشا ارميانى باسقارۋعا تاباندى بولىپ، ساياسي رەتتەۋ ـ جاتتىعۋدى تەرەڭدەتىپ، تاڭداۋلى ءداستۇردى اسقاقتاتىپ، كۇش ـ قۋاتتى شوعىرلاندىرا وتىرىپ جاتتىعۋ جاساپ، سوعىسقا دايىندالىپ، رەفورما جاساۋدى، جاڭالىق اشۋدى كۇشەيتىپ، قىزمەتتەردى تياناقتاندىرۋدى مىقتى يگەرىپ، پارتيامىز باسشىلىق ەتكەن وسى قاھارمان ارميانى اناعۇرلىم قۋاتتى ەتىپ سومداپ، ارميا قۇرىلعاندىعىنىڭ 100 جىلدىق كۇرەس نىساناسىن ۋاعىندا جۇزەگە اسىرۋ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ جولىندا قاجىماي ـ تالماي كۇرەس جۇرگىزۋى كەرەك!