دامىپ جاتقان جۇڭگو｜تۇنىق سۋ، جاسىل تاۋ ”اسەم سۋرەت“ قالىپتاستىرعان 

سۋرەتتە: ۋىنشيان اۋدانىنداعى تيانچى كولى. حالىق تورابىنىڭ ءتىلشىسى شاۋ لان فوتوسى

سۋرەتتە: جاڭبىردان كەيىن ۋىنشيان اۋدانىنداعى تيانچى كولى تۇمانعا وراندى. حالىق تورابىنىڭ ءتىلشسى شاۋ لان فوتوسى

تۇنىق سۋدىڭ بەتىنە جاسىل تاۋلار ساعىمى تۇسكەن، تاۋ شىڭدارى بۇلتقا ورانعان ۋىنشيان تيانچى كولى گانسۋ ولكەسى لۇڭنان قالاسىنداعى ۋىنشيان اۋدانىنىڭ اۋدان قالاشىعىنان 80 كيلومەتر قاشىقتىقتاعى قاتپارلى تاۋ قويناۋىنا ورنالاسقان. ”پەرىشتە تارانىپ جاتقاندا باعالى ايناسى قولىنان ءتۇسىپ كەتىپ كولگە اينالىپتى“ دەيتىن اڭىز وسى ءبىر اسقار تاۋلاردىڭ اراسىنا سىنالاعانداي اسەم كولگە سىرلى ءتۇس سيلاعان. بۇل ارادا سۋدىڭ ساعىمى مەن تاۋ كوركى ءبىر – بىرىمەن توعىسىپ، اسەم كورىنىس قالىپتاستىرعان.

سۋرەتتە: ساياحاتشىلار قايىققا وتىراتىن جەر. حالىق تورابىنىڭ ءتىلشىسى شاۋ لان فوتوسى

سۋرەتتە: ساياحاتشىلار قايىقپەن ۋىنشيان تيانچى كولىندە سەرۋەندەۋدە. حالىق تورابىنىڭ ءتىلشىسى شاۋ لان فوتوسى

سۋرەتتە: كولگە جاقىن جەردەگى حالىقتىق قونالقى. حالىق تورابىنىڭ ءتىلشىسى شاۋ لان فوتوسى

ساناققا قاراعاندا، 2025 – جىلى 8 – ايعا دەيىن، ۋىنشيان تيانچى كولى جيىنى 130 مىڭنان استام (رەت) ساياحاتشى قابىلداپ، سايكەستى مەزگىلدەگىدەن %61 ارتقان. كورىنىس رايونىنىڭ ماڭىنداعى سايكەستى شاراۋاشىلىقتار دا ءبىر ۋاقىتتا كوركەيگەن، حالىقتىق قونالقىلار مەن شارۋالار ساياجايلارىنىڭ جازدىق دەمالىس مەزگىلىندەگى تاپسىرىس قابىلداۋ مولشەرى %90 تەن اسقان، لۇڭناننىڭ ناعىز شارۋالار قۋىرماشى مەن كول بويىنداعى قونالقىلار شار – تاراپتان كەلگەن ساياحاتشىلاردى تيانچى كولىندە ەمىن – ەركىن ساياحاتتاپ، جاسىل تاۋ، تۇنىق سۋدىڭ اسەمدىگىنەن ءلاززاتتانۋعا باۋرادى. (ۋاڭ شاۋشاۋ، ۋاڭ تۇڭ، شاۋ لان)

كەلۋ قاينارى: حالىق تورابى