14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 17 - ءماجىلىسى بەيجيڭدە وتكىزىلدى

«حالىق گازەتى»، 9 - ايدىڭ 8 - كۇنى، بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 17 - ءماجىلىسى 9 - ايدىڭ 8 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى ءماجىلىسىن وتكىزدى. كوميتەت باستىعى جاۋ لىجي ءماجىلىستى باسقاردى.

تۇراقتى كوميتەت قۇرامىنداعىلاردان 157 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى مەڭگەرۋشىسىنىڭ ورىنباسارى لو يۋان جاساعان اتوم ەنەرگياسى زاڭى جوباسىن قاراپ شىعۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىنا مەملەكەت اتوم ەنەرگياسىنان بەيبىت پايدالانۋدى قولدايدى دەگەن بەلگىلەمە قوسىلدى؛ مەملەكەت اتوم ەنەرگياسى سالاسىنداعى ولشەم جۇيەسى قۇرىلىسىن كۇشەيتىپ، اتوم ەنەرگياسى سالاسىنداعى حالىقارالىق ولشەمدەندىرۋ قيمىلىن ىلگەرىلەتەدى، وعان قاتىناسادى دەگەن مازمۇن ايقىندالدى؛ يادرو قۇرىلعىلارى اينالىسىمەن شۇعىلداناتىن ورىندار قاجەتتى شارالار قولدانىپ، توراپتىق شابۋىل، سۇعاناقتىق، كەدەرگىلىك جانە ءبۇلدىرۋ سياقتىلاردان ساقتانۋى كەرەك دەپ بەلگىلەندى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى سۇڭ بين جاساعان توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا ۇكىمەت نەگىزگى ساتىداعى توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ قىزمەتىن قولداۋ، قامتاماسىزداندىرۋ تەبىنىن ونان ارى كۇشەيتەدى؛ توسىن تۋىلعان الەۋمەتتىك دەنساۋلىق ساقتاۋ وقيعالارىن باقىلاۋ جانە ينفورماتسيادان ورتاق يگىلىكتەنۋ كۇشەيتىلەدى دەگەن مازمۇندار بەلگىلەندى؛ ازىق - تۇلىك حاۋىپسىزدىگى زاڭى، ءدارى - دارمەك باسقارۋ زاڭى سياقتى قاتىستى زاڭدارمەن قولدانۋ قاتىناسى ونان ارى ايقىندالدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى شۇي حۇي جاساعان مەملەكەتتىك باقشا زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا مەملەكەتتىك باقشانىڭ ەكولوگياسىن قورعاۋ مازمۇنى تولىقتىرىلدى؛ مەملەكەتتىك باقشانىڭ ەكولوگياسى مەن مادەنيەت مۇرالارىن سەلبەسىپ قورعاۋ جونىندەگى بەلگىلەمەلەر قوسىلدى؛ مەملەكەتتىك باقشانى باسقارۋ شارالارى كەمەلدەندىرىلدى؛ بۇقارانىڭ مەملەكەتتىك باقشانى قورعاۋعا قاتىناسۋى جونىندەگى بەلگىلەمەلەر كەمەلدەندىرىلىپ، مەملەكەتتىك باقشانىڭ جالپى حالىقتىق الەۋمەتتىك يگىلىك سيپاتى ونان ارى ايگىلەندى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى ۋاڭ حۇڭشياڭ جاساعان تورەلىك ايتۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا ينفورماتسيا تورابىندا توراپتا تورەلىك ايتۋ ءتۇزىمى كەمەلدەندىرىلدى؛ ازاماتتىق ىستەر ارىز - شاعىم زاڭىنىڭ قاتىستى بەلگىلەمەلەرىمەن ۇشتاستىرىلىپ، تورەلىك ايتۋدان بۇرىن ىسكە قاتىستى ادامداردىڭ امان ساقتاۋ شارالارىن قولدانۋدى ءوتىنىش ەتۋى جونىندە بەلگىلەمە جاسالدى؛ ەرەكشە تورەلىك ايتۋدىڭ قولدانىلۋ كولەمى كەڭەيتىلدى؛ تورەلىك ايتۋدى قولدايتىن قاتىستى تۇزىمدەر كەمەلدەندىرىلدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى جوۋ گۋاڭچۋان جاساعان زاڭمەن جونگە سالۋ ۇگىت ـ تاربيە زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا زاڭمەن جونگە سالۋ ۇگىت - تاربيەسىنە قاتىستى مازمۇندار جونىندەگى بەلگىلەمەلەر تولىقتىرىلدى؛ تۇتاس قوعامدا نەگىزگى زاڭ مەن زاڭداردى بارىنەن جوعارى قويۋ، زاڭ الدىندا بارلىق ادامنىڭ تەرەزەسى تەڭ بولۋ سياقتى نەگىزگى زاڭمەن جونگە سالۋ كوزقاراسىن ورناتۋ مازمۇنى تولىقتىرىلدى؛ باقىلاۋ - تەكسەرۋ ورگاندارىنىڭ، سوت ورگاندارىنىڭ، پروكۋراتۋرا ورگاندارىنىڭ زاڭمەن جونگە سالۋ ۇگىت - تاربيەسىن ورىستەتۋ جونىندەگى بەلگىلەمەلەر بىرىكتىرىلدى، ت. ب.

ءماجىلىس شۇي حۇي جاساعان ازىق ـ تۇلىك حاۋىپسىزدىگى زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسىندا ءتۇيىندى سۇيىق كۇيدەگى ازىق - تۇلىك تىزىمدىگىن يكەمدى رەتتەۋ جونىندە بەلگىلەمە جاسالدى؛ جول تاسىمال تيجاراتشىلارىنىڭ تالاپ بويىنشا ءتۇيىندى سۇيىق كۇيدەگى ازىق - تۇلىكتى بىتىراتىپ تاسىمالداماۋ ءارى ءىسى اۋىر بولۋ ارەكەتى جونىندەگى جازا ايقىندالدى؛ جالعاننان جاسالعان، وزگەرتىپ جاسالعان نەمەسە جالعانىن پايدالانعان، وزگەرتىپ جاسالعانىن پايدالانعان تاسىمال ەستەلىگى، تاسىمال ىدىستارىن جۋۋ كۋالىگى سياقتى تالونداردى پايدالانۋ ارەكەتى جونىندە سايكەستى زاڭدىق جاۋاپكەرشىلىك قوسىلدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى حۋاڭ ميڭ جاساعان حاۋىپتى حيميالىق زاتتار حاۋىپسىزدىگى زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا مەملەكەت حاۋىپتى حيميالىق زاتتار تىزىمدىگىن باسقارۋ ءتۇزىمىن ورناتادى جانە كەمەلدەندىرەدى دەگەن مازمۇن ايقىندالدى؛ قاتىستى ورىندار مەن قىزمەتكەرلەردى شىرعالاڭنىڭ كومەسكى قاتەرىن مالىمدەۋگە شابىتتاندىرۋ مازمۇنى قوسىلدى؛ ۇكىمەتتىڭ قاتىستى تاراۋلارىنىڭ ءوز سالاسىنىڭ، ءوز ءوڭىرىنىڭ قاتىستى ورىندارىنىڭ حاۋىپتى حيميالىق زاتتاردى پايدالانۋىن باقىلاۋ - باسقارۋى كۇشەيتىلدى؛ حاۋىپتى حيميالىق زاتتار جول تاسىمالىنداعى باقىلاۋ - باسقارۋ شارالارى كەمەلدەندىرىلىپ، باقىلاۋ - باسقارۋ تەبىنى ارتتىرىلدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى شىن چۇنياۋ جاساعان ەكولوگيالىق ورتا زاڭناماسىنىڭ جالپى ەرەجەسىن قۇراستىرۋ جوباسىنا، ەكولوگيانى قورعاۋ قۇراستىرۋ جوباسىنا، جاسىل، تومەن كومىرتەكتى دامۋ قۇراستىرۋ جوباسىنا وزگەرىس ەنگىزۋ جاعدايى جونىندەگى مالىمەت تىڭدالدى. جالپى ەرەجە جوباسىنىڭ 2 - رەت قارالعان نۇسقاسىندا زاڭ شىعارۋ ماقساتى، ەكولوگيالىق ورتانىڭ انىقتاماسى سياقتى نەگىزگى بەلگىلەمەلەر كەمەلدەندىرىلدى؛ ەكولوگيالىق ورتانى قورعاۋدى باقىلاۋ - تەكسەرۋگە، ءادىليالىق جاقتان قامتاماسىزداندىرۋعا قاتىستى مازمۇندار تولىقتىرىلدى جانە كەمەلدەندىرىلدى؛ ەكولوگيالىق ورتانى باقىلاۋ - تەكسەرۋ، ەكولوگيانى قورعاۋعا تولەم بەرۋ ءتۇزىمى سياقتىلار ونان ارى كەمەلدەندىرىلدى. ەكولوگيانى قورعاۋ جوباسىنىڭ 2 ـ رەت قارالعان نۇسقاسىندا ۇستىرتتەگى بيولوگيالىق تۇرلەر، ەكولوگيالىق جۇيە سياقتىلار جونىندەگى عىلمي زەرتتەۋدى كۇشەيتۋ بەلگىلەندى؛ قالا مەن اۋىلدى جاسىلداندىرۋدا اقاۋسىز، حاۋىپسىز، قونىستانۋعا قولايلى بولۋ تالابىن قاناعاتتاندىرۋ ايقىن بەلگىلەندى؛ مەملەكەتتىڭ ەكولوگيالىق ونىمدەردى تەكسەرۋ، باقىلاۋ - تەكسەرۋ مەحانيزمىن ورناتۋ ايقىن بەلگىلەندى؛ مەملەكەتتىڭ ەكولوگيانى قورعاۋ جاعىنداعى حالىقارالىق اۋىس - كۇيىس پەن سەلبەستىكتى ورىستەتۋدى قولداۋ بەلگىلەمەسى سياقتىلار قوسىلدى. جاسىل، تومەن كومىرتەكتى دامۋدى قۇراستىرۋ جوباسىنىڭ 2 - رەت قارالعان نۇسقاسىندا جاسىل قاتىناس، جاسىل قۇرىلىس، اۋىل شارۋاشىلىعى، اۋىل - قىستاقتىڭ جاسىل، تومەن كومىرتەكتى دامۋى جونىندەگى بەلگىلەمەلەر كەمەلدەندىرىلدى؛ ءار سالاداعى جاراقسىز زاتتاردى اينالمالى پايدالانۋدى كۇشەيتىپ، جيناپ الۋعا جانە پايدالانۋعا قاتىستى تالاپتار ونان ارى ايقىندالدى؛ كليمات وزگەرىسىنە توتەپ بەرۋ ءتۇزىمىن جوبالاۋ كەمەلدەندىرىلدى، ت. ب.

ءماجىلىس جوۋ گۋاڭچۋان جاساعان مەملەكەتتىڭ دامۋ پلانى زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ ەكىنشى رەت قارالعان نۇسقاسىندا مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ، قاتىستى ارناۋلى كوميتەتتەرىنىڭ مەملەكەتتىڭ دامۋ پلانىن تەكسەرۋ جانە بەكىتۋ بارىسىنداعى قاتىستى مىندەتتەرى مەن تارتىپتەرى جونىندەگى بەلگىلەمەلەر قوسىلدى؛ ”جالپى بارىستىق حالىق دەموكراتياسىن امالياتتا ايگىلەۋ“ جونىندەگى بەلگىلەمەلەر قوسىلدى؛ ەلىمىزدىڭ پلان جۇيەسىنىڭ قۇرىلىمى، سونداي - اق ءتۇرلى پلانداردىڭ ورنى جانە ءوزارا قاتىناسى جونىندە بەلگىلەمەلەر جاسالدى، ت. ب.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى يۋان شۋحۇڭ جاساعان تۇرمە زاڭىنا وزگەرىس ەنگىزۋ جوباسىنا وزگەرىس ەنگىزۋ جاعدايى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا تۇرمەنىڭ قىلمىستىق جازانى اتقارۋ قيمىلىن كۇشەيتۋ جانە ارناعا ءتۇسىرۋ، تۇرمە حالىق ساقشىلارى قوسىنى قۇرىلىسىن كۇشەيتۋگە قاتىستى بەلگىلەمەلەر قوسىلدى؛ قىلمىسكەرلەردى تۇرمەدەن شىعارۋدان بۇرىن تاربيەلەۋ تۋراسىنداعى بەلگىلەمەلەرقوسىلدى؛ جەڭىل قىلمىس ەستەلىگىن پەشەتتەۋ تۋراسىنداعى بەلگىلەمەلەر كەمەلدەندىرىلدى؛ تۇرمە جانە ونداعى حالىق ساقشىلارىنىڭ زاڭ اتقارۋىن باقىلاۋ اناعۇرلىم كۇشەيتىلدى، جاۋاپكەرشىلىكتى قۋزاۋ مەحانيزمى كەمەلدەندىرىلدى، ت. ب.

پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ توراپ كەڭىستىگىن زاڭمەن باسقارۋ قۇرىلىسىن كۇشەيتۋ جونىندەگى ماڭىزدى ورنالاستىرۋىن دايەكتى تياناقتاندىرىپ، توراپ حاۋىپسىزدىگىنىڭ جاڭا جاعدايىنا، جاڭا تالابىنا سايكەسىپ، توراپ سالاسىنداعى قاتىستى زاڭ شىعارۋمەن ۇشتاسۋدى، سايكەسۋدى كۇشەيتىپ، تاماشا توراپ ەكولوگياسىن قالىپتاستىرۋدى ىلگەرىلەتۋ ءۇشىن، مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىقتارى ءماجىلىسى توراپ حاۋىپسىزدىگى زاڭىنا وزگەرىس ەنگىزۋ جوباسى جونىندەگى كەڭەس جوباسىن قاراۋعا ۇسىنۋدى ورتاعا قويدى. كوميتەت باستىقتارى ءماجىلىسىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتى مەڭگەرۋشىسىنىڭ ورىنباسارى ۋاڭ رۇيحى تۇسىنىك جاسادى.

جۇڭحۋا ۇلتى ورتاق تۇلعا تانىمىن بەرىك ورناتىپ، پارتيانىڭ 18 - قۇرىلتايىنان بەرگى جۇڭحۋا ۇلتى ورتاق تۇلعا قۇرىلىسى مەن ۇلتتار ىنتىماعى، العاباسارلىعى ىستەرىن ىلگەرىلەتۋ جاعىنداعى تابىستى تاجىريبەلەردى زاڭدىق بەلگىلەمەگە اينالدىرىپ، پارتيانىڭ ۇلت قىزمەتىنە جاپپاي باسشىلىعىنا ءتۇزىم، زاڭ جاعىنان كەپىلدىك ەتىپ، ۇلتتاردىڭ ىنتىماقتاسا كۇرەس جۇرگىزۋىنىڭ ورتاق يدەيالىق - ساياسي نەگىزى مەن زاڭمەن جونگە سالۋ نەگىزىن ۇزدىكسىز بەكەمدەۋ ءۇشىن، مەملەكەتتىك حالىق قۇرىلتايىنىڭ ۇلت كوميتەتى ۇلتتار ىنتىماعى، العاباسارلىعىن جەبەۋ زاڭى جوباسى جونىندەگى كەڭەس جوباسىن قاراۋعا ۇسىنۋدى العا قويدى. ۇلت كوميتەتىنىڭ مەڭگەرۋشى مۇشەسى بايىنچاۋلۋ تۇسىنىك جاسادى.

كۇيرەۋ جونىندەگى زاڭ - ءتۇزىمدەى كەمەلدەندىرىپ، ءار جاقتىڭ زاڭدى ۇقىق - مۇددەسىن قامتاماسىزداندىرىپ، اۋىر حاۋىپ - قاتەردەن ساقتانىپ جانە ونى شەشىپ، بازار شارۋاشىلىعى ءتارتىبىن قورعاپ، ساۋدا ورتاسىن ساپالىلاندىرۋ ءۇشىن، مەملەكەتتىك حالىق قۇرىلتايىنىڭ قازىنا - ەكونوميكا كوميتەتى كاسىپورىن كۇيرەۋ زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن ورتاعا قويدى. قازىنا - ەكونوميكا كوميتەتىنىڭ مەڭگەرۋشى مۇشەسى جۇڭ شان تۇسىنىك جاسادى.

مەملەكەتتە ءبىر تۇتاس قولدانىلاتىن ءتىل - جازۋدىڭ زاڭدىق ورنىن كۇشەيتۋ، تۇتاس قوعامنىڭ مەملەكەتتە ءبىر تۇتاس قولدانىلاتىن ءتىل - جازۋدى ارناعا ءتۇسىرىپ قولدانۋ تانىمىن كۇشەيتۋ، جاڭا داۋىردەگى ءتىل - جازۋ قىزمەتىن اناعۇرلىم كۇشەيتۋ ءۇشىن، مەملەكەتتىك حالىق قۇرىلتايىنىڭ وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتى مەملەكەتتە ءبىر تۇتاس پايدالانىلاتىن ءتىل - جازۋ زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەستىك جوبانى العا قويدى. وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ مەڭگەرۋشى مۇشەسى لو شۋگاڭ تۇسىنىك جاسادى.

اۋا ساپاسىن جاقسارتۋدى ىلگەرىلەتىپ، ەكولوگيالىق ورتانى قورعاۋدى كۇشەيتىپ، باجى الۋدى زاڭمەن بەلگىلەۋ پرينسيبىن تياناقتاندىرىپ، ۇشقىش ورگانيكالىق زاتتاردى ورتانى قورعاۋ باجىسىن الۋ كولەمىنە ەنگىزۋدى جەدەلدەتۋ ءۇشىن، مەملەكەتتىك كەڭەس ورتانى قورعاۋ باجى زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن ورتاعا قويدى. مەملەكەتتىك كەڭەستىڭ تاپسىرۋىمەن قازىنا مينيسترى لان فۋ - ان تۇسىنىك جاسادى.

جوعارى دەڭگەيدە سىرتقا ەسىك اشۋدى ىلگەرىلەتىپ، سىرتقى ساۋدانىڭ جوعارى ساپالى دامۋىن ىلگەرىلەتىپ، سىرتقى ساۋدا ءتارتىبىن قورعاپ، سىرتقى ساۋدا تيجاراتشىلارىنىڭ زاڭدى ۇقىق - مۇددەسىن قورعاپ، ساۋدادا قۋاتتى ەل قۇرۋدى جەدەلدەتۋ ءۇشىن، مەملەكەتتىك كەڭەس سىرتقى ساۋدا زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن ساۋدا مينيسترلىگىنىڭ مينيسترى ۋاڭ ۋىنتاۋ تۇسىنىك جاسادى.

مەملەكەتتىك كەڭەستىڭ تاپسىرۋىمەن سىرتقى ىستەر مينيسترلىگى مينيسترىنىڭ ورىنباسارى ما چاۋشۇي «جۇڭحۋا حالىق رەسپۋبليكاسى مەن سەربيا رەسپۋبليكاسىنىڭ ازاماتتىق ىستەر جانە ساۋدا ىستەرى جونىندەگى ءادىليالىق سەلبەستىك شارتىن» قاراپ بەكىتۋگە ۇسىنۋ تۋرالى كەڭەس جوباسى جونىندە تۇسىنىك، «جۇڭحۋا حالىق رەسپۋبليكاسى مەن سەربيا رەسپۋبليكاسىنىڭ وتكىزىپ بەرۋ شارتىن» قاراپ بەكىتۋگە ۇسىنۋ تۋرالى كەڭەس جوباسى جونىندە تۇسىنىك جاسادى.

ءماجىلىس كوميتەت باستىعى جاۋ لىجيدىڭ قىرعىزستان، ۆەنگريا، شۆەتساريادا ساپاردا بولۋ جانە 6 - رەتكى دۇنيە جۇزىلىك پارلامەنت باستىقتارى جينالىسىنا قاتىناسۋ جاعدايى جونىندەگى جازباشا بايانداماسىن قارادى.

ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ياڭ شياۋچاۋ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدادى.

ءماجىلىس تاعى مىندەتكە تاعايىنداۋ، مىندەتتەن قالدىرۋ جوباسىن قارادى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.

مەملەكەتتىك كەڭەس زۇڭليىنىڭ ورىنباسارى ليۋ گوجۇڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، ءبىر ءبولىم تەتە ولكە دارەجەلى قالالاردىڭ حالىق قۇرىلتايى تۇراقتى كوميتەتتەرىندەگى نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

كەلۋ قاينارى: حالىق تورابى