مەملەكەتتىك دەنساۋلىق ساقتاۋ – سالاماتتىق كوميتەتى: تولىمدىلىعى جوق تىركەلگىلەردىڭ كاسىپتىك ەمدەۋگە ساياتىن عىلىمدى جالپىلاستىرۋ مازمۇنىن جاريالاۋىنا قاتاڭ تيىم سالىنادى 

9 – ايدىڭ 8 – كۇنى، مەملەكەتتىك دەنساۋلىق ساقتاۋ – سالاماتتىق كوميتەتى اقپار جاريالاۋ ءماجىلىسىن اشىپ، ماۋسىم مەن امال جانە دەنساۋلىق تۋرالى جاعدايلاردى تانىستىردى ءارى تىلشىلەردىڭ سۇراۋىنا جاۋاپ قايتاردى. ماجىلىستە دەنساۋلىق ساقتاۋ – سالاماتتىق كوميتەتىنىڭ مالىمدەمەشىسى، ۇگىت ءبولىمىنىڭ ورىنباسار باستىعى حۋ چياڭچياڭ مىنانى ەسكەرتتى: عىلىمدى جالپىلاستىرۋ دەگەن جەلەۋمەن بەلگىلەمەگە قايشى تۇردە ەمدەۋ – دياگنوز قويۋ، زات ساتىپ، پايداعا كەنەلۋ تۇگەلدەي قاتىستى زاڭ – تۇزىمدەرگە قايشى كەلەدى. وسى تەكتەس جالعان عىلىمدى جالپىلاستىرۋ مازمۇندارىنىڭ ءسوزى ۇنەمى ۇشقارى بولادى، كەيبىرەۋىنىڭ كەسكىنى كۇڭگىرت بولىپ، عىلىمدى جالپىلاستىرۋعا ساياتىن جۇيەلى مازمۇنداردىڭ كورنەكتى ءارى جاتىق كەلەتىن ستيلىنەن مۇلدە باسقاشا بولادى. ەگەر وسى تەكتەس ارەكەتتەردى بايقاساڭىزدار، تىركەلگى اشىلعان تەكشە نەمەسە مەملەكەتتىك دەنساۋلىق ساقتاۋ – سالاماتتىق كوميتەتىنىڭ تورابىنداعى ”دەنساۋلىق تۋرالى عىلىمدى جالپىلاستىرۋ جاعىنداعى وسەك – اياڭداردى اشكەرەلەۋ تەكشەسى“ ارقىلى اشكەرەلەۋىڭىزگە بولادى. قاتىستى بەلگىلەمەلەرگە ساي، تولىمدىلىعى جوق تىركەلگىلەردىڭ كاسىپتىك ەمدەۋگە قاتىستى عىلىمدى جالپىلاستىرۋ سيپاتىنداعى مازمۇنداردى جاريالاۋىنا قاتاڭ تيىم سالىنادى.

كەلۋ قاينارى: حالىق تورابى