بازاردى باقىلاۋ – باسقارۋ تاراۋلارى اۋىل – قىستاقتاعى جالعان – جارامسىز ازىق – تۇلىك ونىمدەرىن قاتاڭ تەكسەردى 

ءتىلشىنىڭ 9 – ايدىڭ 11 – كۇنى ۇعىسۋىنشا، بازاردى باقىلاۋ – باسقارۋ باس مەڭگەرمەسى بيىل ءتۇيىندى وڭىرلەرگە نازاردى شوعىرلاندىرىپ، اۋىل – قىستاقتاعى جالعان – جارامسىز ازىق – تۇلىك ونىمدەرىن جونگە سالۋ تەبىنىن ارتتىرىپ، اۋىل – قىستاقتاعى بازارلاردا ”ۇشتەن جۇرداي“، ”كوشىرمە“ ازىق – تۇلىكتەردى، جالعان – جارامسىز، ۋاقىتى وتكەن ازىق – تۇلىكتەردى، كەلۋ قاينارى انىق بولماعان ازىق – تۇلىكتەردى ساۋدالاۋ قاتارلى كورنەكتى ماسەلەلەردى ءتۇيىندى تۇردە جونگە سالىپ، اۋىل – قىستاقتاعى ازىق – تۇلىك ساپاسىنىڭ حاۋىپسىزدىك ورەسىن كۇش سالا جوعارىلاتادى.

قازىرگە دەيىن، ءار دارەجەلى بازاردى باقىلاۋ – باسقارۋ تاراۋلارى ازىق – تۇلىكتەردى وندىرەتىن، ساۋدالايتىن تۇلعالاردان ەكى ميلليون 567 مىڭ 600 ورىنعا (رەت) تەكسەرۋ جۇرگىزىپ، ينتەرنەت ارقىلى جانە ينتەرنەتتەن تىس ءبىر – بىرلەپ تەكسەرۋ جۇرگىزۋ بارىسىندا زاڭعا قايشى 124.1 مىڭ دەرەكتى بايقاپ، زاڭعا قايشى 87.9 مىڭ دەلوعا تەكسەرۋ جۇرگىزىپ، جالعان – جارامسىز ازىق – تۇلىكتەردەن 1361.9 تونناسىن جيناپ العان، تەكشەلىك ساۋدا دۇكەندەرىنىڭ 158 تىركەلگىسىن توقتاتقان؛ قوعام حاۋىپسىزدىگى ورگاندارىمەن بىرگە جالعان ونىمدەرى جاسايتىن جانە ساتاتىن 155 اپاندى تالقانداپ، قىلمىس كۇماندىلارىنان 314 ادامدى تۇتقىنداپ، اۋىل – قىستاقتاعى ازىق – تۇلىك بازارىنىڭ ءتارتىبىن پارمەندى جۇيەگە تۇسىرگەن. (باس ستانسيا ورتالىق تەلەۆيزيا ءتىلشىسى لي جيڭجيڭ)

كەلۋ قاينارى: حالىق تورابى