14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 17 - ءماجىلىسى ەكىنشى جالپى جيىنىن وتكىزدى

«حالىق گازەتى»، 9 - ايدىڭ 10 - كۇنى، بەيجيڭ (تىلشىلەر پىڭ بو، چي يۇيكۇن). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 17 - ءماجىلىسى 9 - ايدىڭ 10 - كۇنى تۇستەن بۇرىن بەيجيڭدەگى حالىق سارايىندا ەكىنشى جالپى جيىنىن وتكىزدى. كوميتەت باستىعى جاۋ لىجي ماجىلىسكە قاتىناستى.

كوميتەت باستىعىنىڭ ورىنباسارى ديڭ جۇڭلي ءماجىلىستى باسقاردى. تۇراقتى كوميتەت قۇرامىنداعىلاردان 157 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

جيىن مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى جىڭ جيانباڭ جاساعان تۇراقتى كوميتەت زاڭنىڭ اتقارىلۋىن تەكسەرۋ گرۋپپاسىنىڭ جۇمىسشىلار ۇيىمى زاڭىنىڭ اتقارىلۋ احۋالىن تەكسەرۋ جونىندەگى بايانداماسىن تىڭدادى. باياندامادا مىنالار اتاپ كورسەتىلدى: پارتيا 18 - قۇرىلتايىنان بەرى جەر - جەر، تاراۋلار جۇمىسشى ۇيىمى زاڭىن مۇقيات دايەكتىلەندىرىپ، تياناقتاندىرىپ، جۇمىسشى ۇيىمى قىزمەتىن زاڭمەن جونگە سالۋ دەڭگەيىن ۇزدىكسىز جوعارىلاتىپ، كورنەكتى ونىمدىلىككە قول جەتكىزدى. باياندامادا جۇمىسشى ۇيىمى زاڭىن دايەكتى اتقارۋدىڭ جالپى جاعدايى، زاڭدى اتقارۋ بارىسىندا ورىن تەۋىپ وتىرعان قيىنشىلىقتار مەن ماسەلەلەر تانىستىرىلدى ءارى جۇمىسشى ۇيىمى زاڭىن اناعۇرلىم جاپپاي، ءونىمدى اتقارۋ جونىندە مىناداي ۇسىنىستار قويىلدى: جۇمىسشى ۇيىمىنىڭ ساياسي رولىن ساۋلەلەندىرىپ، وزەكتى جالپى جاعدايعا قىزمەت وتەۋ بارىسىندا ىسكەرلىكتى ايگىلەۋ؛ نەگىزدى بەكەمدەۋگە كۇش سالىپ، نەگىزگى ساتى جۇمىسشى ۇيىمىنىڭ قۇرىلىسىن كۇشەيتۋ؛ ۇقىقتى قورعاۋدىڭ باياندى مەحانيزمىن كەمەلدەندىرىپ، جۇمىسشى - قىزمەتكەرلەردىڭ زاڭدى ۇقىق - مۇددەسىن شىنايى قورعاۋ؛ جۇمىسشى - قىزمەتكەرلەرگە قىزمەت وتەۋ جۇيەسىن اقاۋسىزداندىرىپ، جۇمىسشى - قىزمەتكەرلەردىڭ كوڭىل تورىنەن ورىن الاتىن ”جۇمىسشى - قىزمەتكەرلەر وتاۋىن“ قۇرۋ؛ جاڭاشا وندىرگىش كۇشتەردى دامىتۋ تالابىمەن تىعىز بايلانىستىرىپ، ونەركاسىپ جۇمىسشىلارى قوسىنى قۇرىلىسىن تەرەڭدەتۋ؛ قاراجاتتى باسقارۋدى، پايدالانۋدى ارناعا ءتۇسىرىپ، جۇمىسشى ۇيىمى قىزمەتىنىڭ اينالىمىن قامتاماسىز ەتۋدى ۇزدىكسىز كۇشەيتۋ؛ جۇمىسشى ۇيىمىنىڭ زاڭ جۇيەسىن كەمەلدەندىرىپ، جۇمىسشى ۇيىمى قىزمەتىنىڭ زاڭمەن جونگە سالىنۋ دەڭگەيىن جوعارىلاتۋ.

مەملەكەتتىك كەڭەستىڭ تاپسىرۋىمەن مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە بيىل جىل باسىنان بەرگى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جونىندە بايانداما جاسادى. باياندامادا مىنالار اتاپ كورسەتىلدى: بيىل جىل باسىنان بەرى جوسپاردىڭ اتقارىلۋ جاعدايى جالپى جاقتان ءبىرشاما جاقسى بولدى، الدىڭعى جارتى جىلدا ەلىمىز ەكونوميكاسى قايتا ورلەۋ جاعدايىن ساقتاپ، جوعارى ساپالى دامۋدا تىڭ تابىستارعا قول جەتكىزىلدى، ىشكى سۇرانىم ۇزدىكسىز كەڭەيىپ، جاڭاشا وندىرگىش كۇشتەردىڭ دامۋ اياق الىسى تەزدەپ، رەفورما جاساپ، ەسىك اشۋ ۇزدىكسىز تەرەڭدەپ، قوعامدىق جالپى جاعداي ورنىقتى بولدى. سوڭعى جارتى جىلدا پارتيا ورتالىق كوميتەتى ورنالاستىرعان ءتۇرلى ساياساتتىق شارالاردى ويداعىداي اتقارىپ، ىشكى سۇرانىستىڭ كومەسكى كۇشىن ۇزدىكسىز اشىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ونان ارى ىلگەرىلەتىپ، رەفورمانى تاباندىلىقپەن تەرەڭدەتىپ، ەسىك اشۋدى كەڭەيتىپ، ءتۇيىندى سالالارداعى حاۋىپ - قاتەردەن ۇزدىكسىز كۇش سالا ساقتانىپ جانە ونى شەشىپ، وڭىرلەردىڭ سايكەستى دامۋى مەن قالا مەن اۋىلدىڭ توعىسپالى دامۋىن جاپپاي ىلگەرىلەتىپ، كومىر قىشقىل گازىن ىعىستىرۋداعى قوس تىزگىندەۋ ارقىلى جاسىل، تومەن كومىرتەكتى دامۋدى جاپپاي ىلگەرىلەتىپ، كوپ ءتۇرلى شارانى قاتار قولدانىپ حالىق تۇرمىسىن قامتاماسىز ەتىپ جانە جاقسارتىپ، ءتۇيىندى سالالارداعى حاۋىپسىزدىك قابىلەتى قۇرىلىسىن كۇشەيتۋ كەرەك.

مەملەكەتتىك كەڭەستىڭ تاپسىرۋىمەن قازىنا مينيسترى لان فۋ - ان بيىل جىل باسىنان بەرگى مەجە ەسەپتىڭ اتقارىلۋ احۋالى جونىندە بايانداما جاسادى. باياندامادا مىنالار اتاپ كورسەتىلدى: بيىل جىل باسىنان بەرى قازىنا ساياساتى اناعۇرلىم بەلسەندى، ۇزدىكسىز كۇش سالىپ، مەجە ەسەپتىڭ اتقارىلۋى مەن قازىنا اينالىمى جالپى جاقتان ورنىقتى بولدى. باياندامادا 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ مەجە ەسەپ قاۋلىسىن تياناقتاندىرۋ جاعدايى تانىستىرىلىپ، كەلەسى قادامداعى قازىنالىق ءتۇيىندى قىزمەت ورنالاستىرۋى ورتاعا قويىلدى: اناعۇرلىم بەلسەندى قازىنا ساياساتىنان ويداعىداي، تولىق پايدالانىپ، جۇمىستانۋدى ورنىقتىرۋدى، سىرتقى ساۋدانى ورنىقتىرۋدى بار كۇشپەن قولداپ، دامۋدىڭ جاڭا قوزعاۋشى كۇشىن جەدەل جەتىلدىرىپ، زورايتىپ، حالىق تۇرمىسىن ونان ارى قامتاماسىزداندىرىپ جانە جاقسارتىپ، ءتۇيىندى سالالارداعى حاۋىپ - قاتەردەن ساقتانۋعا جانە ونى جويۋعا ۇزدىكسىز كۇش سالىپ، قازىنانى جونگە سالۋ ونىمدىلىگى مەن دەڭگەيىن ۇزدىكسىز جوعارىلاتىپ، تارتا تۇرمىس كەشىرۋ تالابىن قاتاڭ تياناقتاندىرۋ كەرەك.

مەملەكەتتىك كەڭەستىڭ تاپسىرۋىمەن لان فۋ - ان 2024 - جىلعى ۇكىمەت قارىزىن باسقارۋ احۋالى جونىندە بايانداما جاسادى. ءماجىلىس مەملەكەتتىك حالىق قۇرىلتايى قازىنا - ەكونوميكا كوميتەتىنىڭ ورىنباسار مەڭگەرۋشى مۇشەسى، تۇراقتى كوميتەت مەجە ەسەپ قىزمەتى كوميتەتىنىڭ مەڭگەرۋشىسى شۇي حۇڭساي جاساعان 2024 - جىلعى ۇكىمەت قارىزىن باسقارۋ جاعدايى جونىندەگى باقىلاۋ - تەكسەرۋ بايانداماسىن تىڭدادى.

مەملەكەتتىك كەڭەستىڭ تاپسىرۋىمەن مادەنيەت جانە ساياحات مينيسترلىگىنىڭ مينيسترى سۇن يەلي مادەنيەت پەن ساياحاتتىڭ ىشكەرىلەي توعىسپالى دامۋىن ىلگەرىلەتۋ قىزمەتى جاعدايى جونىندە بايانداما جاسادى. باياندامادا مادەنيەت پەن ساياحاتتىڭ ىشكەرىلەي توعىسپالى دامۋىن ىلگەرىلەتۋ قىزمەت شارالارى مەن ونىمدىلىگى تانىستىرىلىپ، ورىن تەۋىپ وتىرعان باستى ماسەلەلەر اتاپ كورسەتىلىپ، مىنالار ورتاعا قويىلدى: كەلەسى قادامدا ءتۇزىلىس، مەحانيزم جانە قامتاماسىزداندىرۋ جۇيەسىن كەمەلدەندىرىپ، مادەنيەت بايلىعىن اشۋدى، ءتۇسىندىرۋدى، پايدالانۋدى تەرەڭدەتىپ، تۇتاس تىزبەك بويىنشا ساياحاتتىڭ مادەنيەت ءمانىن جوعارىلاتىپ، ىشكەرىلەي توعىسقان ونىمدەر مەن قىزمەت وتەۋدە جاڭالىق اشىپ، عىلىم - تەحنيكا ارقىلى جاڭا كاسىپ كۇيىن، جاڭا ۇلگىنى ىلگەرىلەتۋ كەرەك. ”مادەنيەت - ساياحات + 100 كاسىپتى“، ”100 كاسىپ + مادەنيەت - ساياحاتتى“ تەرەڭدەتىپ، تاماشا بازار ورتاسىن قالىپتاستىرىپ، مادەنيەت جانە ساياحات اۋىس - كۇيىسىن، سەلبەستىگىن تەرەڭدەتۋ كەرەك.

مەملەكەتتىك كەڭەستىڭ تاپسىرۋىمەن ەكولوگيالىق ورتا مينيسترلىگىنىڭ مينيسترى حۋاڭ رۇنچيۋ كليمات وزگەرىسىنە توتەپ بەرۋ جانە كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەت جاعدايى جونىندە بايانداما جاسادى. باياندامادا قىزمەتتىڭ باستى اياق الىسى مەن ونىمدىلىگى، ءدوپ كەلگەن قيىنشىلىقتار مەن سىن - سايىس تانىستىرىلىپ، كەلەسى قادامداعى قىزمەتتە ەسكەرۋگە ءتيىستى تۇيىندەر ورتاعا قويىلدى: زاڭ - ساياساتتاردى اقاۋسىزداندىرىپ، كليمات وزگەرىسىنە توتەپ بەرۋدىڭ نىسانا - مىندەتتەرىن تياناقتاندىرۋدى ءبىر تۇتاس جوسپارلاپ ىلگەرىلەتۋ؛ نازاردى ءتۇيىندى سالالارعا شوعىرلاندىرىپ، دامۋ ءتاسىلىنىڭ جاسىل، تومەن كومىرتەكتى تيپكە بۇرىلىس جاساۋىن جەدەلدەتۋ؛ بازار مەحانيزمىن اقاۋسىزداندىرىپ، اناعۇرلىم ءونىمدى، ومىرشەڭدىك كۇشى اناعۇرلىم مىعىم، حالىقارالىق ىقپالى اناعۇرلىم كۇشتى كومىرتەگى بازارىن كۇش سالا قۇرۋ؛ قىزمەت جۇيەسىن كەمەلدەندىرىپ، كليمات وزگەرىسىنە ۇيلەسۋ قابىلەتىن جاپپاي جوعارىلاتۋ؛ تىرەكتىك قامتاماسىزداندىرۋدى كۇشەيتىپ، نەگىزدىك قابىلەتتى جۇيەلى جوعارىلاتۋ؛ كوپ جاقتىلىققا تاباندى بولىپ، ەلىمىزدىڭ دۇنيە جۇزىلىك كليماتتى جونگە سالۋداعى ىقپال كۇشىن، جەتەكشىلىك قۋاتىن جانە سومداۋ قۋاتىن ۇزدىكسىز جوعارىلاتۋ كەرەك.

مەملەكەتتىك كەڭەستىڭ تاپسىرۋىمەن لان فۋ - ان سۋ بايلىعى باجىسى رەفورماسىن تۇيىندە سىناق ەتۋ جاعدايى جونىندە بايانداما جاسادى.

ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ليۋ چي جاساعان مەملەكەتتىك حالىق قۇرىلتايى تۇراقتى كوميتەتى كەڭسە مەڭگەرمەسىنىڭ ”15 - بەسجىلدىق“ جوبا باعدارلاماسىن جاساۋ قىزمەتىندەگى ءبىرقانشا ماڭىزدى ماسەلەنى ارناۋلى تەكسەرىپ زەرتتەۋ قىزمەت احۋالى جونىندەگى باياندامانى تىڭدادى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر ماجىلىسكە قاتىناستى.

مەملەكەتتىك كەڭەستىڭ مۇشەسى ۋاڭ شياۋحۇڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، ءبىر ءبولىم تەتە ولكە دارەجەلى قالالاردىڭ حالىق قۇرىلتايى تۇراقتى كوميتەتتەرىندەگى نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

كەلۋ قاينارى: حالىق تورابى