حالىقارادا ناق زات تۇرىندەگى التىننىڭ باعاسى مەن كۇمىستىڭ باعاسى 10  - ايدىڭ 21 – كۇنى بىردەي قۇلدىرادى 

جەرگىلىكتى ۋاقىت بويىنشا 10 – ايدىڭ 21 – كۇنى، گەوساياسي جاعداي، قارجى قوسۋشىلاردىڭ پايداعا كەنەلگەن سوڭ بازاردا شەگىنىپ شىعۋى قاتارلى ءتۇرلى فاكتورلاردىڭ ىقپالىنا ۇشىراعاندىقتان، التىن مەن كۇمىستىڭ باعاسى بازاردا كەڭ كولەمدى قۇلدىرادى. سول كۇنى حالىقارالىق ناق زات تۇرىندەگى التىننىڭ باعاسىنىڭ قۇلدىراۋ مولشەرى ءبىر مەزەت %6 تەن اسىپ، ۋنتسياسى 4100 ا ق ش دوللارىنان تومەن دەڭگەيگە ءتۇسىپ، 12 جىلدان بەرگى ءبىر كۇندىك ەڭ زور قۇلدىراۋ مولشەرى جارىققا شىقتى؛ حالىقاراداعى ناق زات تۇرىندەگى كۇمىستىڭ باعاسى ءبىر مەزەت %8 قۇلدىراپ، ۋنتسياسى 48 ا ق ش دوللارىنان تومەن دەڭگەيگە ءتۇسىپ، 2021 – جىلدان بەرگى ءبىر كۇندىك ەڭ زور قۇلدىراۋ مولشەرى جارىققا شىقتى.

بيىل جىل باسىنان بەرى، حالىقارادا ناق ازت تۇرىندەگى التىننىڭ باعاسىنىڭ قىمباتتاۋ مولشەرى %50 تەن اسقان، حالىقارادا ناق زات تۇرىندەگى كۇمىستىڭ باعاسىنىڭ قىمباتتاۋ مولشەرى %70 كە جاقىنداعان. ساراپتاۋشىلاردىڭ ايتۋىنشا، وسىنىڭ الدىندا حالىقارالىق جاعدايدىڭ شيەلەنىسۋى قاتارلى فاكتورلاردىڭ سالدارىنان قارجى قوسۋشىلار حالىقارالىق باعالى مەتالدار بازارىنا قادام تاستاپ، وسى ارقىلى مال – مۇلكىنىڭ حاۋىپسىزدىگىنە كەپىلدىك ەتۋدى ويلاعان، ەگەر بازاردىڭ جاعدايى اناعۇرلىم جاقسارا تۇسسە، باعالى مەتالداردىڭ باعاسى ونان ارى بۇرىنعى قالپىنا قايتۋى مۇمكىن.

كەلۋ قاينارى: حالىق تورابى