ءىرى تيپتى سترونتسي كەنىنەن بىرەۋى قوسىلدى 

جياڭسۋ ولكەلىك گەولوگيالىق تەكسەرۋ – زەرتتەۋ مەكەمەسى بەرگەن حابارعا قاراعاندا، بارلاۋ گرۋپپاسى ءتورت جىل ۋاقىت جۇمساپ، ليشۇي ويپاتىنان سترونتسي كەنىن بارلاپ، ءبىر ورىننان ءىرى تيپتى سترونتسي كەنىن تاپقان. كەن بايلىعىنىڭ مولشەرىنە ساراپتاۋ جاساۋعا قاراعاندا، بۇل سترونتسي (كوك تاس) كەنىندە ساقتالعان بايلىق مولشەرى بولجام بويىنشا 545.55 مىڭ تونناعا، رۋدانىڭ مولشەرى 265.40 مىڭ تونناعا جەتەدى، ورتاشا ساپاسى %48.65 بولادى.

سترونتسي — ماڭىزدى سيرەك كەزدەسەتىن مەتال، ەرەكشە فارفور ماتەريالى، ماگنيتتى قورىتپالاردى جاساۋ قاتارلى سالالاردا كەڭىنەن قولدانىلادى، مەملەكەتتىڭ ونەركاسىپتى دامىتۋى مەن عىلىم – تەحنيكانى العا باستىرۋىندا ماڭىزدى رول اتقارادى.

ۇعىسۋعا قاراعاندا، ليشۇي ويپاتىنىڭ شىعىس – سولتۇستىك بولىگى جياڭسۋ ولكەسىندەگى ماڭىزدى سترونتسي كەن بايلىعى شوعىرلى جەر، قازىرگە دەيىن 4 ورىننان ءىرى، ورتا تيپتى سترونتسي كەنى بايقالعان. سونىمەن بىرگە، نىسان گرۋپپاسىنىڭ قىزمەت رايونىنان تاعى بىرنەشە كومەسكى مىس، قورعاسىن – مىرىش، كۇكىرتتى تەمىر كەن شوعىرى بايقالعان، وسى رەت قورىتىندىلاعان كەننىڭ قالىپتاسۋىنداعى زاڭدىلىققا ساي، سترونتسي، مىس، قورعاسىن – مىرىش سىندى كوپ ءتۇرلى مەتالداردى جان – جاقتى بارلاۋ تۋرالى جاڭا وي جەلىسىن ورتاعا قويدى.

كەلۋ قاينارى: حالىق تورابى