جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەر اڭگىمە ءماجىلىسىن اشتى

شينحۋا اگەنتتىگىنىڭ 10 ـ ايدىڭ 24 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى 8 ـ ايدىڭ 27 ـ كۇنى جۇڭنانحايدا پارتيا سىرتىنداعى قايراتكەرلەر اڭگىمە ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ جونىندەگى ۇسىنىسى جونىندە دەموكراتيالىق پارتيا ـ توپتار ورتالىق كوميتەتتەرى، مەملەكەتتىك ساۋدا ـ ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ بىلاي دەپ باسا دارىپتەدى: ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدى جوسپارلاۋدا سوتسياليستىك وسىزامانداندىرۋ نىساناسىن نەگىزىنەن جۇزەگە اسىرۋدى كوزدەپ، حالىقارا جانە ەل ءىشى جاعدايىن ىشكەرىلەي يگەرىپ، جوعارى دەڭگەيدەگى عىلىم ـ تەحنولوگيادا ءوز كۇشىنە سۇيەنىپ ءوزىن الۋەتتەندىرۋدى تىڭعىلىقتى ىلگەرىلەتىپ، بىرگە بايۋدى ورنىقتى قاداممەن ىلگەرىلەتىپ، بۇكىل پارتيانى، بۇكىل ەلدەگى ءار ۇلت حالقىن مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ۋاڭ حۋنيڭ، ساي چي، ديڭ شۋەشياڭ اڭگىمە ماجىلىسىنە قاتىناستى.

اڭگىمە ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا ـ جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، ”3 ـ قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا ـ ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەر ۋاكىلى گو لەي ىلگەرىندى ـ كەيىندى ءسوز سويلەدى. ولار شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ەلىمىزدىڭ ”14 ـ بەسجىلدىق“ مەزگىلىندەگى ەكونوميكالىق، قوعامدىق دامۋدا قول جەتكىزگەن تابىستارىن جوعارى باعالاپ، جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ جونىندەگى ۇسىنىسى تۋرالى ويىن قۇپتادى ءارى ىشكى سۇرانىستى كەڭەيتۋ، وسىزاماندانعان كاسىپ سالاسى جۇيەسىن ورناتۋ، جاڭاشا وندىرگىش كۇشتى جەتىلدىرۋ، دامىتۋ، وقۋ ـ اعارتۋدى، عىلىم ـ تەحنولوگيانى، دارىندىلاردى ءبىر تۇلعالاندىرۋ قۇرىلىسىن ىلگەرىلەتۋ، جاڭالىق اشۋ تىزبەگىن، كاسىپ سالاسى تىزبەگىن جانە تۇتىنۋ تىزبەگىن سايكەستىرۋدى كۇشەيتۋ، بىرگە بايۋدى جەبەۋ، وڭىرلىك سايكەستى دامۋدى ىلگەرىلەتۋ، تەڭىز ـ مۇحيتتا قۋاتتى ەل قۇرۋ، اناعۇرلىم جوعارى دەڭگەيدەگى تىنىش جۇڭگو قۇرۋ، ەنەرگيا مەن استىق حاۋىپسىزدىگىن قامتاماسىزداندىرۋ، حالىقتىق شارۋاشىلىقتىڭ جوعارى ساپالى دامۋىن جەبەۋ، ەكى جاعالاۋدىڭ توعىسا دامۋىن تەرەڭدەتۋ سياقتىلار جونىندە پىكىر جانە ۇسىنىستارىن ورتاعا قويدى.

كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: دەموكراتيانى اسقاقتاتىپ، كوپتىڭ اقىل ـ پاراساتىن شوعىرلاندىرىپ، ءار جاقتىڭ پىكىرىن كەڭىنەن تىڭداۋ — جۇڭگو كوممۋنيستىك پارتياسى ورتالىق كوميتەتىنىڭ كەلەلى ماسەلەلەردى اقىلداسۋداعى، ماڭىزدى حۇجاتتاردى جاساۋداعى دايەكتى ءادىسى جانە تاڭداۋلى ءداستۇرى. ۇسىنىس نۇسقاسىن دايىنداۋ قىزمەتىن ويداعىداي ىستەۋ ءۇشىن، جۇڭگو كوممۋنيستىك پارتياسى ورتالىق كوميتەتى ىشكەرىلەي تەكسەرىپ ـ زەرتتەۋگە ۇيىمداستىردى ءارى تۇتاس قوعامنان توراپتا پىكىر الۋ قيمىلىن ورىستەتتى.

شي جينپيڭ بىلاي دەپ باسا دارىپتەدى: ”15 ـ بەسجىلدىق“ مەزگىلى سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزىن بەكەمدەيتىن، جاپپاي كۇش سالاتىن شەشۋشى مەزگىل. سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نىسانا ـ تالاپتارىمەن سالىستىرا وتىرىپ، ەكونوميكالىق، قوعامدىق دامۋدىڭ ءار سالاسىنداعى، ءار جاعىنداعى ستراتەگيالىق مىندەتتەردى جانە وي جەلىستى، شارالاردى عىلمي تۇراقتاندىرۋ كەرەك. نازاردى جوعارى ساپالى دامۋعا ىقپال جاسايتىن جانە تۇساۋ بولاتىن ءتۇيىندى سالالار مەن شەشۋشى بۋىندارعا شوعىرلاندىرىپ، باسىمدىقتى بەكەمدەپ، كەڭەيتىپ، بوگەتتەر مەن شەكتەمەلەردى تالقانداپ، ولقىلىقتاردى، ءالسىز تۇستاردى تولىقتاۋ، كۇشەيتۋ كەرەك. ”بەستى ءبىر تۇلعالاندىرۋ“ جالپى تۇلعالىق ورنالاستىرۋى مەن ”ءتورتتى جاپپاي ورىنداۋ“ ستراتەگيالىق ورنالاستىرۋىنىڭ ءتۇرلى مىندەتتەرىن ءبىر تۇتاس جوسپارلاپ ـ جوبالاپ، دامۋ بىرىككەن كۇشىن قالىپتاستىرىپ، جالپىلىق اسەردى كۇشەيتۋ كەرەك.

شي جينپيڭ بىلاي دەپ اتاپ كورسەتتى: قازىر ەلىمىزدىڭ دامۋى ستراتەگيالىق وراي مەن حاۋىپ ـ قاتەر، سىن ـ سايىس قاتار ءومىر سۇرگەن، ايقىنسىزدىق، مەجەلەۋ قيىن فاكتورلار كوبەيگەن مەزگىلدە تۇر. حالىقارالىق جاعدايدى ءجىتى قاداعالاپ، دالمە ـ ءدال تۇجىرىمداپ، بەلسەندى تۇردە وزگەرىستى تانىپ، وزگەرىسكە توتەپ بەرىپ، وزگەرىسكە تالپىنىپ، ستراتەگيالىق ىرىقتىلىقتى مىقتاپ يگەرۋ كەرەك. مەيلى سىرتقى ورتا قالاي وزگەرسە دە، كۇشتى شوعىرلاندىرا وتىرىپ ءوز ءىسىمىزدى ويداعىداي ىستەۋىمىز كەرەك. جاڭا دامۋ ۇستانىمىن تولىق، دالمە ـ ءدال، جاپپاي دايەكتىلەندىرىپ، ەل ءىشى ۇلكەن اينالىمىن كۇشەيتىپ، ەل ءىشى، حالىقارا سىندى قوس اينالىمدى ىركىلىسسىزدەندىرىپ، حاۋىپ ـ قاتەردەن ۇيلەسىمدى ساقتانىپ جانە ونى جويىپ، دامۋدىڭ ساپاسى مەن سەرپىمدىلىگىن ۇزدىكسىز جوعارىلاتۋ كەرەك.

شي جينپيڭ بىلاي دەپ باسا دارىپتەدى: جوعارى دەڭگەيدەگى عىلىم ـ تەحنولوگيادا ءوز كۇشىنە سۇيەنىپ ءوزىن الۋەتتەندىرۋ — جوعارى ساپالى دامۋدىڭ ستراتەگيالىق تىرەگى. بۇكىل مەملەكەت بويىنشا جۇمىلاتىن جاڭاشا ءتۇزىلىس ابزالدىلىعىن ساۋلەلەندىرىپ، دۇنيە ءجۇزى عىلىم ـ تەحنولوگياسىنىڭ الدىڭعى لەگىن كوزدەپ، وقۋ ـ اعارتۋ، عىلىم ـ تەحنولوگيا، دارىندىلاردىڭ ءبىر تۇلعالى دامۋىن ءبىر تۇتاس جوسپارلاپ ىلگەرىلەتىپ، نەگىزدىك زەرتتەۋدى كۇشەيتۋ، دەربەس جاڭالىق اشۋ، اسىرەسە، العاشقى جاڭالىق اشۋ قابىلەتىن جوعارىلاتۋ جاعىندا ۇزدىكسىز كۇش سالىپ، شەشۋشى، وزەكتى تەحنولوگيالاردا ناتيجە جاراتۋ جاعىندا قۇلشىنا قامال الۋ كەرەك. جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، ءداستۇرلى كاسىپ سالالارىنىڭ تيپ جاڭالاپ دارەجەسىن جوعارىلاتۋىن جاپپاي ىلگەرىلەتۋدى، جاڭادان گۇلدەنگەن كاسىپ سالالارىن بەلسەنە دامىتۋدى، بولاشاقتاعى كاسىپ سالالارىن الدىن الا ورنالاستىرۋدى قاتار جۇرگىزۋگە تاباندى بولىپ، وسىزاماندانعان كاسىپ سالاسى جۇيەسىن جەدەل قۇرۋ كەرەك.

شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ — بۇكىل حالىق بىرگە باييتىن سوتسياليستىك وسىزامانداندىرۋ. حالىقتى باقىتقا كەنەلتۋدى ءتۇبىرلى قۇن بەتالىسى ەتىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋ كەرەك. وڭىرلىك ەكونوميكانىڭ ورنالاسۋىن اناعۇرلىم ساپالىلاندىرىپ، وڭىرلەردىڭ سايكەستى دامۋىن جەبەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋ كەرەك. اناعۇرلىم كوپ سەزىنە الاتىن، ناقتى شارالاردى قولدانىپ، حالىق بۇقاراسىنىڭ جۇمىستانۋ، وقۋ ـ اعارتۋ، قوعامدىق قامتاماسىزداندىرۋ، تۇرعىن ءۇي، ەمدەۋ، زەينەتكەرلىك، بالالاردى باعۋعا اماناتتاۋ سياقتى جاقتارداعى سۇرانىستى كۇش سالا قاناعاتتاندىرۋ كەرەك.

شي جينپيڭ دەموكراتيالىق پارتيا ـ توپتاردان، ساۋدا ـ ونەركاسىپشىلەر بىرلەستىگىنەن جانە پارتيادا، توپتا جوق قايراتكەرلەردەن قوعامنىڭ ءار سالاسىنداعىلارمەن ەتەنە بايلانىس ورناتۋ ابزالدىلىعىن ساۋلەلەندىرىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋعا قاتىستى ماسەلەلەر جونىندە ۇزدىكسىز ىشكەرىلەي وي جۇگىرتىپ جانە زەرتتەپ، جۇڭگو كوممۋنيستىك پارتياسى ورتالىق كوميتەتىنە دەر كەزىندە باعىتتامالى پىكىر ـ ۇسىنىستار قويىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە، سوتسياليستىك وسىزامانداندىرۋدى نەگىزىنەن جۇزەگە اسىرۋعا اقىل ـ پاراسات جانە كۇش قوسۋدى ءۇمىت ەتتى.

ۋاڭ ي، ليۋ گوجۇڭ، لي گانجيە، لي شۋلەي، لي حۇڭجۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، ۋ جىڭلۇڭ، شىن يچين، مۋ حۇڭ، جياڭ شينجى، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار اڭگىمە ماجىلىسىنە قاتىناستى.

اڭگىمە ماجىلىسكە قاتىناسقان پارتيا سىرتىنداعى قايراتكەرلەردەن تاعى شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە جاڭ ىندي، ان ليجيا، جاڭ ۋيحۇڭ قاتارلىلار بار.