11 – ايدىڭ 5 – كۇنى ءبىرشاما كۇشتى سۋىق اعىس ەلىمىزدىڭ كوپ ءبولىم جەرىنە  ىقپال جاسايدى 

حالىق گازەتىنىڭ ءتىلشىسى جياڭ شۋەحۇڭ 11 – ايدىڭ 3 – كۇنى بەيجيڭنەن حابارلايدى. اۋا رايىن باقىلاۋ جاعدايىنا قاراعاندا، 11 – ايدىڭ 3 – كۇنى كۇندىز يۇننان، حاينان قاتارلى جەرلەردىڭ ءبىر ءبولىم وڭىرلەرىندە جاڭبىر ءبىرشاما كوپ جاۋعان، شيزاڭنىڭ شىعىس بولىگى، سىچۋاننىڭ باتىس بولىگى قاتارلى جەرلەردىڭ ءبىر ءبولىم وڭىرلەرىندە قار نەمەسە قار ارالاس جاڭبىر جاۋعان.

ورتالىق اۋا رايى ستانسياسىنىڭ مەجەلەۋىنشە، 11 – ايدىڭ 3 – كۇنى كەشتەن 11 – ايدىڭ 4 – كۇنىنە دەيىن، يۇنناننىڭ ورتا – باتىس بولىگى، حۋناننىڭ ورتا بولىگى جانە وڭتۇستىك بولىگى، جياڭشيدىڭ ورتا – باتىس بولىگى جانە وڭتۇستىك بولىگى، گۋاڭشيدىڭ شىعىس بولىگى، گۋاڭدۇڭنىڭ باتىس بولىگى جانە سولتۇستىك بولىگى، فۋجياننىڭ باتىس بولىگى، حاينان ارالى قاتارلى جەرلەردىڭ ءبىر ءبولىم وڭىرلەرىندە قالىڭ جاڭبىر نەمەسە نوسەر جاۋادى، مۇنىڭ ىشىندە، حاينان ارالىنىڭ شىعىس بولىگىندەگى ءبىر ءبولىم جەرلەردە قالىڭ نوسەر نەمەسە ەرەكشە قالىڭ نوسەر جاۋادى. مەجەمەن 11 – ايدىڭ 5 – كۇنىنەن 9 – كۇنىنە دەيىن، ءبىرشاما كۇشتى سۋىق اعىس باتىستان شىعىسقا قاراي ەلىمىزدىڭ كوپ ءبولىم وڭىرىنە ىقپال جاسايدى، مۇنىڭ ىشىندە، 11 – ايدىڭ 5 – كۇنىنەن 7 – كۇنىنە دەيىن، نەگىزىنەن، شينجياڭعا، ىشكى موڭعۇلدىڭ باتىس بولىگىنە جانە چيڭحاي – شيزاڭ ۇستىرتىنە ىقپال جاسايدى، 11 – ايدىڭ 8 – كۇنىنەن 9 – كۇنىنە دەيىن، سۋىق اعىس شىعىستان وڭتۇستىككە قاراي ويىسىپ، چاڭجياڭنىڭ سولتۇستىگىندەگى كوپ ءبولىم وڭىرگە ىقپال جاسايدى.

اۋا رايى ماماندارىنىڭ ەسكەرتۋىنشە، جۋىردا كوپ جەردە جاڭبىر جانە قار جاۋىپ، اۋا تەمپەراتۋراسى تومەندەگەن، كوپشىلىكتىڭ سىرتقا شىققاندا قالىڭ كيىنگەنى ءجون؛ جىلۋمەن قامداۋدا حاۋىپسىزدىككە كوڭىل ءبولۋ قاجەت؛ قاتىناس جانە ءجۇرىس – تۇرىس بارىسىندا تايعاناۋدان ساقتانۋ قاجەت.

كەلۋ قاينارى: حالىق تورابى