6 تاراۋ ءبىر جىلدىق مەرزىممەن ”زاڭسىز شۇعىل قۇتقارۋ اۆتوموبيلىن جۇرگىزۋگە“ سوققى بەرۋ جانە ونى جونگە سالۋ ارەكەتىن بىرلەسىپ ورىستەتەدى 

شينحۋا اگەنتتىگىنىڭ ءتىلشىسى لي حىڭ 11 – ايدىڭ 3 – كۇنى بەيجيڭنەن حابارلايدى. ەمدەۋ – دەنساۋلىق ساقتاۋ قۇرىلىمدارىنىڭ شۇعىل قۇتقارۋ اۆتوموبيلدەرىن اداقتاۋدى ورىستەتىپ، ”زاڭسىز شۇعىل قۇتقارۋ اۆتوموبيلىن جۇرگىزۋ“ سىندى زاڭ – تۇزىمگە قايشى ارەكەتتەرگە قاتاڭ سوققى بەرىپ، جونگە سالۋ مەن الدىن الۋدى ۇشتاستىرىپ مەديتسينالىق كۇتىمدەپ جوتكەۋ قىزمەتىنىڭ قالىپتى دامۋىنا جەتەكشىلىك ەتەدى. مەملەكەتتىك دەنساۋلىق ساقتاۋ – سالاماتتىق كوميتەتى، قوعام حاۋىپسىزدىگى مينيسترلىگى قاتارلى 6 تاراۋ 11 – ايدىڭ 3 – كۇنى ۇقتىرۋ جاريالاپ، ءبىر جىلدىق مەرزىممەن زاڭسىز شۇعىل قۇتقارۋ اۆتوموبيلىن جۇرگىزۋدى جونگە سالۋ قىزمەتىن بىرلەسىپ ورىستەتۋدى ۇيعاردى.

شۇعىل قۇتقارۋ اۆتوموبيلدەرىن جۇيەلى باسقارىپ، ”زاڭسىز شۇعىل قۇتقارۋ اۆتوموبيلىن جۇرگىزۋ“ سىندى زاڭ – تۇزىمگە قايشى ارەكەتتەرگە قاتاڭ سوققى بەرۋ — حالىق جۇرتشىلىعىنىڭ ءومىرىنىڭ حاۋىپسىزدىگى مەن دەنساۋلىق ۇقىق – مۇددەسىن قورعاۋدىڭ ماڭىزدى كەپىلى.

«زاڭسىز شۇعىل قۇتقارۋ اۆتوموبيلدەرىن جۇگىزۋدى ارناۋلى جونگە سالۋدى ورىستەتۋ جونىندەگى ۇقتىرۋدا» مىنالار ايقىن تۇراقتاندىرىلعان: وسى رەتكى ارناۋلى جونگە سالۋ قىزمەتى ”شۇعىل قۇتقارۋ اۆتوموبيلى“ دەپ تىزىمدەتىلگەن، تىركەۋگە الدىرىلعان موتورلى كولىكتەرگە، سونداي – اق، ەمحانا سىرتىنداعى شۇعىل قۇتقارۋ جانە مەديتسينالىق كۇتىمدەپ جوتكەۋ قىزمەتىمەن زاڭسىز تۇردە شۇعىلداناتىن ”شۇعىل قۇتقارۋ اۆتوموبيلى“ تۇرىنە جاتپايتىن اۆتوموبيلدەرگە (اتاپ ايتقاندا ”زاڭسىز شۇعىل قۇتقارۋ اۆتوموبيلدەرى“) باعىتتالادى.

ۇقتىرۋعا ساي، شۇعىل قۇتقارۋ اۆتوموبيلدەرىن ىستەتەتىن بولىپ بەلگىلەنگەن ءار دارەجەلى ءتۇرلى ەمدەۋ – دەنساۋلىق ساقتاۋ قۇرىلىمدارى — شۇعىل قۇتقارۋ اۆتوموبيلىن باسقارۋ جاۋاپكەرشىلىگىن ارقالايتىن باستى تۇلعا، ولار شۇعىل قۇتقارۋ اۆتوموبيلىن باسقارۋ جونىندەگى بەلگىلەمەلەر مەن تۇزىمدەردى ورناتۋى ءارى كەمەلدەندىرۋى، اۆتوموبيلدى جۇيەلى ورنالاستىرۋى، تالاپ بويىنشا ورنىن بەلگىلەۋ قۇرىلعىلارىن ورنالاستىرۋى كەرەك. كەرەكتەن شىعارىپ، جاڭاسىن الۋدى ولشەم بويىنشا قاتاڭ اتقارۋى قاجەت، ءوز بىلگەنىنشە وزگەرتۋىنە، مايعا بەرۋىنە، مايعا الۋىنا، باسقالارعا وتكەرمەلەپ بەرۋىنە، باسقالاردىڭ تولىمدىلىعىنان پايدالانۋىنا، ءارقانداي ورىنعا نەمەسە جەكەگە كوتەرمەگە بەرۋىنە، باسقا ماقساتقا جوتكەپ پايدالانۋىنا بولمايدى.

كەلۋ قاينارى: حالىق تورابى