شي جينپيڭ رەسەيدىڭ زۇڭليى ميشۋستينمەن كەزدەستى

11 - ايدىڭ 4 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەيدىڭ زۇڭليى ميشۋستينمەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

«حالىق گازەتى»، 11 - ايدىڭ 4 - كۇنى، بەيجيڭ (ءتىلشى حۋ زىشي). 11 - ايدىڭ 4 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا رەسەيدىڭ زۇڭليى ميشۋستينمەن كەزدەستى.

شي جينپيڭ بىلاي دەپ اتاپ كورسەتتى: بيىل جىل باسىنان بەرى جۇڭگو - رەسەي قارىم - قاتىناسى اناعۇرلىم جوعارى دەڭگەيدەگى، اناعۇرلىم جوعارى ساپالى دامۋ نىساناسىن بەلگىلەپ، توتەنشە كۇردەلى سىرتقى ورتا جاعدايىندا تولقىن جارا العا تارتتى. جۇڭگو - رەسەي قارىم - قاتىناسىن ويداعىداي قورعاۋ، ويداعىداي بەكەمدەۋ، ويداعىداي دامىتۋ − ەكى جاقتىڭ ستراتەگيالىق تالعامى. مەن پۋتين زۇڭتۇڭمەن ماسكەۋدە جانە بەيجيڭدە ەكى رەت ديدارلاسىپ، جۇڭگو - رەسەي قارىم - قاتىناسىنداعى ستراتەگيالىق، جالپى جاعدايلىق ماسەلەلەر جونىندە ىشكەرىلەي پىكىر اۋىستىرىپ، جاڭا جوبا جانە ورنالاستىرۋ جاسادىم. ەكى جاق تىعىز سايكەسۋدى ساقتاپ، پۋتين زۇڭتۇڭ ەكەۋىمىز كەلىسكەن ماڭىزدى ورتاق تانىمدى ويداعىداي تياناقتاندىرىپ، ەكى ەلدىڭ جانە ەكى ەل حالقىنىڭ ءتۇبىرلى مۇددەسىن كوزدە ۇستاپ، جۇڭگو - رەسەي سەلبەستىگىنىڭ بالكۇلشەسىن ويداعىداي جاساۋى، سونداي - اق دۇنيە ءجۇزىنىڭ بەيبىتشىلىگى مەن دامۋىنا تىڭ دا اناعۇرلىم زور ۇلەس قوسۋى كەرەك.

شي جينپيڭ بىلاي دەپ باسا دارىپتەدى: ەكى جاق ءوزارا قارجى قوسۋدى ورنىقتى كەڭەيتىپ، ەنەرگيا، ۇلاستىرۋ - تۇتاستىرۋ، اۋىل شارۋاشىلىعى، اۆياتسيا، عارىش سياقتى ءداستۇرلى سالالارداعى سەلبەستىكتى ويداعىداي ورىستەتۋى؛ جاساندى زەردە، سيفرلى ەكونوميكا، جاسىل دامۋ سياقتى جاڭا كاسىپ كۇيىندەگى سەلبەستىكتىڭ كومەسكى كۇشىن اشىپ، سەلبەستىكتىڭ جاڭا ارتۋ تۇيىندەرىن قالىپتاستىرۋى؛ گۋمانيتارلىق اۋىس - كۇيىستى جيىلەتىپ، ەكى ەل قوعامىنىڭ ءار سالاسىنداعى اناعۇرلىم كوپ قايراتكەرلەردىڭ جۇڭگو مەن رەسەيدىڭ دوستىق سەلبەستىك ىستەرىنە ات سالىسۋىنا مۇمكىندىك جاساۋ كەرەك. تاياۋدا جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ”15 - بەسجىلدىق“ جوبا ۇسىنىسىن قاراپ ماقۇلداپ، جۇڭگونىڭ الداعى 5 جىلداعى ەكونوميكالىق، قوعامدىق دامۋى جونىندە جوعارى دەڭگەيلى جوبا جانە ستراتەگيالىق جوبا جاسادى. جۇڭگو جۇڭگو ۇلگىسىندەگى وسىزامانداندىرۋدى جاپپاي ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن تاباندىلىقپەن ىلگەرىلەتىپ، جوعارى دەڭگەيدەگى سىرتقا ەسىك اشۋدى كەڭەيتەدى. جۇڭگو جاق رەسەي جاقپەن بىرگە جۇڭگونىڭ ”15 - بەسجىلدىق“ جوباسىن رەسەيدىڭ ەكونوميكالىق، قوعامدىق دامۋ ستراتەگياسىمەن اناعۇرلىم ويداعىداي ۇشتاستىرىپ، ەكى ەل حالقىن ۇزدىكسىز باقىتقا كەنەلتۋدى قالايدى.

ميشۋستين پۋتين زۇڭتۇڭنىڭ ءتوراعا شي جينپيڭگە جولداعان ىقىلاستى سالەمى مەن ىزگى تىلەگىن جەتكىزدى. ميشۋستين مىنالاردى ءبىلدىردى: جۇڭگو كوممۋنيستىك پارتياسى 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ءساتتى وتكىزىلگەندىگىن قۇتتىقتايمىز، جۇڭگونىڭ ”15 - بەسجىلدىق“ ۇسىنىسىندا بەكىتىلگەن جوسپاردى ءساتتى ىسكە اسىرىپ، ءتىپتى دە زور ەكونوميكالىق، قوعامدىق دامۋ ناتيجەلەرىنە قول جەتكىزەتىندىگىنە سەنەمىز. ەكى ەلدىڭ مەملەكەت باسشىلارى بيىل ەكى رەت ديدارلاسىپ، رەسەي - جۇڭگو قارىم - قاتىناسىنىڭ دامۋى جونىندە ستراتەگيالىق جوبا جاساپ، رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن بەكەمدەدى. رەسەي جاق جۇڭگو جاقپەن بىرگە ەكى ەل مەملەكەت باسشىلارى كەلىسكەن ماڭىزدى ورتاق تانىمدى تياناقتاندىرىپ، ەكونوميكا - ساۋدا، عىلىم - تەحنيكا، ەنەرگيا، اۋىل شارۋاشىلىعى، سيفرلى ەكونوميكا سياقتى سالالارداعى سەلبەستىكتى تەرەڭدەتىپ، گۋمانيتارلىق اۋىس - كۇيىستى جيىلەتىپ، كوپ جاقتى سايكەسۋدى، سەلبەسۋدى كۇشەيتىپ، ەكى ەل سەلبەستىگىنىڭ اناعۇرلىم كوپ تابىستارعا قول جەتكىزۋىن ىلگەرىلەتۋدى قالايدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى